يا رب سترك ,,, افيدوني افادكم الله تعالي

السلام عليكم ورحمه الله وبركاته
انا اسف اني بتقل عليكم بمشكلة وقعت فيها ومحتاج دعائكم ربنا يسترها معايا ويا ريت تفيدوني بخبراتكم وتشوروا عليا اتصرف ازاي
في ال18 يوم بتوع الثورة كنت بنزل مع الناس باليل ,وفي واحد (كان مظهرة بسيط ساكن في مكان متواضع جدا ) من اللي كانوا بيقفوا معانا حفظ شكلي وأبتدي بعدها بفترة يطلب مني فلوس بحجة انه عيان ومش معاه فلوس العلاج , وبما اني بشهادة كل اللي يعرفوني طيب واهبل صدقتة واديتة فلوس ,طلبات الفلوس زادت وانا كنت ساعات بطنشة لاني مابقتش مستريحلة , و بعد كدة الموضوع اتطور و بقي يطلع يخبط عليا وعايز فلوس , قمت نزلت اخيرا و عملت اللي كان المفروض اعمله من زمان وسألت علية , طلع مدمن ومسجل خطر ,,, من ساعت ما عرفت وانا متاخد ومش عارف اتصرف ازاي؟ و ع فكرة انا رصيد خبراتي الأنسانية ضعيف جدا ومش بعرف اتعامل مع الناس ,,وبقيت دلوقتي خايف لما ارفض اديلة بعد كدة يأذيني انا او حد من أسرتي ,, يا رب سترك

انت غلطان وش

اقتباس:

---

المشاركة الأصلية كتبت بواسطة screenplays

انت غلطان وش

---

اكيد غلطان انا بس متعشم في ستر ربنا ,ولو ممكن تسعدوني وتقلولي اتصرف ازاي اكون شاكر جدا

ابتدي معاه بالتدريج
ماتقطعش معاه مره واحده
لان التصرف ده ممكن يخليه يتهور ويفكر في حاجه غلط
لان المسجلين ممكن يعملوا اي حاجه اي حاجه ممكن تخطر او ماتخطرش علي بالك
يعني من 50 لي 40 ل30 ل20 ل10 لمفيش خالص
وكل مره
اشتكي من الظروف والشغل والدنيا والمصاريف
يعني من الاخر تصعب عليه وتخليه يطلع اللي في جيبه ويدهولك
وماتحاولش تكون عنيف معاه
انما كله بهدوء وابتسامه

عادي خالص
قوله متجيش تخبط عليا تاني ولا تطلب مني فلوس
ولما تشوفني متكلمنيش
كانت فلوس زكاه وخلصت خلاص
ولو بلطج قوله لو جيت تاني حتصل بالبوليس

اخواني الكرام SHNORY& hugan
الف شكرا ع اهتمامكم وردكم ,,, لا أراكم الله تعالي مكروة في عزيز لديكم

قوله مش معايا فلوس خالص وانا مزنوق وعندي مشاكل لو معاك انت فلوس سلف سلفني

قوله مش معايا فلوس حاليا وقوله دا انا كنت عايز استلف منك بس الاهم انك تمنعه من انه يجى البيت ولو مسجبش بالهدوء يبق بالرخامه والقوه

أخى الفاضل جزاك الله كل خير وأعلم أن صنائع المعروف تقى مصارع السوء وليس العكس
فكن مطمئن البال هادىء النفس وأعلم انك طالما صدقت الله عز وجل فى صدقتك فلن يضيعك

