السلام عليكم ورحمة الله وبركاته
حد جرب هذا النوع من مياه الرداتير الخضراء المانعة للصدأ ؟
اسمه Turbo
وزى ما هو واضح من الصورة
إنتاج المملكة العربية السعودية
ومعبأ فى مصر شركة سلمى
هو موجود عندنا فى البيت والدى اشتراه والميكانيكى قاله بلاش تحطه
وهات مصر للبترول احسن
أنتوا عارفين طبعا الميكانيكة بيحبوا يفتوا كتير
حد جرب هذا النوع تحديداً
ياترى نوع كويس ولا مضروب ؟
[img3]http://img706.imageshack.us/img706/2743/img0021gm.jpg[/img3]
انا معرفش النوعية دي لكن شكله لا راح السعودية و لا شافها هههههههههه
باشا جيب المصري اللي انت عارف انه مصري احسن ما تجيب يقولك تصنيع برة و يطلع برده مصري و مستفدش غير فرق السعر الزيادة دفعته
المية الخضرا المصري زي منتجات ادكو او وطنية و خففها شوية بمية مقطرة
لما تيجي تملي الريداتير لو الريداتير مثلا 3 لتر حط لترين و نص مية خضرا او 3 لتر الا ربع مية خضرا و النص او الربع لتر الباقي املاه مية مقطرة و القربة مية خضرا طبعا و بعدين زود عادي
انا عن نفسي بستخدم مية خضرا وطنية 4 لتر 25 ج و بخففهم بشوية مية مقطرة و شغال مفيش اي مشاكل و ادكو اسعاره مبتزدش عن 20-25 ج
إكسيل باشااقتباس:
المشاركة الأصلية كتبت بواسطة axel
أنا مقتنع بكلامك ودائما بنشترى مياه لونها أزرق من مصر للبترول 4 لتر بـ 19 جنيه
بس مش عارف ليه بعد كام شهر تتحول الى اللون الأحمر !!!!
هل ديه طبيعة المياه ولا مشكلة صدأ عندى
الجركن ده موجود عندنا فعلا
الحاج اشتراه من شهور ومحطهوش فى العربية خاف ليكون مضروب
فأنا كنت عاوز أتأكد هل هوه مضروب فعلا ولا احطه فى العربية بدل ما يترمى
اقتباس:
المشاركة الأصلية كتبت بواسطة elawany13
مية زرقا او خضرا او حمرا حتي كلهم فيهم ايثيلين جيليكول الموضوع مجرد لون ليس الا يعني صبغة و الصبغة ديه مش تمييز ان المية كويسة او وحشة لأ الموضوع عشان لو فيه تسريب يبان لأن المية لو بلونها و حصل تسريب هتنشف و مش هتبان لكن المية الخضرا او الزرقا او الحمرا بتبين اذا كان فيه تسريب و لا لأ
بالنسبة اللون فهتلاقيه لون بني محمر ده بسبب انك كنت بتستخدم مية عادية من الحنفية و بعدين مية خضرا فزي ما تقول حصل تفاعل من بقايا املاح او صدأ و بالتالي هتلاقي اللون نازل بالشكل ده
و سمعت حاجة أشك انها فتي صنايعية ان لو المية الخضرا نوعها كويس من الحرارة هتتحول لللون الاحمر لكن أشك شك الدبوس في الكلام ده لأن المية الجيدة المفروض تحافظ ع درجتها و خواصها في درجات الحرارة المختلفة اللي قد تصل لــ140 و حرارة الموتور في االأصل لا تزيد عن 90 -100 و الله أعلم
فالأفضل في الحالتين تروح لوحد ينضفلك الريداتير و يصفيه و ترجع تملاه مية خضرا كويسة موثوق فيها و من مكان موثوق فيه
بخصوص المية اللي معاك بصراحة مقدرش أفيدك اذا كانت مضروبة و لا لأ بس اللي عايز اقولهولك ان ع حسب ما مكتوب يبقي باقي عليها كام شهر و صلاحيتها تنتهي و بالتالي معتقدش هيكون امان انك تستخدمها و خاصة اننا بنسيب مية الريداتير في الريداتير لمدة لا تقل عن سنتين و يتم تغييرها كل سنتين
أنا عن نفسي باستعمل مياه موبيل، بس هي غالية شوية اللتر الواحد بـ17 جنيه، وممتاااااااازة
ميه مصر للبترول زبااااااااااله
انا حطينها في اللانوس نزلتها بعد شهرين
غيرت لون وريحه
حط اسباني او موبيل
اشتري ايادا الاسباني
شكرا جزيلا على النصيحة
جزاكم الله خيرا
أنا بحط من شل مياه خضراء أمريكى الجركن 3 لتر و بكمل مياه مقطرة
الغش التجارى منتشر جدا يعنى ممكن لو اشتريتها من محل يكون اصلا مياة من الحنفية وعليها لون اخضر
لما تشترى زيت او مياة خضراء لا تشتريها الا من محطات البنزين يعنى موبيل او التعاون او شيل ........
عشان المحطات مضمونة تماما إن شاء الله
الموبيل احسن حاجه و احسن تركيز و مضمونة
احسن حاجة موبيل عن تجربة 4 سنين حط وانسى وماتخففهاش ونزلها كل سنتين
انا شفت نوعية مياه خضرا فى عبوة تقريبا 2 لتر
صنع فى المانيا
وموجوده عند كل تجار قطع الغيار المحترمين
وسعرها 50 ج
شكلها محترم
والتجار بيبيعوها للعربيات المحترمة جدا
برجاء الاستفسار
انا بنصح تجيب المية الخضرة الى فى كانز بى 10 جنية احسن مين موجودة هيا سعودى ومن احسن الانواع