انا معايا بيجو 605 خليجى 2000 انجكشن..لسه مشتريها..وجربتها وكانت زى الفل...بس اول ما طلعت بيها مشوار كبير لاحظت ان العربيه بتتخنق وبطلع دخان اسود فظيع كل اما ادوس :(...ايه الحل انقذونى
علما بأن كل الميكانيكيا غلبوا ومفيش فائده
عرض للطباعة
انا معايا بيجو 605 خليجى 2000 انجكشن..لسه مشتريها..وجربتها وكانت زى الفل...بس اول ما طلعت بيها مشوار كبير لاحظت ان العربيه بتتخنق وبطلع دخان اسود فظيع كل اما ادوس :(...ايه الحل انقذونى
علما بأن كل الميكانيكيا غلبوا ومفيش فائده
انت ساكن فين ؟؟؟
انا ساكن فى الجيزه...وعلى فكره انا دخت عند الميكانيكيا
ورحت مراكز صيانه ومفيش فايده...اخرهم عماره اللى فى الفسطاط...غيرولى كل شىء بدورة البنزين...حسساسات ومنظم...وبوجيهات وموبينا وكللو...ولسه العيب موجود :(
والله حرام
انا مش عايز عنواين ميانيكيا ولا توكيلات انا خلاص غلبت
انا عايز حد من اخوانى الخبراء يقولوا رأيهم
انا كنت عايز ابعتك عند مركز واحد اسمه بيجو وده جامد قوي بس مدام انت زهقت فاتوكل علي الله وأكيد اي حد من الخبراءء هيرد عليك
جربت تنظف الرشاشات ؟
ممكن المحرك يكون به ترسبات كربون جرب تحط منتج اسمه stp فى التانك و خدلك طريق فاضى اكبس فيه شوية هتلاقى كمية دخان بتطلع من الشكمان و بعد فترة هتلاقى الدخان اختفى
انا مش نضفت الرشاشات ...انا غيرت الرشاشات كلها كمان !!!
انا رحت السويس كذا مره ورجعت ولسه بردو..دا غير انهم نزلو البنزين كللو ونضفه التانك كويس...وحطيت بنزين 92 من الاماراتيه وحطولى معاه اضافات الاوكتان دى
وبردو مفيش فائده
الف شكر يااخوانى على الاهتمام...وانا اسف لو بتققل عليكم
بقولك ايه خليها تدخن اهو تموت الحشرات اللي في الشوارع
بدل ما انت حارق في دمك كده هي بكره تزهق وتبطل دخنه
انت عملت كل ده غيرت رشاشات و كل الحاجات اللي ممكن تعمل دخنة سودا و برضه لسه بتطلع دخنه سودا و مخنوقة طب اكشف كده علي علبة الشكمان ممكن تكون مليانة هباب اسود فالخرج بيبقي مش كويس و خانق العربية
انا اسف ياجماعه انا فعلا شكلى كده وجعت دامغكم
ومادام مشكلتى ستقابل بالتريقه...فاانا اسف ومش هسأل تانى
متشكر جدا يااستاذ محمد...وفعلا محدش جابلى سيرة الشكمان خالص
هشوف كده اليوم...وسأوافيكم بالمستجدات بأذن الله
لا شكر علي واجب يا مان و متزعلش دول بيهظروا معاك بس و اكشف برضه علي كنترول الانجكشن
بصيت على حساس الشكمان؟
بصيت على الMAP او الاير ماس ميتر؟؟
MMamdouh
يا باشا الناس بتهزر معاك ماتزعلش :original::original:
اسأل براحتك احنا كلنا اخوات واللي بيقدر يساعد بيساعد
ربنا معاك و بلغنا بالاخبار
ايه ياحج احنا والله بنهزر معاك بس الواضح انك مش بتحب الهزار انا قولت بس اضحكك شويه علشان عارف الواحد لما بيكون مخنوق من حاجه وبيبقي مش عارف يعملها بيتجنن
بس والله انا بهزر
وأسف لو كنت ضايقتك
طبعا اخوات ياباشا وحصل خير..والف شكر على رد حضرتك الجميل
العفو يا اخى الكريم..انا اللى فهمت غلط اصلى افتكرت انى وجعت دماغكم باسئلتى الساذجه دى...تشرفت بمعرفة حضرتك وهزر زى ما انت عايز انا بحب الهزار جدا والله بالذات مع الناس الجميله اللى زى حضرتك :)
شكرا يا استاذ ممدوح انا هخللى الميكانيكى يبص عليهم وهقوللك
..............