ولكن حبيبنا وقرة أعيننا المصطفى صلى الله عليه وسلم قال"المؤمن القوى خير وأحب إلى الله من المؤمن الضعيف"
ولاأن المال من المصالح المرسله التى أوصانا ديننا بالحفاظ عليها فيجب عليك أن تعمل جاهداً للحفاظ على مالك فضلاً عن نفسك وأهلك
ولذلك وجب عليك أن تكون مؤمناً قوياً وتتصدى بكل ما أوتيت من قوه لمثل هؤلاء الذين لايراعون شيئاً فى معاملاتهم
وإن اردت أن تلجأ إلى أقسام الشرطه فبها ونعمه وإلا أن تتصدى له بنفسك
وإن لم تجد حلاً فأتمنى أن تراسلنى على الخاص.....والله المستعان

اخواني الكرام انا متشكر جدا ع وقتكم ومجهودكم لمساعدتي
الف شكر استاذ هيثم و استاذ رامبو واستاذ احمد
انا بحاول اطمن نفسي بس مش عارف , ويدوبك نمتلي ساعتين بالعافية
اللهم رحمتك ارجو فلا تكلني الي نفسي طرفة عين , واصلح لي شأني كله, لا إله إلا أنت

نبرة الخوف الي في كلام حضرتك دي هي اللي مقوياة عليك و اعتقد انه حاسس بيها علشان كده بيطلب منك بقلب قوي و هو واثق انك خايف منه

أنا لو في مكانك و ما قدرتش عليه فهأجر اللي يخليه يلعن اليوم اللي اتعرف فيه عليه
الدنيا ما بقتش زي الأول و الخوف هيجيب نتايج عكسية تماما
قوي قلبك و اضربه بالجذمة أول ما تشوفه و صدقني هو هينساك اول ما يعرف انك مش خايف منه

عشان تتقى شره ابدا معاه بالتدريج يعني قلل الفلوس على مراحل لغاية ماتوصل انك تقوله مش معايا والظروف والحوارات وحال البلد والكلام ده مرة على مرة مش هيفكر حتى يرمى السلام عليك بعد كده

اقتباس:

---

المشاركة الأصلية كتبت بواسطة dongol123

نبرة الخوف الي في كلام حضرتك دي هي اللي مقوياة عليك و اعتقد انه حاسس بيها علشان كده بيطلب منك بقلب قوي و هو واثق انك خايف منه

أنا لو في مكانك و ما قدرتش عليه فهأجر اللي يخليه يلعن اليوم اللي اتعرف فيه عليه
الدنيا ما بقتش زي الأول و الخوف هيجيب نتايج عكسية تماما
قوي قلبك و اضربه بالجذمة أول ما تشوفه و صدقني هو هينساك اول ما يعرف انك مش خايف منه

---

يا ريني اعرف اعمل ربع اللي قولت علية , خليني اكون صريح معاك واقولك اني هافية مع الأسف من ايام المدرسة وزمايلي بيستكردوني ,انا عمري ما عرفت اتعامل مع الناس , وسهل اوي يضحك عليا , وعمري ما فكرت ان اتجوز لأني عارف اني مش حعرف احمي بيتي ,,, اسف ع التفاصيل المملة دي شكرا ع ردك واهتمامك

اقتباس:

---

المشاركة الأصلية كتبت بواسطة المنسي

عشان تتقى شره ابدا معاه بالتدريج يعني قلل الفلوس على مراحل لغاية ماتوصل انك تقوله مش معايا والظروف والحوارات وحال البلد والكلام ده مرة على مرة مش هيفكر حتى يرمى السلام عليك بعد كده

---

ربنا يكرمك انا متشكر جدا ع ردك ومساعدتك ,,,مفيش قدامي حاجة تانية اعملها غير اللي قولتلي علية,,و يا رب الكلام دة يجيب معاه نتيجه

انا عايز اشكركم انكم ادتوني الفرصة اني اتكلم معاكم , وانكم استحملتوني وشاركتوني بخبراتكم , جزاكم الله تعالي كل الخير

يا سيدى الفاضل للمره الثانيه لايجب على الإطلاق أن تترك الأمور هكذا كن مؤمناً قوياً ولن يخذلك الله

