شاركونى يا جماعة فى مشكلة قاشقاى

السلام عليكم و رحمة الله
جميع الاخوة فى المنتدى المحترم

اعرض عليكم مشكلتى و افتونى بالحل و ان كان حد ممكن يساعدنى و يوصل صوتى لنيسان مصر اكون شاكر فضله
اشتريت نيسان قاشقاى اوتوماتيك يوم 6-4-2012 من اوتو ايجيبت(و كانت العربية عاملة 190كم) و رخصتها يوم 8-4-2012 و يوم 10-4-2012 لقيت تحت العربية بقعة زيت و جريت على مركز خدمة اوتو ايجيبت تانى يوم على طول(و كانت العربية عاملة 451كم) و بعد فحص العربية قالولى ده اويل سيل الكرنك الخلفى بيجيب زيت و ابلغونى انه عشان يتغير لازم يفكو الموتور من الفتيس و قواعد الموتور طبعا انا من هول الصدمة ما بقتش عارف اعمل ايه و طلبت تغيير العربية بأخرى سليمة المهم بعد شد و جذب قالولى خلينا نصلحها و بعدين نعمل شكوى لنيسان مصر
المهم انه عند التنفيذ الفعلى فكو الموتور و المارش و التكييف و دورة الريدياتير من الاخر فضو الحوض و كان هتك عرض للعربية بمعنى الكلمة

و شهادة حق مركز خدمة اوتو ايجيبت مقصروش فى اى حاجة اهتمام غير عادى بالعملاء و تفانى فى العمل بدقة و كرم ضيافة مش موجود فى مصر و اخلاق عالية من الكل من اول م/احمد الرزاز مدير المركز و م/مصطفى و م/امنية لغاية اصغر فنى بصراحة هما اللى صبرونى على المصيبة دى

المهم عملو العربية تمام و كل حاجة بس بقى فيه عائق نفسى بينى و بين العربية و الحاجة الاسوأ رد نيسان مصر على الشكوى انه طالما العيب راح يبقى مفيش تغيير
يعنى انا الغلطان انى قبلت الاصلاح و لو كانت سايقة العربية واحدة ست و لا واحد مش بيعرف فى العربيات كان زمان الموتور اتفرتك و غيروه و لا غيرو العربية
ايه رأيكم؟؟؟ اعمل ايه؟؟

السلام عليكم

الف مبروك عليك العربية

بص يا فندم المشكلة اللي حضرتك كنت فيها كان ممكن يقولك انت خدت مطب او كده وميحطهاش تحت بنود عيب الصناعة فكويس جدا المووضع تم التعامل معاه ودي حاجة كويسة جدا منهم

انت نصيبك كده زي واحد اخونا هنا كان اشترى تيدا وطلع الراديتير مخروم وتم مكاملمة التوكيل وصلحهولو على طول على حسابهم الحمد لله

فانت تنسى كل حاجة دلوقتي وتستمتع بالعربية وتحمد ربنا انها جت على قد كده وتاكد تماما من مصلحتهم ان العيب يكون باذن الله اتصلح

سم بالله تعالى
وطلع حاجة لله

وان شاء الله خير

+111111111111
ده نصيب متفكرش كتير واستمتع بالعربية

فعلا نصيب، وطالما العربية بقت تمام، خلاص كبر دماغك وعيش

انا رأيي ان حضرتك تتعايش طالما ان الموضوع اتحل وبتحصل في احسن العربيات واحسن ماكانت غيرت فتيس مثلا
ومعلومه لحضرتك ان كان من حقك تغير او تاخد فلوسك بسهوله طالما ان الموضوع حصل قبل العربيه ماتكمل اسبوعين عن تاريخ الشراء كل المطلوب انك تطلع على حماية المستهلك بالتقرير اللي بيذكر العيب مع صورة المبايعه وكانوا هم هيخلصوا الموضوع

اقتباس:

---

المشاركة الأصلية كتبت بواسطة sehsss

فعلا نصيب، وطالما العربية بقت تمام، خلاص كبر دماغك وعيش

---

+1111111111111

لا طبعا ما تقلقش من ناحية العربية التوكيل موجود لو فيها اي حاجة و حط في دماغك ان العربية بقت احسن من الاول و هي كدة فعلا

يا باشا دة نصيب و طالاما العربية اتظبطت انسي بقي و اتمتع بالعلابية الجديدة و ربنا يباركلك فيها و اطمن طالاما التوكيل طلع كويس معاك و متنساش تاخدني لفة يا باشا :ma:

اقتباس:

---

المشاركة الأصلية كتبت بواسطة Sehsss

فعلا نصيب، وطالما العربية بقت تمام، خلاص كبر دماغك وعيش

---

أؤيد هذا الكلام
طالما العربية أشتغلت تمام ولسه الضمان شغال يبقى so what

اولا : الف مبرووووك العربيه
والف مبروووك اصلاح العيب اللى فيها

وزى ماقال الزملاء لو التوكيل دا مش محترم وناسوا محترمين كانوا طلعوا اى سبب ويحملوك مسئوليه هذا الخطاء

