الموضوع: شوف الناس طلعت مضايقه من بعضها ليه

ضروري الطريق يبقي طريق مش مدق العربية صالحة بجد للسير والسائق يكون بيعرف يسوق بجد
والناس تكون كلها بتحترم بعضها
اسفلت وخطوط وعلامات علي الارض وعلامات جانبية واضحة في مكان مناسب والمرور بيراقب الكلام ده ويحاسب اللي غير ملتزم وميكونش فيه وساطة ولا رشوة ولا محسوبية وفحص السيارات يكون مضبوط
والناس لما تعرف ان فيه حساب بالعدل والناس سواسية في النواحي المرورية دا طبعا بعد ما يكونو خدو الرخص بتاعة السواقة بصورة شرعية يعني اتعلمو وعرفو يعني ايه سواقة وعربية وطريق وبعدين يمتحنوهم في الكلام ده
اما نظام الجهل المطلق المطبق وفرد العضلات والمحسوبية لو استمر يبقي تستمر زي ماهي لحد ما الكلام ده يتحقق
مهم مش معقول تكون العربية مدفوع قد تمنها عالاقل كجباية والفلوس دي تروح اناس يتباهو بمخالفة المرور
-فيلم الزوجة التانية -لازال صالح للتطبيق في وصف حالنا في مصر وماشابهها
وربنا يصلحنا ويصلح الحال حال البلاد والعباد

مفيش فايدة طول ما الطريق عليه نوعية السواقين دي :

شاب صغير فاكر نفس على حلبة الفورميلا وان .
سواق ميكروبات عايز يعمل أكبر عدد من الدورات و ملوش دعوة بغيرة و لا هو بيعمل أيه و لا بيأذي مين .
سواق نقل ضارب الحارة الشمال و ماشي على 30 و ملوش دعوة .
راجل كبير في السن قافل المرايات (لأنه مش معترف بها ) أو واحدة ست و دول يأما بيعملوا غرز عمياني و يبقى هايشيلك وش العربية لو ما فرملتش .... أو ماسك شمال و ماشي على سرعة 40 و قافش في الشمال مش عايز يسيبه أو ماشي يطوح أو ماشيه تتطوح من حارة لحارة .
و الأخوة اللي ماشي نص العربية في حارة و النص التاني في حارة تانية علشان مستني أي فراغ يعمل فيه غرزة (ربنا يخدهم ) .
و المشاه اللي بترمي نفسها ادام العربية و أنت معاك الفرامل السحرية .

حاجتين البلد محتاجاهم
شرطة شديدة موت (علشان أحنا مش بنمشي غير بكدا )
و التعليم في المدارس يكون فيه أساسيات المرور و تعليم الأطفال ازاي يبقى رقم واحد عنده الأمان مش يوصل بسرعة .