رساله الي كارهي و حاسدي برشلونه ... اتقوا الله

اه اتقوا الله لان اللي بيحصل ده من تحت راس حسدكوا و كله في ميزان سيئاتكو ... انا برشلوني و لكن غير متعصب ... اه بدعي ان الريال او اي فرقه تانيه بتلاعب برشلونه انها تخسر بخساير فادحه و لكن عمري ما حسدت حد من اللعيبه ... شغالين حسد علي الفريق و علي اللعيبه لحد ما الفريق بقي ورا ... حرام عليكم اتقوا الله ... فيا رجله اتكسرت ... بيكيه عنده ارتجاج في المخ و خلي شاكيرا تبقي تنفعه ... ابيدال كبده باظ و بيغيره ... ميسي بياكل ضرب غير طبيعي بكميه غل و حقد غير طبيعين من الفريق المنافس ... اتقوا الله حرام عليكم ... تمنوا خساره برشلونه و لكن متحسدون اللعيبه ... كل ماتش لبرشلونه اعد في كافيه شكل و اتلاقي نفس طريقه الحسد و الغل من مشجعي الريال او اي فريق منافس لبرشلونه ... ليه ؟ بتحسدوا اللعيبه ليه ؟ ماشي تمنوا ان فرقتكوا تكسب و برشلونه تخسر حتي عشره صفر و لكن متحسدوش حد ... اتقوا الله ... حرام اللي بيحصل ده و الله

!!!!!!!!!!!! انت حقيقى ؟؟؟؟

لا خيالي ههههه ايه السؤال العجيب ده ؟

هههههههههههههههه.

أنا مش هأتكلم والله عشان مبحبش أتكلم في الحوارات ديه.

راؤول بالله قول كلمه حق ... مش انا بتكلم صح ؟ انا عارف انك مدريدي بس هتقول كلمه حق

كلمه حق !!!!!!! اتقوا الله!!!!!!
يتقوا الله ف ايه بس ...دي لعيبه بتلعب بكوره في الملعب وده لعب علي رأي وجدي غنيم
كبر مخك يعم سكرين ...ان الله يحب معالي الامور ويكره سفاسفها

انتا بتتكلم بجد ولا بتهزر ؟

ما يتغلبو ولا يتكسرو ولا يحصلهم اى حاجة

دى لعبة

ماشي يا جماعه و انا والله مليش في الكوره اصلا انا بس بتكلم عن كميه الحقد و الحسد تجاه الفرقه دي و تجاه اللعيبه يعني مثلا لعيب زي ميسي راجل محترم و خلوق تعد تقر عليه ليه ؟ شجع فرقتك باحترام و متتكلمش عن الفرق التانيه بكلام سئ و الله لما كريستيانو بيحصله حاجه بزعل عليه لانه موهبه مع انه قليل الادب اصلا

هو الموضوع ده انت بتتكلم جد و لا بتقلش؟

سبحان الله وبحمده سبحان الله العظيم

اهى جت على دماغهم فى الاخر...خلى الحسد ينفعهم :)

فكرتني بفيلم Finding Nemo المدبلج عربي
ده انت عليك حركات ياذوق :)

يا جماعه و الله بتكلم جد و انا قصدي ليه نحسد ؟ ده هدف الموضوع

اقتباس:

---

المشاركة الأصلية كتبت بواسطة shaddadfalcon1

فكرتني بفيلم finding nemo المدبلج عربي
ده انت عليك حركات ياذوق :)

---

ههههههه حبيبي

اقتباس:

---

المشاركة الأصلية كتبت بواسطة screenplays

راؤول بالله قول كلمه حق ... مش انا بتكلم صح ؟ انا عارف انك مدريدي بس هتقول كلمه حق

---

آه أنا مدريدي فعلا بس الكلام ده غير صحيح بالمرة.

وعامةً مش هأتكلم برده عشان لو اتكلمت مش هنخلص. :)

لا اتكلم يا عم انا مليش في الكوره اصلا انا بس بتكلم عن الحقد و الحسد ليه يعني نحقد و نحسد ؟ ليه منشجعش فرقتنا بطريقه محترمه ؟ ده اللي بتكلم فيه

ههههههههههههههههههههههههه ههههه
انا مانشستراوي وماليش دعوة
بس انت ضحكتني ضحك السنين
بتهذر ... صح ؟ :)

ايه العنوان ده !!!

خلاص يا جماعه انا بطلب من الاداره غلق الموضوع طالما مش واضح هدف الموضوع

الموضوع جميل بس اتقال في Con.... غلط

انا واحد من الناس بعاني من الحسد والقر وخصوصا ان اهلي من الفلاحين وكل اما اروح هناك يحصلي مصيبه او حد من العيال يعيي او اتخانق مع مراتي

بس اكيد اكتر حاجه ممكن الناس تفكر فيها هي حسد لعيبة الكوره

انا ميمنيش لعيبه الكوره احنا مبنقبضش من وراهم سنت واحد حتي و لكن انا بتكلم عن الحقد و الحسد اللي ملي قلوبنا

ليه ؟ عشان الكوره ؟ دي النقطه اللي بتكلم فيها و بعدين نتايج الحسد واضحه اوي و انا واحد بيعاني من الحسد في حياتي اصلا فعشان كده محروق دمي

اقتباس:

---

المشاركة الأصلية كتبت بواسطة mido_soliman

!!!!!!!!!!!! انت حقيقى ؟؟؟؟

---

لوووووووووووووول
حلوة قالك كل ده في ميزان سيئاتكم اتقوا الله
زي ما نكون قتلنا اللعيبة ولا حاجة :d
يا باشا حسد ايه بس اللي دخله في الكورة ! دي لعبة ومكسب وخسارة , هو الواحد يخسر في ماتش يقولك حسد !

شوفت انك فاهم غلط

ان شالله برشلونه تخسر 10 صفر بس محدش يجراله حاجه

انت مش شايف اللي قاعد بيحصل للعيبه ؟ واحد ورا التاني بتحصل كوراث

حرام و الله