ياريت لو فى حد من المغتربين بالسعودية يقولنا ايه الأخبار عنده ومدى تاثير القرار ده على المصريين هناك
ياريت لو فى حد من المغتربين بالسعودية يقولنا ايه الأخبار عنده ومدى تاثير القرار ده على المصريين هناك
منين المصدر ؟؟؟!!!
ذكرت وكالة الانباء السعودية، اليوم السبت، أنه قد صرح مصدر مسئول، أنه نتيجة للمظاهرات والاحتجاجات غير المبررة التي حدثت أمام بعثات المملكة في جمهورية مصر العربية، قررت حكومة المملكة العربية السعودية استدعاء سفيرها للتشاور، وإغلاق سفارتها في القاهرة وقنصلياتها في كل من الإسكندرية والسويس.
وأضاف المصدر أن ذلك يأتى فى أعقاب محاولات اقتحامها وتهديد أمن وسلامة أفرادها من الجنسيتين السعودية والمصرية، بما في ذلك رفع الشعارات المعادية وانتهاك حرمة وسيادة البعثات الدبلوماسية، وبشكل مناف لكل الأعراف والقوانين الدولية.
وأشار المصدر أنه تعطل أعمال السفارة والقنصلية عن القيام بواجباتها الدبلوماسية، ومن بينها تسهيل سفر العمال المصرية، والمعتمرين والزائرين إلى المملكة.
المصدر اغلب المواقع الأخبارية ووكالة الأنباء السعودية نفسها
سترك يارب
لا اهانة لمصري بعد اليوم
الكلام دة صحيح فعلا تم غلق السفارة
للاسف احنا الي مش عاملين لنفسنا كرامهاقتباس:
المشاركة الأصلية كتبت بواسطة ashouhdy
يبقي المصري طالع عمره ومحوش كام الف علشان يروح
ولما حد ييجي يوزع وجبات بياخدوا كذا مره ويحلفوا 100 يمين انهم ما اخدوش علشان ياخدو تاني
علشان يوفر 100 ريال حياكل بيهم
بيحلف كذب وهو بيؤدي العمره
ودا والدتي شافته بعينها في عمره رمضان من كام سنه
واكيد كل الناس شافوه برضه
في ستين داهية
للاسف بيحصل ده غير ان المصريين نفسهم مش بيحبوا بعض هناك و الاسافين بينهم و بين بعض حاجة تكسفاقتباس:
المشاركة الأصلية كتبت بواسطة shnory
غير السودانين هناك تحس انهم اخوات فى الغربة و ايد واحدة
الله ينور عليكاقتباس:
المشاركة الأصلية كتبت بواسطة lion_heart
والموضوع مش فقر وغني
الموضوع نفوس وحشه وطماعه
والوحش بيقع في ايد الوحش علي فكره
مش حتلاقي واحد من العينه دي شغال عند كفيل محترم
لازم ربنا يوديه للي يعرف يروضه ويكون شبهه
http://www3.youm7.com/News.asp?NewsID=664618&SecID=65&IssueID=168
صحف سعودية: إقرار بخط "الجيزاوى" يعترف فيه بحيازته أقراصاً مخدرة
السبت، 28 أبريل 2012 - 17:39
للاسف فعلا ......... احنا شعب فينا العبر ......
وياترى الأقرار ده وقع عليه بعد ما وعدوه بعقد عمل فى السعودية مثلا ياجماعة ياريت يبقى فى شوية عقل تاجر مخدرات هيوقع ليه على اقرار انه معاه مخدرات اهبل هو ولا ايه ما اى مجرم طبيعى هينكر التهمة ولا حد شايف غير كدهاقتباس:
المشاركة الأصلية كتبت بواسطة midnightman_74
المشكلة الأساسية ان الموضوع دة بقالة اكتر من اسبوع ومفيش .بيان واحد طلع من وزارة الخارجية المصرية
فعلا وزارة الخارجية فاشلة ودة من زمان.