والحمد لله انها جت على قد كدا

عيش حياتك بطبيعتها واستمتع بسيارتك الجميله واعتبر ماحدث انه حلم وراح ولاتفكر فيه كثيرا حتى لايوثر على طريقه سواقتك واحساسك تجاه العربيه

ربنا يدك خيرها ويكفيك شرها
لك كل التحيه والتقدير

ولمودرن ايجبت كل الاحترام ولكل وكلاء نيسان ومراكزهم التابعه لهم كل التحيه
لان تعاملت مع مراكز صيانه نيسان وكلهم يجمعهم صفه واحده ( احترام العميل والعمل على حل مشاكله وان كان على حسابهم)
( مودرن الدقى / موردن الهايكستب / السبع)
هذه ليست دعايه لهم

بل هو واجب شكر لمجهوداتهم

اقتباس:

---

المشاركة الأصلية كتبت بواسطة _hema

اولا : الف مبرووووك العربيه
والف مبروووك اصلاح العيب اللى فيها

وزى ماقال الزملاء لو التوكيل دا مش محترم وناسوا محترمين كانوا طلعوا اى سبب ويحملوك مسئوليه هذا الخطاء

والحمد لله انها جت على قد كدا

عيش حياتك بطبيعتها واستمتع بسيارتك الجميله واعتبر ماحدث انه حلم وراح ولاتفكر فيه كثيرا حتى لايوثر على طريقه سواقتك واحساسك تجاه العربيه

ربنا يدك خيرها ويكفيك شرها
لك كل التحيه والتقدير

ولمودرن ايجبت كل الاحترام ولكل وكلاء نيسان ومراكزهم التابعه لهم كل التحيه
لان تعاملت مع مراكز صيانه نيسان وكلهم يجمعهم صفه واحده ( احترام العميل والعمل على حل مشاكله وان كان على حسابهم)
( مودرن الدقى / موردن الهايكستب / السبع)
هذه ليست دعايه لهم

بل هو واجب شكر لمجهوداتهم

---

هو عملها في اتوايجبت يا باشا مش مودرن :)

ده تهريج يعنى ايه عربيه متقفله فى انجلترا و تجيب اولسيه كرنك مش فاهم
عربيه مشيه 400 كيلو و تعمل كده
اعتقد انك تستحق واحده جديده ده حقك
انتا دافع فلوس مش جايب فولس من بنك الحظ علشاتن عربيه تفور حوض و هى عمله 400 كيلو
و هقولك حاجه مستحييييييييييييييييييل الرجاله الاشتغلو فيها و صلحو الاولسيه هيقفولها زى مكانت متقفله
انا مش بكرهك فيها بس ده حقك
و ربنا يكون فى عونك

اقتباس:

---

المشاركة الأصلية كتبت بواسطة minicooper20

ده تهريج يعنى ايه عربيه متقفله فى انجلترا و تجيب اولسيه كرنك مش فاهم
عربيه مشيه 400 كيلو و تعمل كده
اعتقد انك تستحق واحده جديده ده حقك
انتا دافع فلوس مش جايب فولس من بنك الحظ علشاتن عربيه تفور حوض و هى عمله 400 كيلو
و هقولك حاجه مستحييييييييييييييييييل الرجاله الاشتغلو فيها و صلحو الاولسيه هيقفولها زى مكانت متقفله
انا مش بكرهك فيها بس ده حقك
و ربنا يكون فى عونك

---

يا محمد باشا ملهاش دعوة بالتقفيل او المكان او العربية كويسة او وحشة

ده نصيب

بص هو لو راح لحماية المستهلك من الاول كان ممكن التوكيل يعومها على انو خد خبطة او اي كان

واللي حصل ده افضل حل

عشان كده عملو ضمان وعشان كده توكيل بيفرق عن توكيل

والا كانو معملوش حاجة اسمها ضمان ما دام العربية بتطلع من المصنع بدون عيوب ابدا

ياما ناس غيرو فتيس ومحدش اتكلم ومحدش قال ده الوكيل بيهرج

بلاش كل ده لما يكون فيه عيب صناعة على مستوى مجموعة من العربيات

هل بيقولك هات العربية ونديك واحدة بدالها ولا بيبقى في استدعاء يشوفو اذا كان موجود في العربية ولا لا موجود وممكن معالجتو بيعالجوه ويرجعو العربية للعميل

مش موجود يرجعوها للعميل
طب اقولك حاجة انا شفت عربية بدون ذكر نوعها في توكيل من التوكيلات العربية دي معدية 600 الف جنيه

جايبة ضفيرة وماشية 200 كيلو

تخيل

اقتباس:

---

المشاركة الأصلية كتبت بواسطة DarkMagician

يا محمد باشا ملهاش دعوة بالتقفيل او المكان او العربية كويسة او وحشة

بص هو لو راح لحماية المستهلك من الاول كان ممكن التوكيل يعومها على انو خد خبطة او اي كان

واللي حصل ده افضل حل

عشان كده عملو ضمان وعشان كده توكيل بيفرق عن توكيل

ياما ناس غيرو فتيس ومحدش اتكلم ومحدش قال ده الوكيل بيهرج

طب اقولك حاجة انا شفت عربية بدون ذكر نوعها في توكيل من التوكيلات العربية دي معدية 600 الف جنيه

جايبة ضفيرة وماشية 200 كيلو

تخيل

---

:tumb::tumb:

الف مبروك عللى العربية و على اصلاحها وربنا يباركلك فيها

ضفيرة و 200 كيلو فعلا
الحمد الله علي كل شئ
اغلي العربيات وبيحصل عيوب وبتتحل ان شاء الله
كل شئ وارد ..

