لوجان هاي لاين اوتو ولا بي واي دي بلاك لاين اوتو
السلام عليكم ورحمة الله وبركاته
انا عاوزة اعمل مقارنة بين اللوجان هاي لاين اوتو ... وبين الbyd f3 هاي لاين اوتو
من حيث كل حاجة انا حيرانة جدا جدا جدا بين العربيتين
على معلوماتي وقرااتي في المنتدى العربيتين حلوين جدا جدا والعيوب اللي فيهم عيوب بسيطة بتخلص في اول صيانة
وانا عاوزة اجيب واحدة منهم مع العلم ان انا بغير عربيتي كل 5 سنين وسواقتي سريعة شوية وغرز وكده
انا معايا نوبيرا دلوقتي عدى عليها 5 سنين وهابيعها وعاوزة واحدة من الاتنين دول وارجو اللي يرد ما يكتبش النوع ده او النوع ده وخلاص لازم يكتب السبب ويفضل السبب يكون عملي يعني مش يقولي دي صيني ودي فرنسي لا يكتب عن الاتزان – العفشة استهلاك البنزين – قطع الغيار
علما بان byd فيها abs و ebd في الفرامل واتنين air bags وده مش موجود في اللوجان بس اللوجان اعتمادية اكبر من byd
وشكرا يا جماعة على الردود من قبل ما توصل
للمعلومة انا سوقت اللوجان مانيوال على المحور وكان التسارع بتاعها هايل جدا وكانت بتجري كويس بس للاسف ما سوقتش ال byd f3 بس ركبتها تاكسي وطبعا كانت غاز و صاحب العربية خايف عليها
وفي كمان الموديل الجديد من البي واي دي نازل بموتور 1500 وفيه تربو بيخلي العربية 151 حصان
برجاء افيدوني يا اهل الخبرة
اختكم جودي
