اقتباس:
المشاركة الأصلية كتبت بواسطة joseph661
انا مسعت ان الاستاذ احمد جمال قال قبل كدة افضل مكان هو دار السلام (حدائق المعادى) فا يارييت اعرف المكان بالظبط وهل اقدر اروحه بالعربية ولا بالمترو افضل ويارييت تمن الريداتير عامل كام دلوقتى ؟؟
اسم الشركة: البستانى لصناعات الرادياتير العنوان: 265 ش احمد زكى
دار السلام, القاهرة
التليفون: 02-23177250
الرداتير كان حاجة محترمة جدا اسمها طراز 5 يعنى اعلى حجم مواسير وكان من حوالى 10 شهور عامل 275 طبعا الر\داتيرا بيتباع سبرنتينة من غير علب -يعنى لو العلب الى عاندك سليمة تمشى وكان فى شارع احمد ذكى على اليمين وانت رايح دار السلام معلش ان مش خبير فى الحتة دى -ولكن كان حاجة محترمة جدا -الله يبارك ليهم -ويفضل بالعربية عشان فى محل تركيبات تحت المصنع بيوزن رداتيرك القديم -بيعمل حوالى 50 ج ويركبللك الرداتير الجديد -ونصيحة من اخوك طلما صرفت وعايز حاجة محترمة اشترى مياة خضراء موبيل -واوع اوع اوع يضحك عليك بتاع الرداتير ويقوللك نكمل بمياة من الحنفية -سورى اولة- تيتتتتتتتتتتتتتتتتتتتتتتت تتتتت
ولو احتجت تكمل كمل بمياة مقطرة بتاعت البطارية مش مية نار
وهل لما اجيبه العربية مش هتسخن لو مسافر بيها خصوصاً انا بسافر بالعربية كتير
انس انس انس موضوع السخونة وخاصة بعد المياة الخضرا ولو مشغل تكيف
وهل ينفع اركب مروحة على الطنبورة مع المروحة الكهرباء ولا لا ؟؟
ممكن مع مكانيكى محترم وياسلام لو ركبت قميص لرداتير عشان يحكم هو المروحة على الرداتير بظبط -ولو عندك تكيف
خلى الكهربائى يعمللك مروحة التكيف على زرار لو احتجتها
وسؤال تانى الفرامل عندى لما بدوس عليها بسمع صوت هواء ده معناه اية ؟؟؟
يعنى اية صوت هوا -طيب فى تاثير فى الفرامل او زيت بينقص
وهل ممكن يكون صوت الهوا دا من ضغط صباع الفرامل على المستر ان كان فا مفيش مشاكل -ام لو المكنة بتبرجل او الزيت بينقص -اتاكد من طقية السيرفو -او لو فى نقص فى الزيت راجع الموسير -وانا فى راى مفيش حاجة ان شاء الله
وعندى فى المطبات ساعات بسمع صوت زى ما يكون صوت شخلله مش عارف من اية ده ؟؟
ياريت تراجع تربيط العفشة وتزيتها -او صاج الطنبورة -او سوستة تيل الفرامل
والعربية عندى لازم احرق على الغيار قوى قوى علشان متسقفش
اظبط كهرباء عشان التصقيف دا كهرباء علية -يعنى مكنة سريعة مع ارتفاع فى درجة الحرارة -تناسب طردى
وشكراً جدا ليكم بجد وشكر خاص للاستاذ احمد والاستاذ مكاوى
ارجو انى اكون افادتك وفى:bye2: انتظر راى استاذ مكاوى