اقتباس:

---

المشاركة الأصلية كتبت بواسطة darkmagician

هو عملها في اتوايجبت يا باشا مش مودرن :)

---

يافندم اشكرك على التصويب

انا كان قصدى اكتب اتو ولم الاحظ ذلك الا بعد انتهاء الفتره المحدده للتعديل

تقبل تحياتى لك

اولا:- الف مليون مبروك على العربيه وربنا يرزقك خيرها ويكفيك شرها
ثانيا:- اى حاجه صنعها الانسان لم ولن تصل الى الكمال لان الكمال لله وحده عز وجل
انا عايز اقولك ان كل الى اعرفو اشترى عربيه زيرو من اى ماركه اما اكتشف عيب صناعه زى حضرتك او ملحقش يروح بيها الا وهى مخبوطه او محكوكه وانا شايف ان دى حكمه ونعمه من عند الله ( وعسى ان تكرهو شياء وهو خيرا لكم) لان الحاجات دى الى بتحرق دمنا فى الاول والله بتبقى اما بركه او بتحوش حاجه اصعب واكبر ولله الحمد فى السراء والدراء ( فى ظاهره شر وفى باطنه خير كبير)
انت لازم تشكر ربنا للاسباب التاليه
1- انه هداك وو راك العيب ده على طول
2- ان التوكيل نيسان وخاصتا اوتو ايجبت محترم وعملك العيب ده ورجعها احسن من الاول ومدخلكش فى متاهات الى التوكيلات التانيه ( للاسف مركات عالميه فخمه ) بتعملها على الزباين ويطلعوه غلطان ويدفعوه فلوس كمان ولسه فلوس شرها ما بردتش
3- انك لسه فى الضمان ثلاث سنوات ياعنى اى حاجه فيها لاقدر الله مشكلتهم مش مشكلتك
4- ان العربيه دى بذات هى و الجوك ليها اهتمام خاص جدا من نيسان العالميه لانجاحها ونقطه دى فى صلحك لان هيحفرو فى الصخر علشان يرضو عملاء العربيتين دول ( ولا عزاء لبتوع الصنى والتيدا هاااااااااا) وده الى حصل معاك عملوها احسن من المصنع نفسه ابسط يا عم
ثالثا:- نصحتى ليك استمتع بالعربيه دى حقيقى عربيه ممتعه واوعى تشيل منها انته الى خسران ولو فكرت فى بيعها الى هيشتريها هو الكسبان ( انا شارى لو حابب هاااااا بصطاد فى الميه العكره هاااا) يا راجل ده انا بحلم بها بعد ما عملت تست دريف بها فى دندى ( حاجه تحفه بجد) عجبتنى اكتر بكتير من الجوك
اسمع كلامى واستمتع بالربنا انعم عليك بيها ولا تكن لاسمح الله محدث نعمه وربنا يرزقك خيرها ويكفيك شرها اخى الكريم
اتمنى اشوفك قريبا في مقابلاتنا وانت سعيد و فخور بالقاشقاى
والف مبروك

اقتباس:

---

المشاركة الأصلية كتبت بواسطة ahmed1006

ضفيرة و 200 كيلو فعلا
الحمد الله علي كل شئ
اغلي العربيات وبيحصل عيوب وبتتحل ان شاء الله
كل شئ وارد ..

---

ههههههههههههههه

انت مستغرب دي

طب خد دي كان واحد صاحبي في الامارات معاه بي ام حوت 750li

كان بيشغلها الصبح في الفيلا العربية مشيت لوحدها وخبطت في الحيط

كمبيوتر العربية حصل فيه مشكلة

والعربية مكانتش مكملة 1000 كيلو

اقتباس:

---

المشاركة الأصلية كتبت بواسطة _hema

يافندم اشكرك على التصويب

انا كان قصدى اكتب اتو ولم الاحظ ذلك الا بعد انتهاء الفتره المحدده للتعديل

تقبل تحياتى لك

---

يا باشا ولا يهمك ههههههههه

اقتباس:

---

المشاركة الأصلية كتبت بواسطة minicooper20

ده تهريج يعنى ايه عربيه متقفله فى انجلترا و تجيب اولسيه كرنك مش فاهم
عربيه مشيه 400 كيلو و تعمل كده
اعتقد انك تستحق واحده جديده ده حقك
انتا دافع فلوس مش جايب فولس من بنك الحظ علشاتن عربيه تفور حوض و هى عمله 400 كيلو
و هقولك حاجه مستحييييييييييييييييييل الرجاله الاشتغلو فيها و صلحو الاولسيه هيقفولها زى مكانت متقفله
انا مش بكرهك فيها بس ده حقك
و ربنا يكون فى عونك

