عاوز اغير الكاسيت بتعاها وجيب كاسيت تاتش وبلتوث وفيه جي بي اس واضيف نور الشبورة واضيف وحدة رفع للزجاج تنصحوا بإيه من غير ما العب في كهربة العربية
عرض للطباعة
عاوز اغير الكاسيت بتعاها وجيب كاسيت تاتش وبلتوث وفيه جي بي اس واضيف نور الشبورة واضيف وحدة رفع للزجاج تنصحوا بإيه من غير ما العب في كهربة العربية
كل ده هيخرجك من ضمان الكهرباء بتاع العربية
الافضل تستنى لحد ماتخلص الضمان واهو تستمتع بالعربيه وهى جديده وبحاجتها الاستوك شوية
طيب ما يروح يعملها في التوكيل نفسه ويخلي الضمان سآري ؟
يعني ركب وحدات الرفع ونور الشبورة والبلوتوث في التوكيل
واسأل على الكاسيت والجي بي اس لو موجودين عندهم
او اشتريهم من برا وخليهم يركبوهملك بمعرفتهم وعلى مسؤوليتهم
ع العموم توكيل نيسآن بيعمل كل ده باستثناء موضوع الجي بي اس معرفش
مانشستراوي بااااشا ,, هبوووور بية ملوووش دعوة بكلام دة ومش بيرضوااا يركبووا اى حاجة خارجية فى عربية ويتلكك ويقولك كدة كهرباء عربية برة ضماااااااان ,, لكن بالنسبة لكم ووكيل (نيسان) عندكواا متفهم لكلام دة وبيسمح بذلك (وطبعا دى تحسب لية) عقبااااال هبور مااايتعلم منو .
انا عارف ان الضمان معرض انه يخرج بس لو قدرت اعمل اللي انا عاوزه بنضافه
يعني جبت الكاسيت بتعها للhigh line
جبت حجات اصليه كلها مش كده ايقي ححقت اللي انا عاوزه واللي هما عوزينه ولا ايه
وخصوصا اني سمعت ان العربيات بتيجي بكاسيت غير بتاع بره
الكاسيت : مش هيخرجك من الضمان لانك لو هتركبه هتركبه مكان التانى وعلى فيشة القديم او هتركبله فيشة تمشى معاه بس زى وصلة ما بين الفيشة القديمة والجديدة.
الشبورة : طول ما اللى هيركب يركب بنضافة ويستحسن تجيب الفوانيس كورى او من عندهم ولكنها هتبقى غالية.
وحدة الرفع : نفس الفكرة طول ما هتركب بنضافة مش هيقولوا حاجة طالما مش ماثرة على الكهربة وللعلم كل اللى انت هتعمله مش هيجى جنب الضفيرة لانها زيادات بتركب على اللى عندك وبتتظبط بكتاوت بفيوزاتها يعنى لا قدر الله حصل حاجة غلط فى الزيادات الفيوز بيطير وبيتغير.
ربنا يوفقك ويسترها على الجميع بامره.