يا جماعه عارفين ان الفيرنا مافيش بطانه للكابوت ودا طبعا بيساعد انك تسمع صوت الموتور انا نفسي بجد ابطن الكابوت يمكن الصوت يهدي شويه يا ريت ياجماعه لو حد عنده حل و يا ريت لو حد عمل كدا فعلا و هل جاب نتيجه ولا لا؟؟
عرض للطباعة
يا جماعه عارفين ان الفيرنا مافيش بطانه للكابوت ودا طبعا بيساعد انك تسمع صوت الموتور انا نفسي بجد ابطن الكابوت يمكن الصوت يهدي شويه يا ريت ياجماعه لو حد عنده حل و يا ريت لو حد عمل كدا فعلا و هل جاب نتيجه ولا لا؟؟
موفق ان شاء الله
ممكن تقفل الزجاج فالشتاء
وفالصيف تشغل الكاسيت وتشغل التكيف وتقفل الزجاج بردوا
معاك حق ياريس فعلاً البطانه دي هتفرق جامد في الصوت حتى في الشتا بيحافظ على حرارة المتور ومبيخلهاش تبرد بسرعه العربية والبطانه دي اسمها لباااااد ، اللبادة بتاعت الكبوت بس فعلاً منين. نجبها !!!!!
ahmed 1006 اشكر حضرتك عالاجابه الفظيعه بس حضرتك ليه بتهزر الهزار حلو بس انا عايز حل بجد و الرد تاني بجد شكله نفسه يعمل زاي مانا نفسي اعمل
في ناس قالتلي عليك و علي سروجي
هل السروجي يقدر يعمله ولا لا؟؟
اعتقد لو مش عاوز تسمع صوت الموتور و انت سايق تحط عازل ورا التابلوه و لو عاوز كمان ممكن تعمل الارضيه....كان في موضوع بس مش فاكر فين عن جلد و عازل للأرضيه
لا ياسكودا قصد احمد يقلك حل منطقي للموضوع لاني انا نفسي كنت هجاوبك نفس الاجابة لان طلع عيني في اللف والدوران على لبادة مش بس للهونداي لا حتى للتويوتا .... ياخي دي مهمة جداً بس مع الاسف حرمينا منها والي يقلي كده احسن علشان تهوي على المتور والي يقلي روح لسروجي مفيش سروجي فيكي يامصر مرحتهوش وكلو قالي لا مقدرش اعملك. لان نوعية العوازل عندهم متستحملش حرارة المتور
انا لغايت دلوقتي كل مابنزل الحرفين الف محل محل هناك اسئلهم عن اللبادة يمكن بالصدفة تطلع عند حد فيهم لدرجة لسه بفكر اتصل على واحد زميلي في دول الخليج وخليه يسئلي عليها واخلي يبعتلي اذا فعلاً موجودة وتحياتي
لو اللبادة دي مش مهمة مكنتش نزلت في العربيات الفخمة والغالية وفي الغالب بتنزل كمان في العربيات الفل فل اوبشن كمان
والله انا مش قصدي اهزر انا بقول الحل الي بعمله عندي
وميدو عارف اني مش بهزر
وعالعموم اسحب اجبتي عالموضوع ياريتني كنت اعرف امسحها
ومعلش لو اجبتي زعلتك انا لم اقصد شئ
بعد اذنك
ولا يهمك يا بوحميد كلنا هنا اخوات يا غالي. وانا عارف كويس انك. مش بتهزر وفعلاً ياخي متتصورش موضوع الابادة ده مدايقني قد ايه لدرجة اني فكرة اروح التوكيل اطلب منهم انهم يبعتو يجبولي لبادة بس الحلو في الهونداي ان صوت متورها مش مسموع ومتعرفش اذا العربية شغاله ولا مطفية بسم الله مشاء الله عليها
لو عايز تعزل صوت الموتور بتبطن ورا التابلوه بعازل صوت وكذلك الارضية و الموضوع سهل و بسيط و مش مكلف في ناس هنا في المنتدي في قسم نيسان عملو كدة بس مش ورا التابلوه عملوه في السقف و ورا الكنبة بس رأيي المتواضع ما تعملش كدة في عربية الا اذا كنت ناوي تخليها معاك شوية حلوين مش فترة وهاتبيعها
انا عملت الموضوع ده في ورشة سروجي في الحي السابع في عربيتين bmw e30 - e36
اللي حصل :
تم فك الطابلوه و الصالون كله و وضع عازل تخيين و عليه طبقة تانية من الجلد الحراري -
و الحوض تم وضع فيه نفس نوع العازل فقط بدون جلد ورا الماتور - و الكابوت تم وضع فيه العازل و عليه طبقة الجلد.