---

+11111111111111111111111
كلام صح بس معلش تعايش مع الموضوع
وخد اوراق تثبت ماحدث
وممكن حضرتك تجرب تروح حماية المستهلك وتحاول
ومش عاوزين نقول شكرا للتوكيل ووووو
لالا المفروض كان علي الاقل يعتزر ويمتنع عن التصليح وتستلم علربية اخري
دي اسوء سمعة لعربية لسة مولودة
وانا اشكر التوكيل لية لان دة الزام علية مش بيبقشش علينا

اولا الف مبروك لحضرتك العربية و ربنا يحفظهالك ان شاء الله

ثانيا حضرتك عارف ان كتير من العربيات الزيرو اصحابها بيشتروا و تلاقيها اتخبطت بعدها لا قدر الله بسبب العين .. فدي اعتبرها بصمة الشارع المصري على العربية بدل الخبطة

ثالثا نفسي نغير فكرة ان العربية مدام رجعت سليمة خلاص
دلوقتي انا دافع فلوس علشان اخد منتج سليم 100% و أداءه سليم و مفيهوش اي عيوب
غير كدة المنتج يتغيرلي بواحد تاني سليم و التوكيل يصلح العربية التانية و يبيعها بأقل من سعرها

اقتباس:

---

المشاركة الأصلية كتبت بواسطة sehsss

فعلا نصيب، وطالما العربية بقت تمام، خلاص كبر دماغك وعيش

---

:8_8_13::8_8_13::8_8_13:

