بسم الله الرحمن الرحيم
مساء الخير على كل اعضاء المنتدى
اتمنى الموضوع مايكونش اطرح هنا قبل كدا
مطلوب منكم كلكم تقولوا المطربين والممثلين ( العرب والاجانب) المفضلين عندكم وكمان الاسوء ودا المهم
عرض للطباعة
بسم الله الرحمن الرحيم
مساء الخير على كل اعضاء المنتدى
اتمنى الموضوع مايكونش اطرح هنا قبل كدا
مطلوب منكم كلكم تقولوا المطربين والممثلين ( العرب والاجانب) المفضلين عندكم وكمان الاسوء ودا المهم
وانا هبدا بنفسي
احسن ممثل عربي: عادل امام بس لما كبر بدا يبقى وحش
احسن ممثله عربيه: لا يوجد
احسن مطرب عربي:عمرودياب
اسوءمطرب عربي:تامر حسني
احسن ممثل اجنبي:ميل جيبسون وويل سميث
احسن ممثله اجنبيه: تشارليز ثيرون
المغنيين الاجانب: ماليش في الاغاني الجنبي
المطرب العربي الافضل بالنسبه لي ..
هاني شاكر أمير الغناء العربي و ده لانه ليه تاريخ طويل و بيغني من سنة 1970 و اتعامل مع اللي كتبوا و لحنوا لعبد الحليم و ورده و فايزه و نجاة و شاديه و كمان فيروز .. أنا وجدت ان هو الوحيد اللي يستاهل انه يتسمع ..
أفضل ممثل ...
هما كتير الحقيقه .. أحمد ذكي , عادل امام , محمود عبد العزيز , يسرا , و طبعا سيدة الشاشه العربيه فاتن حمامه قبلهم كلهم ..
أجنبي : أحسن مطرب
دوريس داي , فرانك سيناترا , جولي أندروز , ديبي رينولدس .. كلهم عندي زي بعض ...
أحسن ممثل ...
كلينت ايستوود , أنتوني كوين , الاتنين دول مالهومش حل .
السيئين كتار و لو ابتديت أقول فيهم مش هانخلص و أولهم تامر حسني بتاع لو وفقتي علي اديكي ده ... هما دول اللي جابو الفن ورا ...
تحياتي لكم جميعا .
الافضل:
محمد منير
فيروز
محمد صبحي
الاسوا:
تامر حسني عمرو دياب
نانسي عجرم هيفاءوهبي
مش مهم اكتب باقي الاختيارات
اهم حاجة اسوء مطرب و ممثل و كاتب اغاني و ملحن و نجار و مبيض محارة هو تامر حسني
اهو عصام كاريكا ده مصيبة تانية
شوفتوا البوستر بتاعه اللي بينزل في مجلة عربيتي ؟ هو عامل في نفسه كدة ليه !؟
للي مشافش البوستر .. هو لابس جلابية مغربي تقريبا و طربوش و مربي ذقنه علي خفيف و ماسك عود .. ايوة عصام كاريكا بتاع شنكوتي عامل كدة
بس برده تامر حسني هو الأسوأ