واسمحلى أقولك حتى إن مت ستموت شهيداً بنص حديث المصطفى صلى الله عليه وسلم

حصلي نفس الموقف دا بالظبط وكنت ساعتها زي حضرتك كدا بتعامل بطيبه لغاية لما كنت فى يوم جايب اخري من الدنيا واللي فيها جاللي يطلب مني فلوس رحت قالب عليه وشي وظرفتوا كلمتين حلويين من ساعتها يشفني يخاف , لو تقدر تقلب وشك عليه وتبلطج انت عليه صدقني حيشوفك حيخاف منك , لو متقدرش يبقي عليك وعلي القسم اللي زي دول بيخافوا من الشرطة اوي .

بصوا يا جماعه
الراجل قال انه ميقدرش يتخانق معاه لانه شخص مسالم ملهوش في قله الادب
بص يا باشا
هو لما يطلب منك فلوس
قوله دا مفيش شغل والحال متنيل وواخد شقه مطلعه عيني مصاريف
وسالف من طوب الارض
لو قالك اديني اي حاجه
قوله حجيبلك منين دا انا عاوز اللي يديني
دا انا عاوز اجيب جزمه جديده ومش عارف
العيال دي بتبقي رامياها علي اللي فكرهم انه طيب ومعاه فلوس
كل ما يجيلك اعمله شهاده فقر حتي لو الفلوس في ايدك
اللي قولتهولك ده كان جزء من حوار بيني وبين اتنين بلطجيه كانو عاوزين ياخدوا مني اتاوه
من المحل
وانا عندي الف طريقه للتصرف بس قولت اخدهم براحه الاول فهموا فهموا
لو مفهموش مفيش بد من قله الادب
ولو ضربت واحد فيهم بالنار ملهوش ديه اصلا
جولي مرتين لنفس الحوار
ومن ضمن الكلام مش حسرق علشان اديلكم فلوس
وانا مبدفعش اتاوه لحد
وفي الاخر اعتذروا وقالوا انهم كانو مبرشمين وميقصدوش يعملوا كده معايا
مش عيب انك تكون طيب
العيب علي الناس الزباله الي بتستحل مال الغير

بصراحة انا اتضايقت من كلامك

الأعتدال والوسسطية احسن الحلول
لا تكن صلب حتي تكسر ، ولا يكن لينا حتي تعصر

كلمه بالهداوة بس كلام حاسم وقاطع

لو قولتله ان الحالة ج
دة معناه انك عندك النية والمانع انك مش معاك فلوس
وبالتالي هيستني للأول الشهر ويجيلك تاني

لكن الكلام يكون حاسم بالهدوء انك مش هتديله لأنك عندك التزامات اولي منه وانك ماخلفتوش ونسيته

ربنا يوفقك

بس ماينفعش بصراحة الكلام الي انت قولته دة

والله المستعان
،
،

ماتوصلش ان حضرتك خايف تتجوز عشان مش هتعرف تحمي بيتك !!!!!!!!!!!!!!!!!!!!!!!!!!!!!!!!!!!!!!!!!!!!!
بص حضرتك انا هقولك كلام والله العظيم مش قصدي منه تريقه

انزل العب جيم كام شهر كدا هتلاقي نفسك بتتعامل من وحوش بيسلمو علي بعض بالبونيه وعاش يا جامد .. عشت يا كوتش والجو اللذيذ دا :d
اولا : لعب الجيم هيديك ثقه في نفسك اوي
ثانيا : هيخليك تتعامل معامله ناشفه مع البني آدمين بطبيعه اللعبه
هتقولي مافيش صحه ولا سني كبير والكلام دا.. هقولك العب علي قدك وهيبقي فيه صحه وكل حاجه
...
الكلام دا عن تجربه انا بلعب جيم من صغري وبقيت جاحد مع البني ادمين :)
كنت طيب اوي وانا في اعدادي وكل ما العب كورة يتريقو عليا ويخرجوني عافيه وكنت بخاف اتخانق
ف ربنا الهمني اني العب جيم ويبقي فيه حاجه ليا فيها .. ادتني ثقه في نفسي وبقي ليا مكان وسط الناس
ولما بخرج من التمرين بيبقي فيا كميه ثقه بتخليني حاسس ان الدنيا مافهاش حد اجمد مني
دلوقتي انا بطلت وجسمي نزل عشان بقالي فترة مشغول بمشروع التخرج بتاعي وبشغلي.. بس لسه جاحد زي مانا هههههههه
علي الاقل الرياضه دي هتعرفك علي ناس جديده وهتبقي اجتماعي اكتر لاني حاسس ان حضرتك انطوائي شويه
ياريت تاخد كلامي علي انه من اخ صغير ليك ( 21 سنه) مش قصدي بيه اي حاجه غير النصيحه

