اوبل استرا 2001

**Ahmad Allawy** · 13-06-2008 01:06 PM

اهلا بيك يا باشا..
انا عارف انها كاملة ..
يعني ما شاء الله مفيش اوبشن مش فيها غير يمكن مثبت السرعة..
و بيتهيألي عيبها الوحيد في نظري.. ان مفيهاش ايه بي اس.

انا تعليقي بس الوحيد بالنسبة لمموضوع الاسطوانة و الدسك..
الموضوع ده مالهوش علاقة بالشد و الجري خالص..
ده عيب بيبقي موجود في حاجة في طقم الدبرياج..
و اللي عرفته من اسطي ميكانيكي كان شغال في مقار لحد شهر واحد فات بس..
ان في تعديل صغير كده بيتعمل..
تقريبا بتتغير بلية دبرياج او حاجة من هذا القبيل..و انساها علي كده..
وقالي بالنص.. العربية لو في الضمان بتتعمل اول مرة علي حساب التوكيل و خلاص علي كده..
ده بالنص اللي اعرفه عن الموضوع ده..

انا موضوع التست درايف ده ربنا يهل لما نتقابل بقي ان شاء الله..
والف شكر يا باشا علي التقييم الجامد جدا..

**ashour** · 13-06-2008 01:13 PM

فعلا انا اخر سرعه بجبها و انا مطمئن 140
بس انا برده مش من هواه السرعه الزياده عن 120

بالنسبه للاسطوانه و الديسك انا دلوقتى 70000 و اهو يدوبك بيبتدى يشتكى.

عايز ازود مساحه الشنطه كويسه جدا..
اما عن مقارنتها بفئتها هتلاقى..
اليارس و الكليو و الفيرنا و الريو و الويرا و ....
معظمها بيترواح من 75 الى 80
اعتقد هى احسنهم و اللى بترتقى للمنافسه معاها هى اليارس بس... (عشان الاتوماتك)

**Ahmad Allawy** · 13-06-2008 02:22 PM

والله يا عاشور بك..
بيتهيألي عشان اول مرة بس داخلة في 70 الف بس الاسطوانة..
بس لو غيرت قريب.. ممكن تعكمل معاك الطبيعي بقي بعد كده اللي هو 100 الف و انت طالع ..
ممكن تعدي ال130 الف كمان....
انا لسة مغير علي 130 الف و كانت بتاعت الفابريكة.. و كانت علي استخدام وحش جدا كمان بتاع المالك اللي كان قبلي للعربية..
هو و بنته.. :)

اما بالنسبة للفئة اكيد هي تكسب بمراحل.. وعلي فكرة.. معلومة حلوة بيقي هتعجبك..
العربية دي متوفر ليها في السوق الاستيراد.. فتيس ايزي ترونيك اوتوماتيك يا باشا..
بيتباع بالكنترول بتاعه بكل حاجته و علي حد علمي مش غالي كمان..
لأنه كان بينزل في النسخة الالماني للعربية دي اللي هي الهاتش باك اللي نزلت في اوروبا..

بالمناسبة.. اخر سعر للعربية دي في السوق زيرو كان كام..؟؟ 75 تقريبا ولا اكتر..؟؟

**ashour** · 13-06-2008 02:52 PM

المشاركة الأصلية كتبت بواسطة Ahmad Allawy

وعلي فكرة.. معلومة حلوة بيقي هتعجبك..
العربية دي متوفر ليها في السوق الاستيراد.. فتيس ايزي ترونيك اوتوماتيك يا باشا..
بيتباع بالكنترول بتاعه بكل حاجته و علي حد علمي مش غالي كمان..
لأنه كان بينزل في النسخة الالماني للعربية دي اللي هي الهاتش باك اللي نزلت في اوروبا..

يـــــــــــــــــــاه متعرفش المعلومه ده مفرحانى قد ايه :embarrassed2::arghh:

هو بالنسبه لمودوع الدبياج... انا شاكك مش اكيد..و انا بظبط فيها هكشف على الطقم إن شاء الله.

