مرسيدس -استشارة عاجلة جدا - 200d
ازيكم يا شباب
أخباركم ايه؟!
يارب تكونوا بخير جميعا
محتاجكم في استشارة سريعة جدا قدر الامكان
النهردة نزلت اتفرجت على عربية مرسيدس 200D موديل 75
العربية دي سولار
هي كبودي كويس ومفيهوش خبطات ولكن فيها بارومة خفيفة في الرفرفين الخلفيين ودا طبيعي
الموتور كويس جدا وسحبه ممتاز
هي مانيوال ومفيهاش اي كماليات مطلقا ما شاء الله عليها :ma:
الدروكسيون فيه بوش نص لفة تقريبا -الراجل بيقول انه عفشة بس انا شاكك تكون علبة دروكسيون - !
المهم بقا
نيجي للكاشات ودا المهم :ma:
العربية مطلوب فيها 12000
فيها ورقتين -توكيلين يعني -
محتاجة شغل سروجي من جوا ومحتاجة فرش للأبواب -فيها فرش بس متهالك- ومحتاجة تابلوه كامل تقريبا -فيها تابلوه اكيد بس مش عاجبني- وهتحتاج فوانيس قدام وفوانيس ورا وجوز مرايات
دا اللي ظاهر قدامي
بكرة هشوف سمكري ونروح نبص عليها من تحت ايه ظروفها
دلوقتي الحجات اللي هي محتاجاها دي تكلفتها قد ايه تقريبا ومين كويس يعملها وهل السعر دا كويس عليها واللا ايه الظروف؟! :allo:
اتمنى حد يرد عليا سريعا سريعا
