كولت 2007 ياريت الكل يتفضل يساعدني

**ManUnited10** · 27-04-2012 04:39 AM

السلام عليكم ورحمه الله وبركاته
انا عضو قديم وبقالي فترة كبيرة مبدخلش بسبب مشاكل الحياة ولكن الحمد لله رجعت من جديد لاحسن منتدى في مجال العربيات
انا هدخل في الموضوع على طول
انا شفت العربية دي ميستيوبيشي كولت 2007 ومن اول نظرة عشق لا اعلم سر هذا الحب لحد هذه اللحظة لكن العربية ارتحتلها بطريقة كبيرة لكن انا سمعت ان قطع غيارها مش موجوده او قليلة
ياريت حد يساعدني ويقولي في حدود كام مثلا الحاجات المهمة بتاعتها تعمل كام
سؤال ثاني هي العربية الي موجوده قدامي موديل 2007 كاملة برة وجوة مرفوعه 3 سنين مش ماشية غير بس 20000 استعمال خفيف جداً وده واضح من شكلها الخارجي والداخلي كمان
انا قعدت في عربيات كتير لكن بصراحة دي اكتر حاجة عجبتني لحد دلوقتي واسع من جوة رغم ان شكلها بيوحي ان هي صغيرة لكن انا لقيت عكس الكلام ده
مخلص الكلام هي معروضه ب 68 بعد المفاصله وكل حاجة مش راضي صاحبها ينزل قرش واحد
وعايز مساعدتكم وان شاء الله انا متاكد اني هلاقيها من هذا المنتدى الرائع
يعني سعرها كويس بنسبة للامكانيات والشكل العام وكل حاجة ولا ايه؟؟ واتوكل على الله واخذها ولا اشوف حاجة تاني؟؟
شكرا للجميع ووفقكم الله

**walidhassan** · 27-04-2012 09:41 AM

نصيحة ما تشتريش عربية ما نزلش منها عربيات كتير هتتعب فى قطع غيارها و كمان لما تيجى تبيعها

**ManUnited10** · 27-04-2012 05:39 PM

شكرا لحضرتك على الرد وانا كمان كان ليا كلام مع الاستاذ مصراوي جدا الي عنده اتصال مع مستيوبيشي وقالي ماتجيبش العربية مفيش قطع غيار والحمد لله ان لقيت الجواب قبل ما اشتري العربية
شكرا للجميع