والله مش عارف اقول هو اة نصيب بس كان المفروض يدوك عربية جديدة

و عليكم السلام و رحمة الله و بركاته
و قبل ان اقول لك الف مبروك علي العربية فربنا يعينك و يصبرك علي ما شاهدته بعينك و ما مررت به اثناء هذه التجربة المريرة
و ايضا قبل ان اهنئك يجب ان اقول لك انك افضل من غيرك الف مرة
..................
و بعدين نبارك لك بقي
الف مليون مبروك و ربنا يعطيك خيرها و يكفيك شرها
و يبارك لك في خطواتها
...................
بص بقي يا اخي الكريم
انا مررت بنفس تجربتك في ماركة اخري و هي ايضا ( يابانية الصنع ) و غالية الثمن و لي موضوع عن هذه التجربة هنا في المنتدي في قسم دايهاتسو شرحت فيه خطوات الموضوع كله خطوة خطوة و انا بصراحة كملت الحكاية للاخر مع حماية المستهلك الي ان نفذت ما نويت عليه و استخرت عليه الله و مع اني قد خسرت ماديا كثيرا الا اني نفسيا قد استرحت
و لن احكي لك عن التجربة هنا حتي لا اثقل عليك و ممكن لو حضرتك مهتم تبحث عنها في قسم دايهاتسو و مش حابب ان انقل الرابط حتي لا تكون دعاية سيئة للسيارة لاني بصراحة اثناء المشكلة كنت غضبان جدا من الماركة و من التوكيل و من كل شئ يخص التريوس و بعد انهاء المشكلة كنت اتذكر ايامها الحلوة معي و تخيل اني اثناء بحثي عن سيارة اخري كانت التريوس احد اختيارات زوجتي هههههههههه عمرك تشوف كده في الدنيا و الله احنا غلابة جدا و طيبين اوي
المهم بالنسبة اليك اخي الكريم
فأمامك احد حلين
1- ان تتعايش مع الموضوع بكل سعة صدر و تقنع نفسك فعلا ان كل صناعة السيارات في العالم بهذا الشكل و هذه اقسم لك بالله حقيقة علمتها متأخرا اثناء ذهابي لحماية المستهلك شاهدت العجب العجاب من كل الانواع و حتي حين عرضت موضوعي هنا اخوة افاضل كتبو لي علي الخاص و اذكر من بينهم مالك ( لبي ام ) و اخر كان يملك ( جولف ) و معهم مشاكل مع سيارات زيرو
و ان تتأكد يقيينا بأن هذا العيب قد انتهي و ان تأخذ من التوكيل ما يفيد ذلك كتابيا و ما تم اصلاحه و يثبت فيه عداد الكيلو متر وقت اكتشاف الشكوي و ان تعرف ان كل السيارات فعلا بتكون هناك نسبة لا تتعدي ال 1 في الالف بتحدث فيها مشاكل قاسية و للاسف كانت من نصيب حضرتك و تعلم انها ابتلاء و تكون مقتنع فعلا بأن التوكيل قد عالج هذا الخلل و تكون ايضا عندك القدرة علي ان تقنع نفسك بأن السيارة الزيرو قبل ان تشاهدها بهذا الشكل هي بتكون ايضا مفككة هكذا و هذا بيلحم هنا و هذا بيفك هناك و هذا بيظبط و هذا بيتلف منه جزء و بيجيب اخر لتركيبه و كل ده اما تحت ايد بشر او ( انسان اللي ) يتحكم فيه ايضا بشر
ده طبعا الحل الاول و هو راجع لك اولا و اخيرا و ارجو ان تستخير
2- الحل التاني هو الاتي
حضرتك سوف تحضر فاتورة شراء السيارة و صورة من رخصتها و تكتب الموضوع كله كما حدث في حوالي ما لا يزيد عن ورقتين و كما قالو لك و كما فعلو بالسيارة من اول الحكاية حتي نهايتها مع شرح كامل لموضوع العدادات ده و تتصل علي الخط الساخن لجهاز حماية المستهلك و تعرض عليهم المشكلة فيعطوك رقم للشكوي الخاصة بك و رقم الفاكس الخاص بهم و اسم مستقبل الشكوي و سوف يطلب منك ارسال ما سبق ان قلته لك و بعد فترة سوف يتصلو هم بك و يقولو لك انهم اتصلو بالتوكيل و عرضو عليه المشكلة و جاء الرد كالتالي
أ- اما الوكيل لا قدر الله ينكر الحكاية برمتها ( لا قدر الله ) و يقول ان هذا كان سوء قيادة من العميل و تم اصلاح العيب و ان شاء الله لا اظن ابدا ان يحدث هذا و حتي لو حدثت فدي لها حسابات اخري ليس مجالها
لاني ان شاء الله مستبعد ذلك بالكلية
ب- و اما انهم يقرو بما جاء في الشكوي و هذا ان شاء الله ما سيحدث و يكون ردهم ان السيارة في الضمان و ان الوكيل وظيفته ان يضمن اي عيب يحدث فيها و يغيره و يستبدله و يعيد الشئ لاصله و ان هذا بالضبط ما حدث معك كعميل بأنهم بالكشف عن مصدر الزيت اخبروك بأن سببه كذا و انهم سوف يقومون بتغييره علي حسابهم و انك وافقت و انهم قامو بعمل اللازم و تم حل المشكلة و ان السيارة الان بحالة ممتازة
و الحكاية دي بتستغرق حوالي اسبوعين يعني في ارسال الشكوي و رد الوكيل
فسوف يسألك وقتها مندوب الحماية عن رأيك في هذا الرد من جانبهم
فأنت سترفضه طبعا
كما رفضت انا رد شركة دايهاتسو
و سيخبرك الاخ الفاضل بأنه سوف يصعد الموضوع للعرض علي لجنة و تأخذ دور و هذه المرحلة بتأخذ من اسبوعين الي تلاتة
فتذهب للعرض علي اللجنة و تحكي لهم الموضوع و بيكون هما قد اخبرو التوكيل بميعاد اللجنة لكي يرسل من طرفه ممثلين للرد و اتخاذ القرار امام اللجنة
و لسوف يسألك اعضاء اللجنة بعد عرضك للمشكلة و بعد ان يقر بها مندوب الشركة او مندوب الوكيل الحاضر امامك
( ما هي طلباتك )
فأنت ستقول (( اغير العربية )) يعني استبدلها بأخري غير معيبة
و هنا تبتدي بقي المفاوضات و يبدأ الخلاف و الاخد و العطاء و اما يفلح الكلام ( يا رب طبعا من اول مرة ) يا اما بيحدث عدم اتفاق و هذا هو المعتاد و الا كان من الاول لو عندهم النية للتخليص
و بيتم تصعيد المشكلة للعرض علي لجنة ( فنية ) في كلية الهندسة و تدفع لها رسوم اظن 2000 جنية و تكتب هذه اللجنة تقرير و ترفع به حضرتك و جهاز حماية المستهلك قضية علي الشركة المصنعة او التوكيل و طبعا انا لم امر بهذه التجربة و لكن من السمع و انا هناك علمت ان الحكاية دي بتاخد مش اقل من ( سنة ) كمان يعني بنكون دخلنلنا في سنة و شهرين مثلا
و طبعا في الاخر لا نعرف ماذا سيكون الحكم لان هذه الشركات بتكون معها شئون قانونية جامين و بيكون حكاية تغيير التالف ( دي مطاطة اوي ) يعني بيقولو للجنة امال احنا عاملين ضمان ليه سنة او 3 مش علشان الحاجات اللي العربية بتتكون منها بتبوظ و بتضرب و لها عمر افتراضي فنحن بنضمن ان اي قطعة في السيارة يحدث لها اي عطل يتم تغييرها فورا بدون تحميل العميل لاي مصاريف و لو ان الضمان انتهي مش العميل بيأتي الينا لكي يدفع فلوس ليغير هذه القطعة او تلك (( هذا بالطبع رد شركات السيارات و الوكلاء حين يتم رفع قضايا عليهم في موضوع تغيير قطع غيار اي شئ ) مثل (( ماتور - فتيس - ضفيرة - فيوز - فانوس - فرش - اي شئ )
انا اسف اني طولت عليك و لكن لاني عارف انت اد ايه تعبان و حاسس بيك جدا فلهذا كتبت لك ما يحدث في مثل هذه الامور لاني مجرب
عموما لو حضرتك حابب تكمل في موضوع حماية المستهلك فأنا تحت امرك في اي استفسار من واقع تجربتي الشخصية معهم
و هذا رقم تليفوني يسعدني جدا اتصال حضرتك في اي وقت
و ربنا يوفقك لما فيه الخير
(( 01001963110 ))
و تحياتي اليك

