عرض للطباعة
السلام عليكم ,
يوجد عندى والدى الباركيه القديم بتاع زمان بس متبهدل ولونه وحش وفيه سواد وشويه منه مفكوك
فعايزين نجدده ونغير لونه "درجه اللون " ويبقى لونه ذى الالوان الجديده بتاعه hdf
ياترى فيه امكانيه فعلا اننا تغير درجه اللون ؟؟
طب ممكن اعمل انا الموضوع بنفسى ؟ ايه الخامات اللى هاحتاجاها
لو الموضوع صعب جدا انى اعمله بنفسى ياريت لو حد يعرف حد كويس ومتخصص فى الباركيه يكشطه ونغير اللون ويتلمع يقولى على بياناته وبيعمل بكام المتر
الف الف شكرا مقدما
هو صعب انك تعمله لأنك حتحاج الماكينه اللى بتكشط بيها ودى محتاجه فنى يقدر يضبط الباركيه كله على نفس الدرجه وبرضه فى حكاية ضبط اللون بتاعه بس مش حقدر افيدك عند مين او السعر بس شارع مكرم عبيد وشارع مصطفى النحاس فى مدينة نصر فيهم كذا محل للباركيه ممكن تاخد فكره من عندهم
شكرا يا باشا ... هاروحلهم واشوف ايه النظام .. شكرا
انزل التوفقية خلف مطعم أخر ساعة (فى وسط البلد)
ده مركز صنايعية الباركيه
انت محتاج تقشط الخشب بماكينة القشط وده لازم صنايعى ، لايمكن هتعرف تعملها لوحدك ولا هتعرف تشيل الماكينة اساسا
لانها ماكينة كبيرة وبيشلها اتنين
ده هترجع الخشب ابيض زى ما يكون لسه متركب وناعم
وبعد كده يجى دور الدهان ويفضل برده صنايعى الباركيه هو اللى يدهنه لان النقاش هيتعامل مع الخشب زى ما يتعامل مع الحيطة
هتنزل العتبة او اى محل بويات كبير هتلاقى ورنيش دهان الخشب الباركيه انواع والوان مختلفة تختار اللى يعجبك ( فيه الشفاف اللى بيظهر ثمرة الخشب ) وفيه الاحمر والبنى الخشبي وهكذا\
وتجيب مادة للبطانة تدهن قبل الورنيش اسمها سيلر
وان شاء الله الباركيه يرجع زى الجديد بالظبط
متعرفش انا بعز الباركيه قد ايه
لأ ما واضح انك بتعزه اوى :)
طب ماتعرفش صنايعى ثقه يعملى الباركيه كله , ومتعرفش بيعمل المتر بكام ؟
و والله انا اتبسط فى موضوع تغيير اللون ب اكيد فى انواع وخامات متعرفش اى احسن حاجة ؟