تقرير تنظيف الدهان بالبوليش
انا عربيتي كان متغطية بالهبو لو واقف في الشمس وببص من الازاز مش شايف حاجه والازاز الخلفي كمان لان في ورشة دهان خشب فمبهدل العربيه لدرجة لو مشيت ايدك علي العربيه تحس انك بتمشيها علي رمل
جبنا ايه بقئ عشان ننضفحه
كيس قطن+جركن تنر+بولش +حاجه زي البولش مش فاكر اسمها ايه
الكلام دا بكام 28 جنيه
ها يا عم رمضان مين الي سعيد الحظ الي هيشتغل في عربيتي
قالي سعيد
قولتله احنا هنتريق من الاول ملها العربيه اخدها وامشي :7_6_5v[1]:
قالي لا هو اسمه سعيد:b02:
اطلقت عليه سعيد كبستو
مسك العربيه مسحها الاول بفوطه وبعدين مسكها بالبولش والماده التانيه الي زيها دي وفضل يدعك في العربيه وجاب سنفره 60 وعمل بيها الكبوت والسقف لانهم كانو خشنين جدا
ومسك العربيه غسلها كلها جوه وبرا
وكل ما يعمل حته وتدخل دماغي اديله سجاره ال ام احمر يشربها ويكمل
جينا للحساب :error404:
كام يا عم رمضان قالي خلي علينا يا غالي دانت ابوك وجدك حبيبي وحكالي مغامرات جدي والعربيات
خلص ها اؤمر قالي 50 جنيه قولتله اتفضل
واديت الواد دخانه 20 جنيه يعني الحوار كله صرفه 100 جنيه
بس العربيه رجعت كانها طلعه من الفرن بجد تسلم ايده