شوروا عليا يا جماعة نفسيا وانسانيا.

السلام عليكم ورحمة الله وبركاته

اخباركوا ايه يا جماعة نايل موتورز.اتمنى الجميع يكون بخير بامر الله .

الموضوع باختصار كنت راكن تحت البيت ومغطى العربية الصبح وسمعت الانذار لقيت عربية تريلا تقريبا لازقة فى الباب اليمين وناس حواليه بتقوله بس بس بس هوب الله يخرب بيتك. نزل السواق جرى وانا كمان بصيت لقيت القايم اليمين كدة وسبحان الله من غير خربوش :
http://img207.imageshack.us/img207/8598/imag0033as.jpg

http://img38.imageshack.us/img38/249/imag0034al.jpg


http://img805.imageshack.us/img805/6459/imag0035k.jpg


سواق النقل والله يا باشا مخدتش بالى ومش عارف حصل ازاى ده(سواق النقل راجل كبير معدى الستين).

قولتله: وانا مش عارف اقولك ايه يا حاج.

جارى : االعربية مخبوطة فى القايم ولازم تعمل محضر على الاقل اثبات حالة عشان لو عوزت تبيع.

السواق : لا ابوس ايدك انا مش حمل بهدلة ( قلبى الطيب زقزق بس العربية مخبوطة قايم). ما هو يا حج العربية مخبوطة فى القايم.

بص يا ابنى اللى انت عاوزه اعملوهولك وهصلحها وارشها كلها على حسابى.

مش هينفع يا حج ارش قايم.طب بص يا حج نكلم البوليس ونثبت حالة وهتنازل عنه عشان ضمان حقى.

البوليس جيه عملنا المحضر روحنا القسم والراجل فضل يعيط طول الطريق لان العربية هتتحبس وربنا يسترها والعربية عندى كان لازم تقعد وعرض على نيابة وموال(المهم خلصناها معارف ومقعدتش).المهم عملت المحضر والمفروض بكرة لاما اروح اكمل او اتنازل.

من جوايا فى كلمة عمالة تزن فى دماغى(شاء الله وما قدر لطف) بس متضايق.

مش عارف اعمل ايه.انتوا رايكوا ايه.

قول الحمد للة و مكنش ليها لازمة المحضر و القصة دية و متقلقش دية متعيبش العربية في حاجة و اي سمكري نظيف يردهالك و عمرها ما هتبان انا عندي نقرتين زي دول بس مش عارف بقى جم ازاي

والله انا مكنتش ناوى على محضر ولكننى كنت زى المتكتف واحد يقولى لازم محضر اثبات حالة عشان الخبطة فى القايم ومن جوايا سواق التقل صعبان عليا ولكنى متكتف ومش عارف اعمل ايه والله يعلم بالنوايا ولكننى مش عاوز ابهدله وعمال افكر انزل وانهى المحضر واكلم الراجل اطمنه.

إحمد ربنا ياراجل
قول الحمد لله ..

إنت نزلت لقيت عربيتك منقورة في القايم
غيرك نزل مالقاش عربيته خالص


الحمد لله على نعمته وفضله ..

الله يعوض عليك

اقتباس:

---

المشاركة الأصلية كتبت بواسطة m.fouad

قول الحمد لله و مكنش ليها لازمة المحضر و القصة دية و متقلقش دية متعيبش العربية في حاجة و اي سمكري نظيف يردهالك و عمرها ما هتبان ا

---

++++++++11111111111111

انهي المحضر دلوقتي طالما مش هيعمل حاجه

والحمدلله انها جت بسيطه وهي واقفه

اقتباس:

---

المشاركة الأصلية كتبت بواسطة a7med_pharma

إحمد ربنا ياراجل
قول الحمد لله ..

إنت نزلت لقيت عربيتك منقورة في القايم
غيرك نزل مالقاش عربيته خالص


الحمد لله على نعمته وفضله ..

---

الحمد لله على كل حال.شاء الله وما قدر لطف

اقتباس:

---

المشاركة الأصلية كتبت بواسطة إبراهيم المصرى

الله يعوض عليك

---

اللهم امين.