م.حاتم السباعي

قدر الله وما شاء فعل

المشكله مش مشكله توكيل ولا ماركه عربيه

المشكله اولا في البلد اللي عايشين فيها اللي مش ممكن تغيرلك عربيه مهما كان عيبها مادام ينفع يتصلح (مش عارف هل ده عادي في اي بلد تانيه ولا لا)

انا طبعا مقدر احساسك جدا لما تبقى حاطط مبلغ زي ده في عربيه زيرو ويحصل فيها كده

بس خلينا نبص للنص المليان من الكوبايه وهو ان العيب ده حصل معاك في عربيه نيسان مش اي ماركه تانيه لانها لو اي ماركه تانيه كان ممكن يتنصلوا من العيب باي شكل ويدفعوك ثمن التصليح للاسف والسبب هو البلد اللي احنا عايشين فيها وعدم وجود رادع يمنع التاجر من التلاعب بالعميل وبما ان الموضوع راجع للضمير والاخلاق اللي دلوقتي يندر وجودها في اي مكان

عشان كده بقولك احمد ربنا انها نيسان لانهم ما زالوا ونتمني الاستمرار في ذلك بيخافوا على العميل بتاعهم

لكن في النهايه برضو مقدر احساسك جدا جدا وقدر الله وما شاء فعل وان شاء الله تحس ان العربيه بقت احسن من الاول

وعلى فكرة نسيت اقولك ان في معانا عضو معاه نيسان صني غيرت فتيس كامل وجوان وش السلندر ومؤخرا غير علبه دريكسيون والمشكله برضو مش في نيسان كا ماركه الموضوع ليه علاقه بسياسات الجوده بشكل عام وثقافه الشعب اللي ممكن يقبل حاجه معينه او يرفضها والحمد لله برضو ان مشكلته كانت في عربيه نيسان والا كان زمانه لسه بيدور على حد يصلحهاله

ومش ها اقول اسمه

هو بقى يعرفك بنفسه لو حابب :)

اقتباس:

---

المشاركة الأصلية كتبت بواسطة darkmagician

يا محمد باشا ملهاش دعوة بالتقفيل او المكان او العربية كويسة او وحشة

ده نصيب

بص هو لو راح لحماية المستهلك من الاول كان ممكن التوكيل يعومها على انو خد خبطة او اي كان

واللي حصل ده افضل حل

عشان كده عملو ضمان وعشان كده توكيل بيفرق عن توكيل

والا كانو معملوش حاجة اسمها ضمان ما دام العربية بتطلع من المصنع بدون عيوب ابدا

ياما ناس غيرو فتيس ومحدش اتكلم ومحدش قال ده الوكيل بيهرج

بلاش كل ده لما يكون فيه عيب صناعة على مستوى مجموعة من العربيات

هل بيقولك هات العربية ونديك واحدة بدالها ولا بيبقى في استدعاء يشوفو اذا كان موجود في العربية ولا لا موجود وممكن معالجتو بيعالجوه ويرجعو العربية للعميل

مش موجود يرجعوها للعميل
طب اقولك حاجة انا شفت عربية بدون ذكر نوعها في توكيل من التوكيلات العربية دي معدية 600 الف جنيه

جايبة ضفيرة وماشية 200 كيلو

تخيل

---

واحشنى والله يا اسامه بيه اخبار السكر على حسك ايه
و الله واحشنى

كل واحد عمال يقول للراجل نصيب
وانا متأكد ان لو كان اي حد جرالو كدا مكنش هيعديها الا وهو خارج بوحدة جديدة مكانها
او كان طلب فلوسة واشترة ماركة تانية
وعلي فكرة مهما قولتو هيفضل الحاجز النفسي بردو موجود عندو ومش هيتحل الا يأمة يبيع العربية او يعمل مشكلة كبيرة جوة التوكيل علشان يغيروها واكيد مش من العقل ان ادفع ف عربية 175000 جنية ويفكولي العربية حتة حتة ولا اسماعيل يس ف الطيران وبعد كدا هبقي مبسوط وراضي
اكيد هبقي قافل من العربية والي اخترعو العربية
معلش متزعلوش من كلامى بس كلام صاحب الموضوع ديقنى جدا وانا بصراحة زعلان علشانة
وربنا يعينو

اقتباس:

