هبوط العربيه واحتكاكها بالمطبات
نتيجه ضعف يايات ولا مساعدين
بمعنى من فيهما له التاثير الاكبر
؟؟؟؟؟
عرض للطباعة
هبوط العربيه واحتكاكها بالمطبات
نتيجه ضعف يايات ولا مساعدين
بمعنى من فيهما له التاثير الاكبر
؟؟؟؟؟
الاتنين لهم عوامل
بس العامل الاكبر على اليايات او ((السوسته)) بمعنى اصح
السوست هما المسؤلين عن الأرتفاع
والمساعدين مسؤلين عن أمتصاص الصدمات فقط
العربيه بتبقي عاليه ومنصوبه مادام الكنبه فاضيه
واول ما حد يركب ورا تهبط وكل ما يزيد العدد تهبط اكتر
والمشكلة الاحتكاك باقل المطبات طول ما الكنبه كاملة العدد
اليايات او السوست انا كنت مغيرهم قبل كده ب2 استعمال مفروض انهم المانى
بس كنت ملاحظ حاجه
قطر اللى ركبتهم اقل من الاصليين
وفكرت انهم من معدن جوده اعلى علشان كده القطر اقل
ممكن السوسته
متابع برضوا للعلم |...
شوف الموضوع ده هيسعدك
http://www.nilemotors.net/Nile/248647-a.html
انا قرات موضوع حضرتك
وعليه (زى ما بيقول الكتاتنى هههه ) يبقي التاثير الاكبر للسوست
وغالبا هطبق اللى فى المشاركة التاليه
http://www.nilemotors.net/Nile/3873927136-post17.html
بس انا عربيتى لادا فهل اروح لبتاع قطع غيار الاستيراد اللى شغالين فى اليابانى او الالمانى
ولو لقيت نفس الارتفاع اتكل على الله واركبهم عندى
متابع
لا انا اقصد السوست دى بتنشف العربيه
زياده شويه
والادا ناشفه ناشفه فمش هتفرق
عندى العربيه زى الفل بس بعد ما ركبت السوست نشفتها
يارب يكون وجهة نظرى وصلت
توكل على الله و ركب سوست تانيه زى ما عبد الله قالك
و اسال مجرب ولا تسال طبيب :):)
لو العربيه محمله زياده عن اللازم
دا طبيعى
اما لو مش محمله فالاحتمال الاكبر للمساعدين لانهم مبيخدوش ويدوا فى المطبات واليايى ماهو الا مسطره مساعده للمساعد
فلو المساعد شغال كويس الياى هيشتغل معاه كويس
ولو المساعد فى مشكله ومبيشتغلش الياى بالتالى مش هيشتغل
ويعدين ممكن يكون العربيه موديلها من الموديلات الى قريبه شويه من الارض
ومش عاليه عن الارض
والله اعلى واعلم
تقبل منى كل تحيه واحترام
دى صور لارتفاع العربيه فى وجود 3 على الكنبة الخلفيه +وفى حالة عدم وجود احد على الكنبة الخلفيه
http://www.nileup.com//uploads/images/s88e2258443.jpg
ياي ال لادا الاصلى
9 حلقات
طول 44 سم تقريبا
http://www.nileup.com//uploads/images/s5266a60e35.jpg
http://www.nileup.com//uploads/images/s00c7dbed3b.jpg
سالت على ياي ال 132
كان فى ايطالي ب 250
المشكله
طان اطول من ال ياي ال لادا
وكان الفرق فى حدود لفة
طبعا مرضتش اجيبه علشان ما اعليش العربيه وده ياثر على الاتزان
ولسه هدور على البديل
ولو حد يعرف ياي مقارب ( 44 سم ) يتفضل مشكور ويقول لى
خد قرار انك تغير حاجه من الاتنين يا السوست يا المساعدين
وانزل فك العفشه واكشف على المساعدين الاول لو بايزين غيرهم وشوف ايه الدنيا عجبتك زي ما انت مكمل
لو مزبططش اوش غير السوست ب سوست انشف وياريت تبقى نفس الطول
-----------------------
في الموضوع بتاع الكرستاله بيقول انه غير بسوست اعرض بس نفس الطول
مش عارف لو عملت زيه هتتزبط او لا بس العفشجي يقولك
قرارى غالبا هبدأ ب السوست
بس عايز حاجه جديده مش استعمال وعايزها مختلفه عن ال لادا
من وجهة نظرى لو لقيت سوسته نفس الطول ومش روسي هتكون افضل
يعنى مثلا لو حد غير سوست الفكترا او الصنى او المتسوبيشى وعنده السوسته القديمه
وموجود عنده فاستاذنه يشوف طولها كام وهل قريب من ال 44 سم
طالما السوست حالتها كويسه يبقى تركب علايه 1 سم وبس
هتفرق معاك وبعدين العربية عندك ما شاء الله أرتفاعها كويس زى ما باين فى الصور
حتى وهى محمله
لو عايز تشوف الفرق تعاله أوريك عندى
مركب كساحات وعتب ولو ركب 2 فى الكنبه الخلفيه هتلاقى المسافه بين العربية والأرض مش هتكمل نص شبر
بص انت لو مش بتسافر كتير و على الطريق و كده ممكن تعليها بالسوسته الى زادت لفه دى
طالما مش هتجرى كتير يعنى و اما تطلع على الطريق ابقا هدى اخرك 80 مثلا
غير كده شوف حاجه سمكها اكبر من الى معاك تكمون محملة يعنى
تمام
بس لو حد مر بالتجربة والسوست عنده مقاسها قريب من 44 سم يبقي يقول