اقتباس:

---

المشاركة الأصلية كتبت بواسطة ahmed_mido1889

انهي المحضر دلوقتي طالما مش هيعمل حاجه

والحمدلله انها جت بسيطه وهي واقفه

---

الحمد لله والمحضر ما هو الا اثبات حالة وظروف الخبطة ولكننى من جوايا مش عاوز المحضر ولكننى قلقت من خبطة قايم والقلق وحالة الضيق.

طالما راجل ببسيط وغلبان ومعترف بخطاه وعايز يصلح كمان يبقي ملوش لازمه اي حاجه من الحاجات دي وفدي ظفرك ياحج ومش دي اللي هتوقع بيعها يعني

والله يا جماعة انا كنت زى المتكتف ومش عارف اعمل ايه.عمرى ما اتحطيت فى موقف زى كدة ويارب ما يعاد تانى ولا حد يشوفه.

عاوز رايى الى مش هيعجب ناس كتير ؟
اتفق مع الراجل تاخد منه فلوس و تتنازل عن المحضر
خد منه اى مبلغ بسيط
يعنى متضغطش عليه اوى فى المبلغ
وابقى طلع الفلوس صدقه
بس الهدف انه يتعلم بعد كده ياخد باله و هو ماشى
انا مره واحد خبطنى و بعد مداولات كنت هدفعه 1000 جنيه و معايا رخصته
ولما جاب الفلوس قلتله انا مسامحك بس ابقى خد بالك
لحد النهارده بشوفه بيطلع نفس الطلعه الى خبطنى بيها
لو كنت خدت منه 20 جنيه كان اتعلم عشان جيبه هيوجعه

ما هو يا استاذى لو على انه ياخد باله او يركز اكتر فبقول طالما محضر والقسم والقلق ده برده هيخليه يركز اكتر والله اعلم.وانا شخصيا بقول دايما ساعة القدر يعمى البصر.ونفسيا مش مرتاح اساسا لكل اللى حصل والراجل صعبان عليا اولا لكبر سنه وثانيا حاسس اننى عملتله المحضر وانا مش دريان ولما فوقت لقيتنى هبهدل راجل كبير وخلاص نويت بامر الله اتنازل وربنا يرفع عنا جميعا ويسترها مع الجميع بامره.

معلش .هى حاجه تخنق. الحمد لله احسن من مشكله كبيره . دى عربيه نقل زى ما بتئول يعنى كان ممكن تهرس الحته دى و تخش فى مواضيع كتييير . قدر الله و ما شاء فعل . كل ما تشوفها قول فى بالك كان ممكن تكون اكبر من كده و الحمد لله

و السلام عليكم

العفو عند المقدر من شيم الرجال ... و الحمد لله انها جت على قد كده .. و بسيطه ... ربنا يكرمك

بصراحه ومع احترامى الموضوع كبر على الفاضى انت ممكن وانت ماشى زلطه من مقطوره فى نفس المكان بس تدغدغلك القايم اكتر من كده ... البتاعه بيسطه جدا جدا يا مستر ايمن ... ( انت بتقول راجل كبير وبتاع .. والبلد حالها واقف خلقه فاسيب الناس تعمل برزقها .... واهم حاجه برضو فى نفس الوقت انك متزعلش نفسك لان انت كنت زعلان على العريبه وفى نفس الوقت عايز تأمن نفسك ... فالحمد لله الموضوع بيسط خالص .. استغفر ربنا واحمد على كده )

سؤال جانبي ..
هو ممكن فعلا خبطه هايفه زي ديه تأثر في بيع العربيه ؟!!

على فكره خبطة بسيطه جدا ومكانتش مستاهله محضر ولا حاجه
ياريت تتنازل عنه فى اقرب وقت والعفو عند المقدرة

دى بسيطه ان شاء الله ومش هاتحتاج رش سمكرى كويس هايردهالك زى الاصل بالظبط
متقلقش وعلى فكره ولا لها لازمه فى البيع انا اشتريت عربيه فابريقه فيها نفس الخبطه بالظبط سبحان الله
ولا سألت دى من ايه وانا ببيع بردو ولا حد علق عليها لان اكيد دى بتبقى ترييحه عربيه

اتركها على حالها افضل من سمكرتها فهي غير ملحوظة واهي تاخد العين

اعمل الصح استاذ ايمن : )

اتنازل عن المحضر و اهو الراجل خد درس خلاص كفاية المفاجئة و انه يروح القسم و هو شكله مش من النوع الملاوع بتاع ملكش حاجة عندى