ايام عمر موسى لما كان ماسك وزارة الخارجية كان الوضع أحسن من كدة
أنا هرشح عمر موسى حتى لو كان مكتوب فى بطاقتة فلول ابن فلول
كل اما اروح عمرة فى رمضان مرات كنت باوزع وجبات حوالين الحرم وكله قاعد بإحترامة بتديهم الوجبة لأى جنسية يخجلك بأدبه وكسوفه إلا المصريين ههههههههههههههههججججججججج جججججومممممممممممم لحد اما اسيب الشنط واهرب بجلدىاقتباس:
المشاركة الأصلية كتبت بواسطة shnory
احنا اللي عملنا كده في نفسنا
احنا اللي مقدرناش نخلي العالم يحترمنا
اذكر مثال عملي واحد لمواطن اتهان برة ايام ما عمرو موسى كان وزير خارجية و اتجاب حقهاقتباس:
المشاركة الأصلية كتبت بواسطة midnightman_74
بلا نيلة
المصيبه اللي تجنن الواحداقتباس:
المشاركة الأصلية كتبت بواسطة tfsi
دلوقتي واحد اخد 4 وجبات
طيب هو طاقته في الاكل قد ايه ؟؟؟؟؟؟؟
وجبه او اتنين بالكتير اوي
وحيحوشهم لايه ماهو وقت السحور بيتوزع وتاني يوم برضه حيتوزع اكل
يبقي انت بتاخد ليه ؟؟؟؟
ومش مقيم يعني علشان تخزنهم في التلاجه وينفعوك بعد كده
ملهاش اي تبرير غير الجشع فقط لا غير
اقتباس:
المشاركة الأصلية كتبت بواسطة أحمد كمال
اسأل أى واحد اشتغل برة مصر على أحسن فترة هي قولك عمرو موسى.
ماتاخدنيش في دوكة الله يكرمك و هات لي مثال على قضية مشهورة زي الجيزاوي كده و قول لي حصل فيها ايه ........اقتباس:
المشاركة الأصلية كتبت بواسطة midnightman_74
ارجوكم بلاش جلد الذات دة
دة تعليق قريتة وخلونا نفكر صح بقي
فلتسألوا الاخوه السعوديين عن رد فعلهم لاساءة الرسول عليه الصلاة والسلام من جانب الدانمارك والسويد وإذا لم يردوا عليك بالاجابه فلتسألهم عن الشيخ خالد الراشد المعتقل منذ عام 2006 حينما طالب بحملة مقاطعة الدانمارك وإذا لم يردوا فلتسألهم عن إصرارهم الغريب بشراء التكيه المصريه التى كانت تذكرهم بما فعله المصريين معهم من شقيقه كبرى لأشقائه الصغار ومازالوا صغار وأعتقد قولهم بتحيزكم من خلال قولكم بموقف غير مبرر للمتظاهرين ذات تاثير سلبى على من يريد التعليق
وبكدة السعودية بتسطر تارخ من دهب
في مشكلة الدانمارك والرسوم المسئة لم يسحبوا السفير
ومعانا احنا
حسبنا الله ونعم الوكيل
مفيش يا حاج احمد
يا جماعة الموضوع فى لبس سحب السفيرالسعودى بسبب المظاهرات العشوائية اللى امام السفارة وقلة الادب والكلام السافل اللى بيتقال
سمحونى بس احنا شعب همجى يلمنا مزمار ويفرقنا كرباج
يا جدعان ميصحش اللى حصل قدام السفارة دة لازم نراعى مصالح المصريين اللى شغاليين هناك ومنزعلش السعوديين مننا لان اخواتنا شغاليين هناك ..........
هيخرب بيت ناس كتييييييييييييييييييييييي يير اوى
و ربنا يستر
همجيه وقلت أدب
كتبت كلام كتير قوى ومسحته......!!!
بس ارجع واقول ..مرحبا بأزمه جديده مثل أزمه الجزائر فى دوله بها أكبر جاليه مصريه.........هنيئا للمصريين بحسن المعامله بعد الوقوف امام السفاره وحمل اللافتات والإساءه....
بدل حضراتكم ما تقفوا قدام السفاره..أقفوا قدام وزاره الخارجيه......أو حتى أقفوا بشكل حضارى......بلاش شتيمه...!!!
فى الأخر بيتقال علينا شعب همجى وقليل الأدب...!!
