دي اسعار تهريج
عرض للطباعة
دي بيك أب تويوتا ومتقفلة مع شويت تتشات فخامة هبلة .. مخصصة أساساً للسوق التايلاندي وشرق اسيا ولاتمت بأي صلة للاسطورة لاندكروزر أو برادو على الاقل .
ولما تنزل بسعر زي دة يبقى دة إسمه هبل و ضحك على الشعب لأن دي تويوتا عملاها أساساً في اللاين الرخيص زي الافانزا كدة ومتستاهلش سعرها دة نهائياً .
دة كفاية شكل زراير التابلوه إلي يسد النفس !
بس بغض النظر أحييك على التقرير الممتاز
شكل تويوتا عايزه تصالح عملائها بعربيه زى دى
للاسف انتم مش شايفين وجه نظر التوكيل
بكل بساطه هما بيقلولك
تركب بي ام 320 و لا باسات هاي لاين و تتمرمط منك في الشوارع
و لا تركب عربيه 4x4 و دوس مايهمكش
و الاسعار دي متفرقش كتير عن الرانجلر و الشيروكي و دول من نفس الفئة تقريبا بل دي كمان 7 راكب
و عموما انا متوقع انتشار كويس للعربيه دي
يا راجل حرام عليك فورتشنر ايه اللي تتقارن بالجيب ! , بصراحة عمري ما اقبل على نفسي واركب هايلوكس متقفلة , ادفع 300 الف جنيه في هايلوكس تقفيل مصري و 2700 سي سي وكمان 160 حصان بس !!
اوافقك يا evo , انا ركبت البتاعه ديه في السعودية فترة , كانت ال2700 سي سي , فرامل ضايعة و صالون فقير جدا , هي هي الهاي لوكس بتاعة نفس السنة , ده غير الاداء الضايع 158 حصان من 2700 سي سي في زمن التيجوان ال1400 tsi بتطلع 160 حصان !!!! يعني ده موتور من العصر الجليدي , اما بالنسبة للسعر فلا تعليق !!!!!!!!!!!!! الرانجلر بقرفها احسن
يا باشا لو انت متقبلش غيرك كتيييييير هيقبل و هيدفع و هو منشكح
دي ارخص من الشيروكي و 7 راكب و تويوتا يعني هتغزلل عين ناس كتير
ده غير الدعايه الجامدة اللي معموللها
اتفرج علي ملحق الاخبار النهاردة و شوف السيرك المنصوب لها
و يا سيدي بلاه ال 2700 خد ال 4000 هههههه
يا حورس انا اركب رانجلر ارحم على الاقل هكون راكب جيب :))
طب لو المقارنة بال off road capabilities ....هى ولا ال mall rated :biggrin: ؟.