و بالنسبة للخبطة سمكرى نظيف هيردها باذن الله بدون رش و انا لو منك هسيبها على حالتها كده و هحتسب ان الله فدانى من حاجة اكبر

بالتوفيق

اقتباس:

---

المشاركة الأصلية كتبت بواسطة memofree

معلش .هى حاجه تخنق. الحمد لله احسن من مشكله كبيره . دى عربيه نقل زى ما بتئول يعنى كان ممكن تهرس الحته دى و تخش فى مواضيع كتييير . قدر الله و ما شاء فعل . كل ما تشوفها قول فى بالك كان ممكن تكون اكبر من كده و الحمد لله

و السلام عليكم

---

الحمد لله ربنا سترها ويارب يسترها على الناس كلها بامره.

اقتباس:

---

المشاركة الأصلية كتبت بواسطة hosamsief

العفو عند المقدر من شيم الرجال ... و الحمد لله انها جت على قد كده .. و بسيطه ... ربنا يكرمك

---

الحمد لله على كل حال.

اقتباس:

---

المشاركة الأصلية كتبت بواسطة الغزالى

بصراحه ومع احترامى الموضوع كبر على الفاضى انت ممكن وانت ماشى زلطه من مقطوره فى نفس المكان بس تدغدغلك القايم اكتر من كده ... البتاعه بيسطه جدا جدا يا مستر ايمن ... ( انت بتقول راجل كبير وبتاع .. والبلد حالها واقف خلقه فاسيب الناس تعمل برزقها .... واهم حاجه برضو فى نفس الوقت انك متزعلش نفسك لان انت كنت زعلان على العريبه وفى نفس الوقت عايز تأمن نفسك ... فالحمد لله الموضوع بيسط خالص .. استغفر ربنا واحمد على كده )

---

مستر غزالى.اخبارك ايه.الحمد لله على كل حال وفعلا بلليل المحضر خلص والحمد لله.

اقتباس:

---

المشاركة الأصلية كتبت بواسطة casperinoo

سؤال جانبي ..
هو ممكن فعلا خبطه هايفه زي ديه تأثر في بيع العربيه ؟!!

---

الله اعلم .

اقتباس:

---

المشاركة الأصلية كتبت بواسطة mrghost

على فكره خبطة بسيطه جدا ومكانتش مستاهله محضر ولا حاجه
ياريت تتنازل عنه فى اقرب وقت والعفو عند المقدرة

---

الحمد لله على كل حال وخلص المحضر والحمد لله ويارب يسترها على الجميع.

اقتباس:

---

المشاركة الأصلية كتبت بواسطة ramyhekal

دى بسيطه ان شاء الله ومش هاتحتاج رش سمكرى كويس هايردهالك زى الاصل بالظبط
متقلقش وعلى فكره ولا لها لازمه فى البيع انا اشتريت عربيه فابريقه فيها نفس الخبطه بالظبط سبحان الله
ولا سألت دى من ايه وانا ببيع بردو ولا حد علق عليها لان اكيد دى بتبقى ترييحه عربيه

---

الحمد لله على كل حال وربنا يسترها على الجميع بامره.

اقتباس:

---

المشاركة الأصلية كتبت بواسطة د.محمود صلاح

اتركها على حالها افضل من سمكرتها فهي غير ملحوظة واهي تاخد العين

---

د.محمود فكرت فى كدة فعلا اسيبها زى ما هى وده خوفا من عدم عودتها للاصل.الحمد لله على كل حال.

من رائى سيب الخبطه كدا ومش مستاهله محضر بصراحه اى سمكرى نضيف هيعملها ومش هتبان ان شاء الله

فيه واحد صاحبي عنده مكان في المعادي بيعمل شفط للخبطات دي بدون سمكرة يخليها تخرج لبرة تاني

اقتباس:

---

المشاركة الأصلية كتبت بواسطة أحمد كمال

فيه واحد صاحبي عنده مكان في المعادي بيعمل شفط للخبطات دي بدون سمكرة يخليها تخرج لبرة تاني

---

فين يا باشا

اقتباس:

---

المشاركة الأصلية كتبت بواسطة M.FOUAD

فين يا باشا

---

بالصدفة اكتشفت انه معلن رسمي هنا في نايل موتورز :)

http://www.nilemotors.net/Nile/285163-a.html