انا كتبت الرد ده في توبيك تاني للعلم
منتهي قله ألأدب من أعلام واطي بدون ادني مسؤليه بيسخن ويولع وللأسف كلنا نسينا المشكله مع الجزائر ومتعلمناش وادينا وقعنا تاني وبمنتهى الغباء وبسبب نفس القنوات الفضائيه بتلعب في دماغ الناس وبتبرمجهم سلبيا وبدون وعي منهم وغفله من حكومه من كوكب تاني ووزاره خارجيه زي قلتها ومجلس شعب صوري كل هم أعضائه يظهرو علي القنوات ويقبضو المعلوم والمخفي و مفيش حكمه وهنخسر لسه طول ما كل واحد عامل وطني وثورجي وفاكر نفسه المصري الوحيد اللي بيدور علي مصلحه مصر ومحدش عايز يشتغل ولا عايز ينتج وبيبكي علي كرامته وهو قاعد عاطل طيب أشتغل وانتج واعمل لنفسك كرامه وقيمه قبل ما تروح تقف قدام سفارة ولا تشتم عن جهل لمجرد الجهل طيب ازاي والحكومه مش لاقيه تأكل الشعب أصلا بسبب الظروف المنيله اللي بنمر بيها يعني ال 30 سنه اللي فاتت نسيها واللحظه دي كرامته وجعته واللحظه دي لازم يكون دكر ويشتم في أي حد مش مصري علشان يثبت لنفسه انا أحسن من كل الباقيين !!! وده منتهي الجهل والغباء لناس عمرها ما طلعت بره مصر ومحسوبين علينا كماله عدد من ضمن الشعب المغلوب علي أمره !!!
انا مش بدافع عن السعوديه ولا الجزائر وميهمنيش غير المصريين المحترمين واللي ملهمش في السفاله اللي حاصله واللي منهم كتير متغربين علشان لقمة العيش وعلشان يعولو اهليهم جوه مصر
اللي راح شتم قدام السفاره السعوديه وحاول يقتحمها علشان مواطن أتوقف في المطار ويمكن يكون فعلا أجرم مفكرش في كام مليون غيره شغالين هناك بما يرضي الله وبيتعملوا مش يمكن لأ احسن من المعامله في مصر هما وأولادهم مفيش بينهم وبين السعوديين ولا غيرهم من جنسيات غير المعروف وحالات الكفيل ولا المشاكل اللي احيانا بتحصل فده يعتبر طبيعي ده حتي وانت في مصر المشاكل أكبر واكتر وملهاش حل وبالنسبه والتناسب كام مليون هنا شغالين وعايشين معدل المشاكل مش بالأف زي ألأعلام ما بيصور للشعب انها جهنم والدليل أسال اي حد عاش في السعوديه قبل كده هيقولك انه عاش فيها ايام كويسه وانه يتمني يرجع تاني !!!
وبرضه اللي راح شتم ووقف قدام السفاره وقف حال كام ألف موظف وعامل و اسره بتخلص ورقها علشان تسافر في الأجازه وهينوبه من الدعاء نصيبه بسبب وقف الحال وخساره بدون داعي عن جهل فقط لاغير
خلونا نفكر صح انا بعمل كرامتي بقوتي وأقتصادي وتعليمي وأدبي مش أعلام واطي جاهل وبلطجي بيقبض علشان يقف قدام سفاره هما اللي هيرجعولي كرامتي
وتاني المشكله في الأعلام والأغاني اللي بتصور المصري ملاك نازل من السما ولازم في كل مكان هو المسيطر زي ما نكون شعب الله المختار ونسينا ان هو ده اللي مكره الدنيا في اليهود علشان برضه هما كمان بيقولو كده والناس بتصدق وعايزه تتنطط علي خلق الله علي أعتبار انهم أحسن بأيه مأش عارف أحنا بشر سواء مسلم او مسيحي لازم نتطور علشان نكون أحسن احنا مش مولودين عباقرة ولا اغنياء أحنا أغلب خلق الله ومفيش غير لسان فين الفعل فين الأنتاج فين العلم ولا البحث العلمي ولا ألأقتصاد ولا الرياضه........ كله كله حين ميسره
أخيرا عايز اقولكم اننا هنا كمصريين معظمنا بعد الثورة كنا بدأنا في العد التنازلي وقولنا بالكتير سنه ونصفي ونرجع نبني ونعمر في مصر أولي وكنا كمان بنتريق اننا هنعمل نظام الكفيل في مصر والخليجيين هييجوا يشتغلو عندنا وعدت السنه وانا شخصيا اعرف مصريين خافو ينزلو ولا حتي ينزلو أهليهم أجازه بسبب اللي حاصل في البلد والعد التنازلي للرجوع للأسف إتاجل برضه لحين ميسره.
