الموضوع: حد يعرف ميكانيكى فيليشيا ؟؟

المشاركة الأصلية كتبت بواسطة amr_650

متشكرين يا رجالة على الردور ,, انا ترس الكاتينة اتكسر فجابت صبابات ,, دة اللى الميكانيكى قالنا علية

الله اعلم بقى هتحتاج اية هشوف الناس اللى انتو قلتو عليها دى و ربنا يسهل

الموضوع ان شاء الله بسيط هتشترى كتينة اصلى بالترسين وطقم صبابات جديد وجوان وش سلندر بحوالى 180+150+30=360ج ودة فى حالة ان الموتور مش محتاج شمبر وعلى فكرة الشغل دة كلة فى وش السلندر مش فى المكنة ماعدا الكتينة بيحل الكرتير تحت +طرمبة المية وبعد كدة غيار زيت ب 100ج تقريبا حسب اختيارك ومصنعية حوالى 150 او 200جيبقى المجموع 550 او 600 ج والموضوع يبقى تمام ولو زودنا شمبر وكانت الشمايز والساتم تمام يبقى هتزيد كمان 150ج ثمن طقم الشمبر يعنى اعمل حسابك على باكو ولو لقيت الشمايز والبساتم او الكرنك فيهم مشاكل يبقى تنسى خالص وتجيب مكنة استيراد تطلعها من نص عربية اوفر لك

المشاركة الأصلية كتبت بواسطة amr_650

متشكر اوى يا ايمن بية ,, انا هطلع ان شاء الله على الراجل بتاع النزهة الجديدة دة اشوف اية النظام و ربنا يكرم ,, هو الماتور الاستيراد بكام ؟؟

العفو ، لكن حضرتك لازم تحل الموتور الاول وبعدين تاخد القرار بناءا على حالتة وعموما الموتور سعرة متفاوت من 2500الى3000 حسب الحالة ولو عاوز توفر شوية يبقى تشترية فاضى من غير كربراتير ودينمو ومرش والتوفير هيبقى فى حدود 700ج تقريباً لكن انصحك بشرائة كامل حتى تكون حالتة متناسقة وربنا يوفقك واكتب لى عملت اية ....متابع