بصراحة الموضوع ده فرق جدااااااااااااااا مع العربيتين في الاصوات و الحرارة --
نيجي للتكلفة :
- الصالون
250 منغير مصاريف فك التابلوه
مصاريف فك التابلوه و تركيبه من الكهربائي 200 ج
و طبعا كل عربية و تكلفة فك تابلوهه بتمن .
الحوض :
خلف الماتور ب 70 ج .
الكابوت 100 ج .
اي سؤال في الموضوع ده انا في الخدمة .
هو ممكن العزل اللي في ضهر الموتور يكون موجود استيراد علشان في عربيات بره كانت نازله بيه زي الصورة دي كده
CarsAndTrucksDirect.com - Photo Viewer
لكن عزل الكبوت معتقدش انه يكون موجود
اللي عايز تفاصيل المكان ممكن يكلمني احسن اوصفهوله
اخوكم شريف 01000240620
متابع
انا عندي فكرة ممكن تنفع العازل بتاع البتوجازات والأفران المنزلية ممكن يوضع في الكبوت وده ممكن يستحمل الحرارة بصورة كبيرة جدا انما يتغطي بأيه مش عارف يمكن ينفع نغطيه بورق الومونيوم دي فكرة معرفش قابلة للتطبيق ولا لا بس تكلفتها للتجربة رخيصة جا ومش هتتعدي 10 ولا 20 جنيه
وفيه فكرة بوضع الفوم الخاص بعزل الثلاجات حيث اني اعرف انه غير قابل للاحتراق ويعزل الحرارة والصوت بجودة عالية
انا شغال مهندس صيانة في مصنع ثلاجات كبير وكنت عايز اقول لحضرتك ان الفوم اللي بيستخدم في الثلاجات بيكون عبارة عن 3 مواد كيميائية هي الايزوكينات والبوليول والسيكلوبنتان ومادة السيكلوبنتان دي ( شديدة القابلية للإشتعال ) يعني لو ولعت بيكون اطفاءها صعب جدا والتانك اللي بتبقي محطوطة فيه عليه وسائل أمان غير عادية والفوم ده لو اتعرض للنار بيولع والنار بتمسك فيه كانه قطعة خشب بس بصراحة معرفش تأئير حرارة في نفس درجة حرارة موتور العربية حيكون ايه ؟؟؟
تحياتي
معليش يا بش مهندس مينا ممكن اتعب حضرتك لو تصور لي بس اللبادة بتاعت الكبوت عندك عاوز اشوف مستوى الفينش هل هوا الي بالي فيه ولا حاجة تانيه الله يباركلك ... معليش اخواتك وتعبينك معانا. يا غالي
لا تعب ولا حاجة يا فندم بس انا معنديش اي حاجة في الفيرنا لا كبوت ولا اللي في ضهر الموتور والصورة اللي انا حاططها لعربية اكسنت 2005 بتتباع علي ال ebay وظاهر فيها العزل اللي خلف الموتور لكن اللي في الكبوت مش موجودة حتي في العربيات اللي بتنزل عندهم في امريكا وانا تحت امر حضرتك في اي حاجة ولو الياريس بره مصر بتنزل بالعزل ده أعتقد ممكن تلاقيها عند بتوع الاستيراد