وبالنسبه لاستاذ محمد ابيزا....انا رحت امبارح لبتاع شكمان حبيبى وركبلى شكمان نضيف من عنده عشان اجرب بيه بس...وللاسف وجدنا العيب زى ماهو :(
آخر حاجه كده اللى قدامى هكشف على الحاجات اللى قاللى عليها استاذ ممدوح وربنا يسهل
بيجو و 605 كمان ومتقوليش :boxing_smiley:
طب مش رادد http://www.nilemotors.net/Nile/images/icons/icon10.gif
1-طبعا انت كده خلاص راجعت على اى حاجه ممكن تطلع دخنه سوداء...يبقى مش هنتكلم فى الحاجات دى خلاص
2-بالنسبه لحبيبى (ابويوسف) ممدوح باشا
البيجو ال 605 مفيهاش ولا map ولا maf
وبالنسبه للاستاذ صبرى
map =
Manifold Absolute Pressure
maf =
mass air flow
ومتسألش عليهم الميكانيكى عشان مفيش حاجه منهم موجوده فى ال 605
.....................................
بما ان البيجو دى لعبتى ..انا هقولك ياسيدى على السر الخطير اللى فضلت مخبيه عن الناس 15 سنه http://www.nilemotors.net/Nile/images/icons/icon10.gif
العيب اللى اخوك هو الوحيد فى العالم..اللى هيقلهولك فى العربيه دى
من الآخر يا استاذ صبرى...انت مشكلتك......
انه راجع البنزين...يااستاذى المبجل...نعم انه الراجع الملعون
وبتحصل دايما فى ال 605 عشان بزبوز الراجع اللى فى التانك
ضيق جدا خلقه...ومع الوساخه ساعات بيتسد اكتر...
فا ايه الى بيحصل
الراجع يتخنق...فا يرد تانى للرشاشات...الرشاشات طبعا تسييل
البنزين يذيد اوى فى غرفة الاحتراق....تطلع دخنه سودا..العربيه تتخنق
ايه رأيك بقى http://www.nilemotors.net/Nile/images/icons/icon10.gif
والله اعلمممممممممممممممممممممم مممممممممممممم
خلى الميكانيكى ينضفهولك وجرب..وان شاء الله كللو هيبقى تمام
وبعد ان شاء الله ما تتظبط...ابعتلى عشان اقابل حضرتك ...عشان هعملك تعديل بسيط فى التانك يمنع الحكايه دى تانى..
وطبعا دى اخويه وبدوووون اى مقاااابل ..وشكرا
وياريت تطمننا
الاخ صبرى
الحريق عبارة عن بنزين وهواء بنسبة معينة
النسبة عندك أختلفت بسبب زيادة ف البنزين أو قلة ف الهواء او ضعف الانضغاط او أختناق ف التصريف
نمسك واحدة واحدة ونكشف عليها
نكشف على خط البنزين من التانك الى الرشاشات
نكشف على خط الهواء من الفلتر الى مانفول الهواء
نكشف على الشاكمان من الفرن وحتى الذيل
وأخيرا لا يوجد غير الصبابات غير حاكمة وتسبب ضعف الانضغاط
واتمنى لك التوفيق
فكرة راجع البنزين اللى قالك عليها الاخ بيجو هايلة
ياريت تطمنا عملت اية