ممكن مساعدة ضروري من وحوش القسم وجزاكم الله خير

**mhmdalsaadany** · 27-04-2012 10:28 AM

السلام عليكم ورحمة الله ةبركاته
وحوش القسم معلش انا عندي استفسار صغير انا من عشاق المرسيدس التمانينات وطول عمري نفسي اركب عربية محترمه انا معروض عليا واحدة موديل 1982 200 الموتور الاسود كامله اتوماتيك وفيحة سقف والعربيه مع والد زميل ليا في العمل وانا رايح النهاردة بعد الصلاة ان شاء الله اتفرج عليها العربيه معاهم من اربع سنين وعدادها الاساسي بالميل والتاني من الداخل بالكيلو متر وهو بيقول انها جايه من الخارج واستخدام اوروبي وبيقول انها فابريكا من الداخل وحالة الصالون ممتازه طبعا كله كلام انا لسه متفرجتش بس الراجل زميل ليا في العمل ومش هيغشني طبعا هو مبدئيا بيقول 57000 جنيه هل السعر على الكلام دا منطقي ولا غاليه ولا ايه وهو بيقول ان التكيف بايظ ولما اشتروها من اربع سنين كان التكيف عايز 700 جنيه بس مش عيب كباس طبعا انا عايز اشغله بس مش عارف يتكلف كام فممكن ةحد يفيدني لو هصلحه كله واغير كباس هيتكلف كام وايه اهم حاجه ابص عليها في العربيه وايه رائيكم مبدئيا في الموديل دا وانامن سكان الهرم هل في ميكانيكي متخصص اكشف عليها عنده حتى لو بعيد مش مشكله
اسف للاطاله وبرجاء الافاده
ولكم جزيل الشكر

**MBhead** · 27-04-2012 06:28 PM

عليكم السلام
اولا هيا لو عدادها بالميل يبقي مواصفات امريكي ازاي استخدام اوروبي!!! مش مهمة النقطة دي العربية عاملة كام ميل دا مهم جدا طبعا انا شايف المبلغ كتير شوية كان في عضو محترم هنا بيبع عربية كانت راشة بره ما عدا السقف و اوتوماتيك و كل حاجة فيها شغالة و طالب فيها 55 الف علي ما اتذكر حضرتك... متقلقش من التكييف او قطع الغيار عموما كلها موجودة بوفرة و سعر معقول جدا

**mhmdalsaadany** · 27-04-2012 07:27 PM

جزاك الله كل الخير ومعلش انا كان قصدي انها استخدام الخارج وكلمة اوروبي جات معايا مجازاً مش مقصودة والف شكر لحضرتك

**Hesham94** · 29-04-2012 12:07 PM

نصيحة منى سيبك من التكييف فى العربية دى لانه زباااللة وخصوصا فى العربية دى

و انا معايا العربية دى موديل 80 الموتور الابيض بفتحة سقف 230

العربية ماشاء الله من ناحية الاستحمال ومع الوالد من الزيرو وعمرها ماكسفتنى فى حاجة
اتكل على الله بس السعر غاالى شوية لان دى اخرها لو حالة شاذة زى ماقال mbhead 55 الف

**mhmdalsaadany** · 29-04-2012 12:14 PM

انا شاكر ليكم جدا يا شباب بس بصراحه انا صرفت نظر لاني لقيت والد زميلي بيقولي 60000 جنيه وكمان حاله العربيه مش اوي بمعني انها مش واقفه على حيلها محتاجه رش خارجي والصالون الكراسي محتاجه تتنجد وشويه تعريق زيت في الموتور بس بصراحه العربيه من الداخل فابريكه بجد وكمان لقيته بيقولي انها اصلا 230 ولكن هو بيدفع ضريبه 200 ومعاه ورق ومظبط نفسه في مرور المنصوره ومش عارف انا لو نقلتها هعرف اعمل زيه كدا ولا هدفع ضريبه 230 وطبعا زي ما انتوا عارفين 230 سعرها واقع بسبب الضريبه مستحيل تكون بالسعر دا
ولكم جزيل الشكر