كلمه بسرعه دلوقتي و اطلب منه فلوس و ان عليك فلوس مش عارف تتصرف فيها و اطلب منه يحاول يتصرفلك بأي شكل عشان انت داخل على مرحله منيله و هتروح في داهيه بسبب الفلوس اللى عليك دي !!!

والله يا جماعة ربنا بعتكوا ليا هدية "الحمد لله" ,,انا لساني معقود ويعجز عن شكركم ع اهتمامكم ,ان شاء الله اكون حاسم معاه وهادئ ونفس الوقت , واقولة ان انا كمان ظروفي صعبة , ادعولي ربنا يثبتني , الحمد لله انا بفضل الله وتشجعكم نفسيتي اتحسنت شوية وبجهز نفسي للمواجهه المقبلة معاه وبأذن الله اعمل بكلامكم

انا هاقول لحضرتك
زوجي كان له زميل دراسة كان والده جزار
وكان حالتهم المادية مرتفعة جدا
والده توفي رغم انه جوزهم كلهم و كان فاتح لهم بيوتهم هوا واخواته
بعد ما ابوه مات اتقسم الورث وطبعا مصدر الرزق بتاعه وقف
بدأ يروح لجوزي بيت والدته يطلب منه فلوس
وبعدين بدا يروحله شغله
طبعا فضيحة في الشغل
شكله كان باين انه مدمن اي حاجة
كان الاول بيديله .. وبعدين بقى يقول له معيش الا كذا طبعا مبلغ اقل من اللي طالبه بكتير
وبعدين بقى يقول له معيش لسة دافع مصاؤيف المدارس
لسة ما قبضتش
لسة واحد سالفهم منى
وهكذا
انت درج الموضوع بالشكل دة هيبدأ يبعد وقول له ما تجيش البيت تاني
ما يصحش
وكلام من دة

بصراحه متابع الموضوع عن كثب وأتمنى إن حضرتك تاخد موقف

لازم يبقي فيه حل جزري للمشكله اللي عندك ..
انا شايف الحل في التعليق ده ..

اقتباس:

---

المشاركة الأصلية كتبت بواسطة amrgamal1

ماتوصلش ان حضرتك خايف تتجوز عشان مش هتعرف تحمي بيتك !!!!!!!!!!!!!!!!!!!!!!!!!!!!!!!!!!!!!!!!!!!!!
بص حضرتك انا هقولك كلام والله العظيم مش قصدي منه تريقه