اسم الموضوع لازم يتغير و يبقى كورسا سيدان

**ENG\AHMED** · 13-06-2008 03:23 PM

المشاركة الأصلية كتبت بواسطة hazem_salem

السلام عليكم
يا شباب انا عايز اشتري عربية اول استرا 2001 ايه رايكم فيها انا حاسس ان الماتور بتاعها خفيف عليها اوي علما اني انا مشاويري بعيدة ياريت لو حد يعرف هي كام حصان.

كانت مع واحد قريبى وكانت اوتوماتيك كان عيبها الوحيد موتورها علشان 1.2 والعربية تقيلة وبالذات لو مشغل التكييف ومحمل او طالع مطلع (هو كان استخدامة تقيل شوية وممكنن بيدخل بيها فى حتت مكسرة وفى اماكن فى الجبل حسب طبيعة شغلة) وكان بيسافر كتير ومشتكاش منها فى سفر لأن طريق مفتوح هتجمع براحتك
بعدها جاب صنى مستحملش غيرها باوكتافيا A4 بس على كلامة احسنهم الاسترا بس لو موتور اشد

**Ruin Scud** · 13-06-2008 03:39 PM

عزيزي الفاضل انا اعرف دكتور صيدلي حبيبي معاه العربيه ديه وعامله 120000 كم ولسه هيغير اسطوانه الدبرياج وكمان العربيه عربية شركه يعني الشركه هي الي مسلمنهالو وبيمشي بيها زي ماتكون عربيه ملاهي طول اليوم لف مابيرحمشي وفي وسط البلد !!

بالنسبه لسعر الكورسا كان 77000 جنيه الكلام ده أول لما نزلت بس الفتره الأخيره منها يعني في اخر 2006 سعرها وصل 82000 جنيه لأن العربيه كانت صعب أوي تلاقيها زيرو وكانت نادره
والكلام ده من معرض الغلبان اللي عند المظلات لأني كنت سألت عليها زيرو بس لونها كان أسمر ودلوقتي مش هتلاقي منها زيرو ممكن كسر الزيرو اللي لسه في الضمان لو حالته تمام ومكملش 15000 حتلاقيها مش تقل عن 70000 جنيه ده لو العربيه فابريكه برة وجوه ومفيهاش مشاكل ولسه في الضمان وزي ماقولت يكون اقل من 15000 كم

أما بالنسبه للفتيس الأوتوماتك بصراحه انا مابحبش ابدا سواقه الأوتوماتك وحرام اني اغير فتيس في عربيه زي كده واجيب ليها حاجه استيراد و اعدل على كونترول العربيه والله اعلم بالأستيراد
اما بالنسبه للياريس الياريس 1300 سي سي الأوبل 1600 سي سي

Ashour بك ازاي قدرت تعرف ان العربيه عندك هتعوز ديسك واسطوانه ايه الأعراض اللي عندك وشكرا جزيلا
حاجه كمان اخبار علبه الدركسيون في العربيه ايه فيها مشاكل لأني لسه مغيرها هي وكام حاجه كده في الضمان ايه الأخبار ؟

**Ahmad Allawy** · 13-06-2008 04:04 PM

هو علي فكرة غالبا العيب اللي كان عندك ده حاجة فردية جدا..
لأني مسمعتش عنها في الموديل ده خالص..
بسيطة يعني.. مش متكرر كتير..
و برضه موضوع الفتيس ده.. مش في كل العربيات..
في عربيات بتغير علي كم قليل..
وفي منها مش بتعمل اي مشاكل
في واحد صاحبي عامل بيها 110 الف في 4 سنين.. و مغيرش اي حاجة..
الصيانات و خلاص..
يا اما تكون اتعملت في الصيانة في الاول و خلاص. اتعدلت المشكلة..