لك الله يا مصر
تحياتي من مكه ):
هما شتموا قالو ايه بظبط ؟؟؟؟
ممكن اسال شوية اساله
يا ترى شعور اخونا المصريين في السعودية ايه دلوقتي؟
يا ترى بالموقف اللي احنا عملناه قدام السفارة هل جبنا حق احمد الجيزاوي؟
هو مين اللي سحب السفير السعودية ولا مصر ؟ ويا ترى السعودية سحبت سفيرها مصر عملت حاجه لغاية دلوقتي ؟ المظاهرات اللي قدام السفارة فادت حاجه؟
يا ترى كام سعودي كان بيشتم في مصر دخل مصر عادي مقبضناش عليه - ويا ترى كام سعودي دخل مصر ومعاه مخدرات ولما اتمسك مرحوش سعوديين قدام سفارتنا في مصر وعملوا اللي احنا عملناه ؟
يا ترى اخبار الحاله الاقتصادية بتاعتنا ايه ؟ جاهزين لستقبال 2 مليون عامل 3 مليون مؤهلات عليا؟
يا ترى اخبار كرامتك في بلدك ايه الاول ؟ حلوه ولا لسه ابن تيييييييت ؟
يا ترى احساس مصري ايه وهو راجع غصب عنه بعد ما صدق انه غار من ام البلد ده؟
يا ترى لسه في ناس تاني هتكره اليوم اللي شافت فيها الثوره؟
يا ترى البلد الجايه مين ؟
مع احترامى للجميع
ما يحدث من وجهة نظرى هو قلة ادب و همجيه
هل كل الثورة بسبب هذا المحامى
اعذرونى اصل انا سمعت الكثير
من ما سمعت ان السعوديه لبسته تلك القضيه علشان عاب فى الذات الملكيه
هو ايه البلد اللى هاتعمل عقلها بعقل مواطن من دولة تانيه
اللى اعرفه ان هذا الشخص غلط يبقى يتحاسب
ماغلطش هناك طرق كثيره لبيان ذلك
لازم نعرف ان اى سفارة هى ارض لتلك الدولة داخل ارضك
اى اعتداء عليها هو بمثابه اعتداء عليها
و لو قلنا مفيش اعتداء انما مناوشات
ماشى هم من حقهم سحب سفيرهم و عمل ما يحلو لهم
بس يا ريت مانرجعش نعيط فى الاخر
كل ما يحدث هو من الجاهليه الاولى
كل واحد دلوقتى يقول دا احنا اللى علمناهم واحنا كنا بنأكلهم زمان
صح و لكنهم زمان مكانوش بيتطاولوا علينا و كانوا عارفين حجمهم
احنا برضه يجب ان نعرف حجمنا
ليس ذل لأحد و لكن العالم كله فاق بقى من نغمة احنا اللى احنا و مفيش حد زينا و الاغانى بتاعة عبده حريقه
كل واحد يعرف حجمه و يعرف ازاى يتعامل على اساسه
البرتغال فى وقت كانت هى محور اكتشافات العالم و هى و اسبانيا و انجلترا من كبريات ممالك العالم (و ليست دول العالم)
هل هى بتروح للبرازيل و تقولهم احنا اللى اكتشفناكوا و عمرناكوا و لينا حق عليكم
يا جدعان فكروا شويه ليه منطق ان كل العالم تضربنى على قفاى انما ابن عمى على جثتى لازم اقتله
و يا ريته كان قفا يستاهل
اللهم يسر لنا و ازل عنا تلك الفتن
تسلم كيبوردكاقتباس:
المشاركة الأصلية كتبت بواسطة mtak
كمان من حقنا نقول اننا كنا بناكلهم في التكيه من 50 سنه
اذا كنا لسه بنتفاخر باللي كان من 7000 سنه
مش حنسيح باللي كان من 50
ههههههههههههههههههههههههه هههههههه
خلوا بالكم ان السعودية بتدعم نظام مبارك و عمر سليمان و عمرو موسى
و الحركة دي غالبا للضغط على الشعب عشان يخاف على لقمة العيش
و المحامي ده كان حجة و السلام
و هتلاقي بعد اسبوع و لا اتنين عمورة باشا واخد طيارة و يروح السعودية و يحلف يمين طلاق تلاتة ما يرجع الا و المحامي في ايده ... ( فاكرين فيلم عادل اما بتاع طيور الظلام ؟ )
و يبقى عمورة هوه اللي راجع بالسفير و استثمارات و فيز يوزعها على الشعب و كل عيش يا واد انت وهوه
كلامك تمام جدااقتباس:
المشاركة الأصلية كتبت بواسطة mtak
بس اعتقد ان دي تمثيلية او مسرحية متفق عليها بين الاطراف
لان السعوديه هيأثر عليها ان عدى عليها موسم عمرة او حج وهما قافلين التأشيرات عننا