---

المشاركة الأصلية كتبت بواسطة hagan

و عليكم السلام و رحمة الله و بركاته
و قبل ان اقول لك الف مبروك علي العربية فربنا يعينك و يصبرك علي ما شاهدته بعينك و ما مررت به اثناء هذه التجربة المريرة
و ايضا قبل ان اهنئك يجب ان اقول لك انك افضل من غيرك الف مرة
..................
و بعدين نبارك لك بقي
الف مليون مبروك و ربنا يعطيك خيرها و يكفيك شرها
و يبارك لك في خطواتها
...................
بص بقي يا اخي الكريم
انا مررت بنفس تجربتك في ماركة اخري و هي ايضا ( يابانية الصنع ) و غالية الثمن و لي موضوع عن هذه التجربة هنا في المنتدي في قسم دايهاتسو شرحت فيه خطوات الموضوع كله خطوة خطوة و انا بصراحة كملت الحكاية للاخر مع حماية المستهلك الي ان نفذت ما نويت عليه و استخرت عليه الله و مع اني قد خسرت ماديا كثيرا الا اني نفسيا قد استرحت
و لن احكي لك عن التجربة هنا حتي لا اثقل عليك و ممكن لو حضرتك مهتم تبحث عنها في قسم دايهاتسو و مش حابب ان انقل الرابط حتي لا تكون دعاية سيئة للسيارة لاني بصراحة اثناء المشكلة كنت غضبان جدا من الماركة و من التوكيل و من كل شئ يخص التريوس و بعد انهاء المشكلة كنت اتذكر ايامها الحلوة معي و تخيل اني اثناء بحثي عن سيارة اخري كانت التريوس احد اختيارات زوجتي هههههههههه عمرك تشوف كده في الدنيا و الله احنا غلابة جدا و طيبين اوي
المهم بالنسبة اليك اخي الكريم
فأمامك احد حلين
1- ان تتعايش مع الموضوع بكل سعة صدر و تقنع نفسك فعلا ان كل صناعة السيارات في العالم بهذا الشكل و هذه اقسم لك بالله حقيقة علمتها متأخرا اثناء ذهابي لحماية المستهلك شاهدت العجب العجاب من كل الانواع و حتي حين عرضت موضوعي هنا اخوة افاضل كتبو لي علي الخاص و اذكر من بينهم مالك ( لبي ام ) و اخر كان يملك ( جولف ) و معهم مشاكل مع سيارات زيرو
و ان تتأكد يقيينا بأن هذا العيب قد انتهي و ان تأخذ من التوكيل ما يفيد ذلك كتابيا و ما تم اصلاحه و يثبت فيه عداد الكيلو متر وقت اكتشاف الشكوي و ان تعرف ان كل السيارات فعلا بتكون هناك نسبة لا تتعدي ال 1 في الالف بتحدث فيها مشاكل قاسية و للاسف كانت من نصيب حضرتك و تعلم انها ابتلاء و تكون مقتنع فعلا بأن التوكيل قد عالج هذا الخلل و تكون ايضا عندك القدرة علي ان تقنع نفسك بأن السيارة الزيرو قبل ان تشاهدها بهذا الشكل هي بتكون ايضا مفككة هكذا و هذا بيلحم هنا و هذا بيفك هناك و هذا بيظبط و هذا بيتلف منه جزء و بيجيب اخر لتركيبه و كل ده اما تحت ايد بشر او ( انسان اللي ) يتحكم فيه ايضا بشر
ده طبعا الحل الاول و هو راجع لك اولا و اخيرا و ارجو ان تستخير
2- الحل التاني هو الاتي
حضرتك سوف تحضر فاتورة شراء السيارة و صورة من رخصتها و تكتب الموضوع كله كما حدث في حوالي ما لا يزيد عن ورقتين و كما قالو لك و كما فعلو بالسيارة من اول الحكاية حتي نهايتها مع شرح كامل لموضوع العدادات ده و تتصل علي الخط الساخن لجهاز حماية المستهلك و تعرض عليهم المشكلة فيعطوك رقم للشكوي الخاصة بك و رقم الفاكس الخاص بهم و اسم مستقبل الشكوي و سوف يطلب منك ارسال ما سبق ان قلته لك و بعد فترة سوف يتصلو هم بك و يقولو لك انهم اتصلو بالتوكيل و عرضو عليه المشكلة و جاء الرد كالتالي
أ- اما الوكيل لا قدر الله ينكر الحكاية برمتها ( لا قدر الله ) و يقول ان هذا كان سوء قيادة من العميل و تم اصلاح العيب و ان شاء الله لا اظن ابدا ان يحدث هذا و حتي لو حدثت فدي لها حسابات اخري ليس مجالها
لاني ان شاء الله مستبعد ذلك بالكلية
ب- و اما انهم يقرو بما جاء في الشكوي و هذا ان شاء الله ما سيحدث و يكون ردهم ان السيارة في الضمان و ان الوكيل وظيفته ان يضمن اي عيب يحدث فيها و يغيره و يستبدله و يعيد الشئ لاصله و ان هذا بالضبط ما حدث معك كعميل بأنهم بالكشف عن مصدر الزيت اخبروك بأن سببه كذا و انهم سوف يقومون بتغييره علي حسابهم و انك وافقت و انهم قامو بعمل اللازم و تم حل المشكلة و ان السيارة الان بحالة ممتازة
و الحكاية دي بتستغرق حوالي اسبوعين يعني في ارسال الشكوي و رد الوكيل
فسوف يسألك وقتها مندوب الحماية عن رأيك في هذا الرد من جانبهم
فأنت سترفضه طبعا
كما رفضت انا رد شركة دايهاتسو
و سيخبرك الاخ الفاضل بأنه سوف يصعد الموضوع للعرض علي لجنة و تأخذ دور و هذه المرحلة بتأخذ من اسبوعين الي تلاتة
فتذهب للعرض علي اللجنة و تحكي لهم الموضوع و بيكون هما قد اخبرو التوكيل بميعاد اللجنة لكي يرسل من طرفه ممثلين للرد و اتخاذ القرار امام اللجنة
و لسوف يسألك اعضاء اللجنة بعد عرضك للمشكلة و بعد ان يقر بها مندوب الشركة او مندوب الوكيل الحاضر امامك
( ما هي طلباتك )
فأنت ستقول (( اغير العربية )) يعني استبدلها بأخري غير معيبة
و هنا تبتدي بقي المفاوضات و يبدأ الخلاف و الاخد و العطاء و اما يفلح الكلام ( يا رب طبعا من اول مرة ) يا اما بيحدث عدم اتفاق و هذا هو المعتاد و الا كان من الاول لو عندهم النية للتخليص
و بيتم تصعيد المشكلة للعرض علي لجنة ( فنية ) في كلية الهندسة و تدفع لها رسوم اظن 2000 جنية و تكتب هذه اللجنة تقرير و ترفع به حضرتك و جهاز حماية المستهلك قضية علي الشركة المصنعة او التوكيل و طبعا انا لم امر بهذه التجربة و لكن من السمع و انا هناك علمت ان الحكاية دي بتاخد مش اقل من ( سنة ) كمان يعني بنكون دخلنلنا في سنة و شهرين مثلا
و طبعا في الاخر لا نعرف ماذا سيكون الحكم لان هذه الشركات بتكون معها شئون قانونية جامين و بيكون حكاية تغيير التالف ( دي مطاطة اوي ) يعني بيقولو للجنة امال احنا عاملين ضمان ليه سنة او 3 مش علشان الحاجات اللي العربية بتتكون منها بتبوظ و بتضرب و لها عمر افتراضي فنحن بنضمن ان اي قطعة في السيارة يحدث لها اي عطل يتم تغييرها فورا بدون تحميل العميل لاي مصاريف و لو ان الضمان انتهي مش العميل بيأتي الينا لكي يدفع فلوس ليغير هذه القطعة او تلك (( هذا بالطبع رد شركات السيارات و الوكلاء حين يتم رفع قضايا عليهم في موضوع تغيير قطع غيار اي شئ ) مثل (( ماتور - فتيس - ضفيرة - فيوز - فانوس - فرش - اي شئ )
انا اسف اني طولت عليك و لكن لاني عارف انت اد ايه تعبان و حاسس بيك جدا فلهذا كتبت لك ما يحدث في مثل هذه الامور لاني مجرب
عموما لو حضرتك حابب تكمل في موضوع حماية المستهلك فأنا تحت امرك في اي استفسار من واقع تجربتي الشخصية معهم
و هذا رقم تليفوني يسعدني جدا اتصال حضرتك في اي وقت
و ربنا يوفقك لما فيه الخير
(( 01001963110 ))
و تحياتي اليك