**ashour** · 13-06-2008 04:32 PM

هو بصراحه انا اول مرة اتحط فى موقف طقم الدبرياج و مشاكله فده كانت توصيه من احد اصدقائى لم سمع صوت فى العربيه قلى انت تقريبا فى حاجه فى طقم الدبرياج عندك بس مش عارف احدد اذا كانت صغيره و لا كبيرة..
بس عمتان اشهر الاعراض بيبقى ضعف شديد فى سحب العربيه..

و موضوع الدركسيون انا كنت قريت موضوعك بس معرفتش افيدك لانى بعد ما قريته حبيت اركز فى اللفة الاولى و انا طالع مكنش فى حاجه من الاعراض اللى انت كنت كتبتها.

انت عرفت تمن علبه الدركسيون؟؟؟

**Ruin Scud** · 13-06-2008 04:47 PM

ايوه ياباشا علبه الدركسيون في التوكيل بتعمل 4000 جنيه !!ده من غير العمود والإستابليزر اللي في الجنبين ودول اللي اتغيرو عندي وهو طبعا لما لقاني قرفان من العربيه وقولتله انا مش عايزه وعرفته اني دايخ في المشكله دي قالي انا هخليك تنسا الموضوع ده تماما وفعلا الراجل عمل الواجب وزياده
الحمدلله اني لحقت اعملها وهي في الضمان
بص جرب تدي العربيه غيار عالي يعني الثالث مثلا الكلام ده والعربيه واقفه وبعدين شيل رجلك من على الدبريج سنه سنه من غير ماتدوس بنزين لو العربيه بطلت يبقى إن شاء الله الدبرياج تمام لو مشيت يبقى ممكن فيه مشكله وده برده على اد علمي في الموضوع ده بس جرب مش هاتخسر حاجه

أحمد بك الله يطمنك لأن زي ما انت شايف ثمن العلبه غالي فكنت خايف لحسن تكون العربيه دي فيه مشكله في العلبه ولا حاجه , ربنا يطمنك يا عزيزي

**ashour** · 13-06-2008 05:13 PM

المشاركة الأصلية كتبت بواسطة Ruin Scud

ايوه ياباشا علبه الدركسيون في التوكيل بتعمل 4000 جنيه !!ده من غير العمود والإستابليزر اللي في الجنبين ودول اللي اتغيرو عندي وهو طبعا لما لقاني قرفان من العربيه وقولتله انا مش عايزه وعرفته اني دايخ في المشكله دي قالي انا هخليك تنسا الموضوع ده تماما وفعلا الراجل عمل الواجب وزياده
الحمدلله اني لحقت اعملها وهي في الضمان
بص جرب تدي العربيه غيار عالي يعني الثالث مثلا الكلام ده والعربيه واقفه وبعدين شيل رجلك من على الدبريج سنه سنه من غير ماتدوس بنزين لو العربيه بطلت يبقى إن شاء الله الدبرياج تمام لو مشيت يبقى ممكن فيه مشكله وده برده على اد علمي في الموضوع ده بس جرب مش هاتخسر حاجه

أحمد بك الله يطمنك لأن زي ما انت شايف ثمن العلبه غالي فكنت خايف لحسن تكون العربيه دي فيه مشكله في العلبه ولا حاجه , ربنا يطمنك يا عزيزي

هبقى اجرب العمليه ديه بس اعتقد ان انا اللى مش هعرف اظبوط الطلعة
صعب اوى العربيه تطلع على التالت

بس هحاول و اقولك النتيجه

الموضوع: اوبل استرا 2001

LinkBack

أدوات الموضوع

عرض

-

-

-

-

-

المواضيع المتشابهه

عفشة اوبل استرا 2001

اوبل استرا 2001 ديزل 1.7

سعر ماتور اوبل استرا 2001

اوبل استرا 2001

معايا اوبل استرا 2001 وعايز اوبل فيكترا ايكو تك راس براس

الكلمات الدلالية لهذا الموضوع

المفضلات

المفضلات

ضوابط المشاركة