انزل العب جيم كام شهر كدا هتلاقي نفسك بتتعامل من وحوش بيسلمو علي بعض بالبونيه وعاش يا جامد .. عشت يا كوتش والجو اللذيذ دا :d
اولا : لعب الجيم هيديك ثقه في نفسك اوي
ثانيا : هيخليك تتعامل معامله ناشفه مع البني آدمين بطبيعه اللعبه
هتقولي مافيش صحه ولا سني كبير والكلام دا.. هقولك العب علي قدك وهيبقي فيه صحه وكل حاجه
...
الكلام دا عن تجربه انا بلعب جيم من صغري وبقيت جاحد مع البني ادمين :)
كنت طيب اوي وانا في اعدادي وكل ما العب كورة يتريقو عليا ويخرجوني عافيه وكنت بخاف اتخانق
ف ربنا الهمني اني العب جيم ويبقي فيه حاجه ليا فيها .. ادتني ثقه في نفسي وبقي ليا مكان وسط الناس
ولما بخرج من التمرين بيبقي فيا كميه ثقه بتخليني حاسس ان الدنيا مافهاش حد اجمد مني
دلوقتي انا بطلت وجسمي نزل عشان بقالي فترة مشغول بمشروع التخرج بتاعي وبشغلي.. بس لسه جاحد زي مانا هههههههه
علي الاقل الرياضه دي هتعرفك علي ناس جديده وهتبقي اجتماعي اكتر لاني حاسس ان حضرتك انطوائي شويه
ياريت تاخد كلامي علي انه من اخ صغير ليك ( 21 سنه) مش قصدي بيه اي حاجه غير النصيحه

---

اقتباس:

---

المشاركة الأصلية كتبت بواسطة amrgamal1

ماتوصلش ان حضرتك خايف تتجوز عشان مش هتعرف تحمي بيتك !!!!!!!!!!!!!!!!!!!!!!!!!!!!!!!!!!!!!!!!!!!!!
بص حضرتك انا هقولك كلام والله العظيم مش قصدي منه تريقه

انزل العب جيم كام شهر كدا هتلاقي نفسك بتتعامل من وحوش بيسلمو علي بعض بالبونيه وعاش يا جامد .. عشت يا كوتش والجو اللذيذ دا :d
اولا : لعب الجيم هيديك ثقه في نفسك اوي
ثانيا : هيخليك تتعامل معامله ناشفه مع البني آدمين بطبيعه اللعبه
هتقولي مافيش صحه ولا سني كبير والكلام دا.. هقولك العب علي قدك وهيبقي فيه صحه وكل حاجه
...
الكلام دا عن تجربه انا بلعب جيم من صغري وبقيت جاحد مع البني ادمين :)
كنت طيب اوي وانا في اعدادي وكل ما العب كورة يتريقو عليا ويخرجوني عافيه وكنت بخاف اتخانق
ف ربنا الهمني اني العب جيم ويبقي فيه حاجه ليا فيها .. ادتني ثقه في نفسي وبقي ليا مكان وسط الناس
ولما بخرج من التمرين بيبقي فيا كميه ثقه بتخليني حاسس ان الدنيا مافهاش حد اجمد مني
دلوقتي انا بطلت وجسمي نزل عشان بقالي فترة مشغول بمشروع التخرج بتاعي وبشغلي.. بس لسه جاحد زي مانا هههههههه
علي الاقل الرياضه دي هتعرفك علي ناس جديده وهتبقي اجتماعي اكتر لاني حاسس ان حضرتك انطوائي شويه
ياريت تاخد كلامي علي انه من اخ صغير ليك ( 21 سنه) مش قصدي بيه اي حاجه غير النصيحه

---

ربنا يكرمك يا رب ,,بالنسبة لموضوع الأنطوائية ..فأنا فعلا انطوائي جدا لدرجة ان اخر 8 شهور كنت يدوبك بنزل اجيب حاجات البيت بس , وع طول قافل الموبايل , كنت أبتديت اشتغل عن طريق النت رغم ان المكسب المادي للموضوع دة كان لا يتعدي 15% من راتبي ايام ما كنت بشتغل في شركة , بس كنت راضي به الحمد لله لمجرد انه حيبعدني عن الناس , ومافتكرش اني بعدت عن البيت مسافة كيلو الفترة اللي فاتت, أنا مش حقولك اني اقدر انفذ كلامك بخصوص الجيم , أنما ابتديت الحمد لله انفذ كلامك بطريقة تانية , بعد موضوع المدمن اللي جه يطلب مني فلوس دة , كانت قاعد في البيت مفيش في دماغي غير التفكير في الموضوع دة ,فقولت اهلك نفسي شغل عشان ابعد تفكيري بزيادة عن الموضوع دة ,حتي لو حشتغل ببلاش , لمجرد اني احاول اندمج مع ناس واتكلم معاهم , فقبلت الحمد لله بشغلانه بسيطة لفترة محدودة لمجرد انها حتخرني من البيت و احاول من خلالها كسر الرهبة من التعامل مع الناس , انا شاكر لك مساعدتك و اهتمامك جزاك الله تعالي خيرا