م.حاتم السباعي

---

المهندس حاتم السباعى
انت جبت من الآخر مع احترامى وتقديرى لكل الردود
وخصوصا ان انت مريت قبل كده بتجربة مشابهه
لازم نعترف ان فيه نسبة 1 فى الالف لمنتج معيب فى افضل شركات السيارات
المهم تصرف التوكيل ايه , واعتقد ان فى حالتنا التصرف سليم ومحترم
الاهم من كده ان دور جهاز حماية المستهلك بيكون فى حالة تكرار نفس العيب مرة اخرى بعد اصلاحة , وفى الحالة دى يبقى فيه عيب فنى مزمن فى السيارة قد يتطلب تغييرها .

انا رايي ان العربيه دى تتغير و هما يبقوا يفكوها و لا يصلحوا فيها بعيد عن حضرتك و انت ذنبك ايه فى المشاكل دى وواضح انها مشكله فى العربيه دى تحديدا و المفروض كل واحد يتحمل خطؤه و لا اعتقد ان اليابانيين و لا الانجليز هيرضوا بحاجه زى دى علشان الناس دى بتحترم المستهلك و حقوقه فحاول حضرتك تتواصل معاهم

أولاً قدر الله وما شاء فعل......و ثانياً الف مبروك على التصليح.

ثالثاً بقى و ده الأهم........شروط ضمان العربية أياً كان نوعها أيه أن طالما العيب قابل للإصلاح يبقى يتصلح.....و مفيش تغيير غير لما يكون العيب غير قابل للإصلاح.

اللى كان ممكن التوكيل يعمله فى حالة زى كده لو العربية أخدت أكتر من يوم فى التصليح أنهم يدولك عربية بديلة لمدة فترة التصليح.

لا حول ولا قوة إلا بالله...مش عارف اقو لك ايه بصراحة..بس فعلا اي حد مكانك كان عملهم مصيبة وخرج بعربية جديدة..لكن احنا لسه فيها..عليك وعلى حقوق المستهلك..انا اعرف واحد محامي اتعرض لموقف زي دا رفع عليهم قضية نصب، بس طبعا دا موضوع حباله كتيييير..ما ضاع حق ورائه مطالب..المهم انت ضميرك يرحيك فيما تنوي ان تفعل حتى لو كان قرارك إنك تكبر دماغك..واعذروا تدخلي في قسمكم..بس بصراحة الموضوع استفزني