المشاركة الأصلية كتبت بواسطة مواطن مصرى
لو التكييف اجزاءه سليمه (الكومبريسور و المراوح و دائره الشحن و الخراطيم) يبقى الحكايه مجرد شحن فريون فقط و هايشتغل كويس و مش هيتكلف 250-300 جنيه بالكثير
التكييف لما يشتغل هياخد من سحب العربيه طبعا مش للدرجه اللى تخوف
و بعدين لو حضرتك خايف علشان العربيه الف سى سى فيه زملاء فى المنتدى مركبين تكييف فى عربيات ماروتى 800 سى سى و 3 سلندر بس و خارطين طنبوره للكمبريسور فى الموتور لان العربيه مش مجهزه لتركيب التكييف و شغال معاهم التكييف زى الفل ..
توكل على الله و جرب بس الاول اتاكد ان اجزاء التكييف سليمه علشان بعد ما تشحنه ممكن يهرب فريون تانى او ممكن الثلاجه تكون فيها مشكله او سير الكمبريسور محجر ...