اقتباس:

---

المشاركة الأصلية كتبت بواسطة nonetta

انا هاقول لحضرتك
زوجي كان له زميل دراسة كان والده جزار
وكان حالتهم المادية مرتفعة جدا
والده توفي رغم انه جوزهم كلهم و كان فاتح لهم بيوتهم هوا واخواته
بعد ما ابوه مات اتقسم الورث وطبعا مصدر الرزق بتاعه وقف
بدأ يروح لجوزي بيت والدته يطلب منه فلوس
وبعدين بدا يروحله شغله
طبعا فضيحة في الشغل
شكله كان باين انه مدمن اي حاجة
كان الاول بيديله .. وبعدين بقى يقول له معيش الا كذا طبعا مبلغ اقل من اللي طالبه بكتير
وبعدين بقى يقول له معيش لسة دافع مصاؤيف المدارس
لسة ما قبضتش
لسة واحد سالفهم منى
وهكذا
انت درج الموضوع بالشكل دة هيبدأ يبعد وقول له ما تجيش البيت تاني
ما يصحش
وكلام من دة

---

شاكر لحضرتك جدا المشاركة بالتجربة دي , وبأذن الله ابتدي ادرج الموضوع معاه زي ما حضرتك قولتي

اقتباس:

---

المشاركة الأصلية كتبت بواسطة هيثم المنياوى

بصراحه متابع الموضوع عن كثب وأتمنى إن حضرتك تاخد موقف

---

متشكر جدا لاهتمامك استاذ هيثم , وأسف جدا اني تقلت عليكم بمشكلتي , جزاك الله تعالي كل الخير


انا متشكر لحضراتكم جميعا ع ردودكم و اهتمامكم جزاكم الله تعالي كل خير .. لا أراكم الله تعالي مكروة في عزيز لديكم

أنا اسف جدا اني مقدرتش رد ع جميع الردود .. انا قرأتها كلها بأهتمام , وطبعا مفيش كلام يوفيكم حقكم , جزاكم الله تعالي كل خير

بصراحة مفيش حاجة اقولها بعد اللي اتقال في الردود , ربنا مع حضرتك ان شاء الله ولازم تخرج وتتعامل مع الناس وباذن الله الرهبة هتروح وهتلاقي نفسك بتكره الوحدة بعد كده

قوله مفيش فلوس ولو جيت هنا تاني حكسر دماغك
صدقني النوع ده ماتخافش منه
دول بيبقه خوافين وحاول تبينله ان انت قتال قتله وانك لسه ماسك واحد فارمه من ساعتين في الشارع

متخفش منه و تربى الخوف جواك منه

لو تعرف سكنه روحله و قوله انا وقعت فى ازمة و بتاع و حكيله قصة و قوله انا طول عمرى شيلك و بديك و اطلب منه اى فلوس وصر فى الطلب هتلاقيه هو اللى بيقطع العلاقة و مش بعيد يطردك :)

السلام عليكم
طبعا الاخوه الاعضاء ردو بما فيه الكفايه وهيكون ردي من ردودهم
وانا بكلمك بعد اكتر من تجربه مشابهه لموضوعك
للاسف اغلبيه الناس بتستسهل الاستنطاع وتلقيح الجتت
انت مفيش ادامك غير حاله من 3
الاولي انك تستمر تدفعله مع ملاحظه ان كل شويه المبلغ هيزيد او الفترات الزمنيه هتكون متقاربه
الثانيه انك ترفض تديله مره والتانيه وفي الحاله دي هيزيد من تكرار الطلب وانت تستمر في الرفض لغايه متستجيب ليه وفي الحاله دي هيبقي من المستحيل انك تمنعه
الحاله الاخير انك تاخد القرار وده الصح ومهما طلب منك والح في السؤال اياك واياك تديه
حتي لوشفته بعد سنه او عشره
طبعا كون ان انت تقول لا دي ازاي حسب طبيعه شخصيتك ولاخوه الاعضاء قالو اكتر من طريقه واسلوب
نصيحه اخيره ربنا اداك نعمه الحياه عيش واستمتع بالدنيا ومتحسش انك ضعيف او انك هفيه خليك واثقك من نفسك ربنا زي ماخلق النسر والصقر خلق برضه العصفور
والبحر زي مافيه حيتان في سمك صغير القوه مش بالصوت العالي ولا العضلات ولا البلطجه
القوه بالعقل ولو حبيت اديك امثله من هنخلص
انت اكيد ليك دور في الحياه ....
اللهم اني اسالك العفو والعافيه في ديني ودنياي

مش هينفع معاه اللا الحل بتاع maka
وبإلحاح زي مكان بيعمل معاك
وكذا مرة

ده هيجيب من الآخر

ومتخليش حد يعرف شخصيتك خلاص مهما كان قريب
لحد ماتتعلم من اللي حواليك

يا فندم مع احترامى انت مشكلتك مش الواد ده انت لازم تروح لطبيب نفسى. كويس علشان يعالجك وتخف وتعيش زى مخاليق ربنا
ييافندم انا بحترمك وبشفق عليك بس انت مريض ولازم تتعالج

اقتباس:

---

المشاركة الأصلية كتبت بواسطة hussein

يا فندم مع احترامى انت مشكلتك مش الواد ده انت لازم تروح لطبيب نفسى. كويس علشان يعالجك وتخف وتعيش زى مخاليق ربنا
ييافندم انا بحترمك وبشفق عليك بس انت مريض ولازم تتعالج

---

الأخ الفاضل حضرتك كدا أتكلمت كلام علمى ومنطقى
وبصراحه لإن الموضوع ده شاغلنى على الأخر كنت لسه بفكر وكنت هكتب نفس كلام حضرتك بالضبط ولسمحتلى أزيد عليه إن المشكله مش فى الواد البلطجى اللى بياخد الفلوس المشكله عند أخينا الحبيب صاحب الموضوع لإن البلطجى ده لومشى من السهل يجى غيره

أتمنى إن حضرتك تستجيب لموضوع الطيبب النفسى وتكسر حاجز الجهل اللى عندنا بالنسبة لموضوع الأطبار النفسيين وقبل كل شىء تستعين بالله عز وجل"فمن يؤمن بربه فلايخاف بخساً ولارهقاً"
ولعلم حضرتك انا أوقات كتيييير بكون مستنى يكون عندى وقت علشان أروح لطبيب نفسى يمكن فى حاجه غلط وأنا مش واخد بالى منها بل إن أحياناً بعمل إختبارات صحه نفسيه من اللى بتكون موجوده على النت

وأظن إننا ممكن نلاقى طبيب نفسى يكون زميل لينا فى المنتدى ويساعدنا فى الموضوع ده
بس حضرتك توافق الأول
والله المستعان..ولاشكر على واجب إحنا كلنا تحت أمر حضرتك ونتمنى نخدمك

ياريت تعتبرنا اخواتك ...ويكون الموضوع ده حافز ليك للتغيير ..ومن خلاله نتابع اخبارك ...
ومش عيب انك تعترف انك عندك مشكله ولازم تتعالج منها ..انما العيب انك تفضل كده علي طول

اقتباس:

---

المشاركة الأصلية كتبت بواسطة hussein

يا فندم مع احترامى انت مشكلتك مش الواد ده انت لازم تروح لطبيب نفسى. كويس علشان يعالجك وتخف وتعيش زى مخاليق ربنا
ييافندم انا بحترمك وبشفق عليك بس انت مريض ولازم تتعالج

---

اقتباس:

---

المشاركة الأصلية كتبت بواسطة هيثم المنياوى

الأخ الفاضل حضرتك كدا أتكلمت كلام علمى ومنطقى
وبصراحه لإن الموضوع ده شاغلنى على الأخر كنت لسه بفكر وكنت هكتب نفس كلام حضرتك بالضبط ولسمحتلى أزيد عليه إن المشكله مش فى الواد البلطجى اللى بياخد الفلوس المشكله عند أخينا الحبيب صاحب الموضوع لإن البلطجى ده لومشى من السهل يجى غيره

أتمنى إن حضرتك تستجيب لموضوع الطيبب النفسى وتكسر حاجز الجهل اللى عندنا بالنسبة لموضوع الأطبار النفسيين وقبل كل شىء تستعين بالله عز وجل"فمن يؤمن بربه فلايخاف بخساً ولارهقاً"
ولعلم حضرتك انا أوقات كتيييير بكون مستنى يكون عندى وقت علشان أروح لطبيب نفسى يمكن فى حاجه غلط وأنا مش واخد بالى منها بل إن أحياناً بعمل إختبارات صحه نفسيه من اللى بتكون موجوده على النت

وأظن إننا ممكن نلاقى طبيب نفسى يكون زميل لينا فى المنتدى ويساعدنا فى الموضوع ده
بس حضرتك توافق الأول
والله المستعان..ولاشكر على واجب إحنا كلنا تحت أمر حضرتك ونتمنى نخدمك

---

اقتباس:

---

المشاركة الأصلية كتبت بواسطة casperinoo

ياريت تعتبرنا اخواتك ...ويكون الموضوع ده حافز ليك للتغيير ..ومن خلاله نتابع اخبارك ...
ومش عيب انك تعترف انك عندك مشكله ولازم تتعالج منها ..انما العيب انك تفضل كده علي طول

---

متشكر جدا اخواني الكرام جزاكم الله تعالي كل خير .. بالنسبة لموضوع الدكتور النفسي فحضراتكم مش اول ناس تنصحني بالموضوع دة, انا اتقالي الموضوع دة كتير , وكتير حولوا يعلجوني من بعيد , ومن ضمن اسباب ابتعادي عن الناس اني بحس اني بتقل عليهم لما بلقيتهم بيتعبوا نفسهم عشان يحلولوي مشكلة ,, بحس اني ضيف تقيل وبيسبب المشاكل لكل اللي حولية , بس المشكلة جزورها عميقة جدا , يعني مثلا لما كان يجيلنا ضيوف كان عادي اني مرضاش اقعد معاهم , وكنت مرداش مثلا انزل الفسحة طول ايام اعدادي وثانوي , واخر رحلة طلعتها فترة الدراسة كانت في اولي اعدادي , ع فكرة انا 27 سنة فبلاش كلمه حضرتك بعد أذنكم :)

بجدد شكري لكم جميعا ع مساعدتكم واهتمامكم واسف مرة تانية اني بتقل عليكم , انا عارف كويس ان كل واحد فية اللي مكفية ,, وأبتديت خاف اني اكون ضيف تقيل

يا أخى الحبيب حضرتك مش متقل ولاحاجه احنا قمة سعادتنا اننا نساعدك وتحل مشكلتك إن شاء الله
وأتمنى إنك تلجأ لله عز وجل وتوافق اننا نشوفلك موضوع الدكتور ده وربناك سبحانه هييسر الأمور

فى إنتظار ردك الإيجابى علشان ناخد الخطوه اللى بعدها