معلش ياجمعاه انا مش قوي في العبشه بس انا اللي اعرفه ان الواحد لما يحب يسقط العربيه بيقص لفه من السسته او علي حسب مايحب..بمعني انك ممكن تجيب سوسته بتاعت عربيه تانيه تكون انعم من اللي موجوده عندو ومش مشكله الطول اهم حاجه الخامه بتاعتها وبعد كده يقصها علي ال44سم اللي هو عاوزها..و الله اعلم
وعلي فكره الادا علي اي مطب مافهاش مشاكل هي المشكله انك تاخد المطب بسرعه شويه بمعني انك لو جيت عند المطب وهديت خالص وخده واحده واحد مش هيحصل هبده في العربيه لان مشكله الحكه ان العربيه بتهبد معاك وانت طالع علي المطب فاول الماكوتشات اللي من قدام تبدا تنزل مع الحمل اللي في العربيه يجي الجاكمان يحك في المطب لكن انت لو ختها بشويش مش هيحصل حاجه..وبالنسبه للوزن هي بيتبقي نسبه وتناسب يعني انت ممكن تكون مركب 5 ورا والعربيه تمام وممكن تركب 2 بس من الوزن الثقيل يجيبولك العربيه ارض ارض
لا - انا مش عاوز استعمال لانهم ممكن يكونوا تعبانيين
+
انا رافض لفكرة قص السوسته - انها متصممه على بداية ونهاية ولما تقص فانت بتشيل البداية او النهاية اللى متصممه عليهم -- كلام مش علمى - لكنى مقتنع بيه على اساس انه فى تغيير هيكون فى خواص السوسته اللى اتصنعت له
ال لادا فى المطبات مش حلوه
1-- من الامام - الموتور تقيل عن مواتير كتير عن الفيات مثلا والعفشة هتتاثر بالذات البيض وده خطير لانه لو اتكسرت بيضه منهم العربيه هتنام على الارض وده اخطر عيب فى ال لادا
وممكن الموتور من اسفل ( كرتيرة الزيت ) تتخبط
2-- من الخلف - هتتاثر -- الشكمان ممكن يتخرم وفى عندك تنك البزين كمان ممكن يتاثر
3-- وسط العربية - برضه ممكن يتاثر - علبة الشكمان الصغيره وكمان عندك كرسي النص بالاضافة لجسم العربيه مع عمود الكردان ولو نزلت اسفل ال لادا هتلاقى عمود الكردان والشكمان مش بايتين فى جسم العربيه يعنى مكشوفين اسفل جسم العربيه على حساب ارتفاع العربيه
انت لسه ملقتشى
انزل عند اى حد من بتوع قطع الغيار او اى عفشجى
واديله الطول
وهو هيجبلك نفس الطول وبقوة وتخن اكبر والموضوع هيخلص وتتمتع بالعربيه
بص يا باشا انا لسه مخلص الحوار ده اول امبارح وكنت دايخ زيك كده
اسمع منى
انا تروح التوفيقيه تسال على محل انطون هو فى مول بس انا مش فاكرة اوى بس هو راجل معروف
تشترى منه سوست فيات 131 ايطالى ب 200 جنيه ومانصحكش تفاصله هو دا اخرة
وتروح للعفشجى وتخليه يشيل حلقه واحده من كل سوسته وشوف بعد كده العربيه هاتكون عامله ازاى
لو ماشلتش الحلقه العربيه هاتخبط منك من اقل مطب
والسوست الايطالى انضف من اللى جات لى مع العربيه وهى زيرو وانت قبل ما تشترى روح اتفرج على السوست الاول
ونصيحه مع احترامى لكل اللى بيقول لك اشترى استيراد انسى المستعمل لان كل حاجه ليها عمر افتراضى ممكن تبقى كويسه معاك بس بعد شهر تعيد نفس الحوار
واى خدمه
نسيت اقولك اتعلم ان انت تشترى حاجتك وتلف وتدور بنفسك وتسال كتير لان العفشجيه والميكانيكيه عادى جدا انه يبيعك او بيشترى اللى قدامه علشان يخلص ويقولك دا احسن حاجه ولو الحاجه باظت هايقولك وانا اعمل ايه ويدخلك فى حوار عيب تانى يعنى مش هايطلع نفسه غلطان ولا هايدفع من جيبه علشان يرضيك
انا كتبت فى المشاركه الاولى انى غيرت السوست وب 200 جنيه !!
واللى خلانى اوافق على موضوع قص حلقه ان السوست الايطالى مصممه للعربيه ال131 وهى قويه حتى اتخن من اللى فى اللادا بس اطول شويه علشان كده شيلت حلقه وعلى فكرة مفيش مشكله لما تشيلها مش هاتبوظ السوسته ولا حاجه
الموضوع عندى ماكنش محتاج مساعدين معرفش عربيتك محتاجه ولا لأ
بس الحمدلله العربيه عندى بعد السوست الجديده بقت عاليه ومش بتحك فى اى مطب لما يكون فى حد راكب معايا زى الاول
حضرتك حسستني لما قولتلك قص لفه بأني بقولك شيل الاربع فرد بتوع الكوتش..ياباشا كده كده البيض بيتأثر في المطبات وعمر مالكارتير تخبط وانت علي مطب الا اذا لبست بالاعه..وبعدين انا مش بقول انك تسقط العربيه انا بقول تجيب سسته اقو واعرض وتظبط الطول انت..اصل هي مش دايره كاهربيأيه عشان لازم يبقي ليها بدايه ونهايه واقرب مثال زميلي اللي قال علي سست ال131..واٍسأل مجرب ولا تسأل طبيب..