عايز أشترى سامسونج جلاكسى نوت و بقابل أسعار مختلفة كتييييييييير فين ألاقى أحسن سعر لية
عرض للطباعة
عايز أشترى سامسونج جلاكسى نوت و بقابل أسعار مختلفة كتييييييييير فين ألاقى أحسن سعر لية
شوف محل كادو تقاطع عدلى مع شريف فى وسط البلد كان ب ٣٦٥٠
معلش يا جماعه عندي راي مختلف
السعر المناسب (وحقول ليه مناسب) للجالاكسي نوت هو بين 4700 الي 5000 بالضمان ..... وشيل حوالي 400جنيه من غير الضمان
اما ليه مناسب: لان اقل من كده بيكون جهاز جاي من اي دوله ومعموله روت ومتغيره الروم الي روم عربي وفى الغالب بيكون حساسية القلم مش كويسه وكمان مش بيقبل تحديث للكيرنل الاخير والله اعلم هل حيقبل تحديث ايس كريم ولا لأ ...... ودي عن تجارب بعض الاخوه
ولو عايز مكان مناسب فيه موجود فى محل ميلانو ومحل التونسي فى فيصل او ممكن تراسلني علي الخاص
طب يا باشا أتاكد إزاى إن التليفون مخصوص للشرق الاوسط و انة مش مضروب الروم بتاعتة
النوت سعره
4150 بضمان يونيون جروب لمده سنه عند الشناوى
4150 بضمان يونيون جروب لمده سنه عند سيلكت موبايل
3675 بضمان سيلكت موبايل لمده 14 يوم
بالنسبه لموضوع الروم
لو الروم اللى نازله فيه انجليزى بكل سهوله تقدر تنزل الروم العربى من خلال برنامج اسمه الاودين وبعد كده بتقدر تحدث تليفونك عادى زى ما يكون جاى بالروم اللى انت نزلتها فا الموضوع مش هايعملك مشاكل خالص
بالنسبه للموجود فى مصر كله عربى ممكن يكون فيه اختلاف فى اصدار الروم مش اكتر وممكن تغيرها برضه بنفس البرنامج اللى اسمه اودين
اتمنى اكون افدتك
تم الشراء من كادو بسعر 3450 شكرا للجميع للنصيحة
معلش يا جماعه استحملونى شويه فى السؤال ده
انا من زمان و كل ما تيجى سيرة التليفنات السامسونج الاقكيم عمالين تتكلموا عن الرووم
ما صدقت لقيت ناس معرفه شايله النوت و الاس 1 و الاس 2 و سألتهم ايه يا جدعان الرووم ده
كلهم بلموا و قالولى اول مرة نسمع عنه
فيا ريت يا جماعه تشرحوا بس ايه هو ده
بصوا يا شباب
وبكل بساطه
اي موبايل بنظام اندرويد بيكون ليه نظام تشغيل تمام (الروم )
زي الويندوز بالظبط.
طيب الويندوز ممكن يكون خام وممكن يكون واحد معدل عليه وضايف عليه مجموعه من البرامج وضايفله اللغه العربيه ومغير الخطوط وعامل افشخانات يعني. وهي دي تمام فكرة الروم . ممكن تكون الاصليه وممكن تكون اي روم معدله مضاف اليها مجموعه من البرامج. بس المشكله ان اللي بيعدل على الروم ممكن يكون مبتدأ وممكن يسبب بعض المشاكل في جهازك كعدم عمل الكاميرا او الراديو وكل الكلام ده عادي وممكن الروم الاصلي يرجع في ثانيه.
دي ابسط طريقه ممكن اشرح الموضوع بيها
ولو عاوزين معلومات اضافيه عن الروت والكيرنل
عليكم بالموقع ده
[url=http://www.ce4arab.com]
حبيبي يابو طه. ليك وحشة كبيرة والله
لا انا ماليش في مواضيع الرومات ديه خالص زيها زي اللغية الصينية بالظبط
انا والله في حيرة كبيرة جدا بين النوت والاكسبيريا اس ومش عارف اخد قرار
اما بالنسبة للتانجو ده مش تبعنا يا باشا. احنا تخصص سامبا ههههههههههه
مش ناوي تنزل القاهرة علشان نشوفك؟
ياه يا جدعات هو ده الروم
ليه الدنيا ماتبقاش سهله و تقولوا سوفت و خلاص :makeup:
على العموم اشكركم على الافاده
بجد ارتحت نفسيا
يا وليد
تانجو بانجو سامبا
اهى كلها حاجات تذهب الـ....................عقل
ماتنساش بس ان عاوز صور للكرنفال بزوم 8x
و انت و الله واحشنى - تعال انت السويس فى اى قريه اقرب :7_6_5v[1]: