أرجو الإهتمام .... دبرياج اللانوس
القصة بدأت إمبارح بالليل على الساعة 8:30 مساءا
دوست على الدبرياج نزل ماطلعش لمدة دقيقة وبعدين رجع مكانه بس بتحجيره مهببة مش عاوز يتحرك من مكانه .... ركنت على اليمين وقولت جايز فيه هوا .... فتحت علبة الباكم وسيبتها نص ساعة وقولت أحاول أكاريكلها يمكن تلين تانى .... مفيش فايدة
كلمت الميكانيكى وقالى دوس دوسة جامدة شوية هاتلاقى الموضوع لان .... وهاتلاقى الزيت كله على الأرض (زيت الباكم) ..... وبالفعل عاملت كده ... قالى عندك زين جوه العربية قولتله لأ قالى يبقى عندى مساتر علوى وسفلى بالإضافة إلى طقم إصلاح
المهم على الساعة 2 بليل علشان يكون الطريق مفتوح بدون إختناقات مرورية وصلت بالعربية لبيت والدى فى الهرم إستعدادا لعرض السيارة على الميكانيكى
سؤالى:
هل كلام اليكانيكى سليم (إللى أنا كلمته)؟ ولا أستنى لحد ما الميكانيكى إللى هايشوفها يقول كلمته؟
ياترى المساتر العلوية والسفلية للدبرياج وطقم الإصلاح سعرهم كام وإن أمكن عند المنير؟
ممكن حد يشرحلى يعنى إيه مستر وإيه فكرة عمله وكام مستر فى السيارة؟
وإلهى مانجلكو فى حاجة وحشة