أسئلة بخصوص بعض الحركات في الفتيس الاوتوماتيك !!!

**Mohamed_Nafie** · 29-04-2012 10:27 PM

تخيل حضرتك ماشي على 70 على التالت وفجأة جبت الاول .. هيحصل ايه ؟؟

وبعدين لو حضرتك عال D1 ..مش هتوصل ل 70 عالاول حتى لو وصلت لل Red Line وهتتر تجيب D2 أو ترجع D تاني ...

**wisambasha** · 29-04-2012 11:39 PM

المشاركة الأصلية كتبت بواسطة Mohamed_Nafie

تخيل حضرتك ماشي على 70 على التالت وفجأة جبت الاول .. هيحصل ايه ؟؟

وبعدين لو حضرتك عال D1 ..مش هتوصل ل 70 عالاول حتى لو وصلت لل Red Line وهتتر تجيب D2 أو ترجع D تاني ...

وبعدييييين بقي !!!!

عروستي؟؟؟؟؟

**Dr'AhmZZong** · 30-04-2012 02:50 AM

متشكر قوي يا جماعة على الافادة ديه .. ربنا يجزيكم خيييييييير ..

بس أنا كده احترت اكتر في موضوع n و d و إنت ماشي !!!!!!!!!!

**Hondawy_2008** · 30-04-2012 05:23 AM

المشاركة الأصلية كتبت بواسطة mohamed_nafie

تخيل حضرتك ماشي على 70 على التالت وفجأة جبت الاول .. هيحصل ايه ؟؟

وبعدين لو حضرتك عال d1 ..مش هتوصل ل 70 عالاول حتى لو وصلت لل red line وهتتر تجيب d2 أو ترجع d تاني ...

طيب أنا هقولك على حاجة مرة كنت ماشي و جبت ال n و فضلت اهدي و دايس فرامل خفيف كنت عايز اقف فجأة غصب عني و أنا على سرعة 30 الفتيس نتر مني على ال r و لقيت صوت " كخخخخخخخخخخخخخخخخخخخخ" أنا طبعا قولت الجير بوكس طار أتاري الفتيس فصل و بطلت العربية و دورت و الدنيا بيس عايز أقولك السوفت وير في الأوتوماتيك بيمنع أي حاجة غلط تحصل و بيفصل الجير أتوماتيك " متخافش و جمد قلبك "

**حماده المصري** · 30-04-2012 05:55 AM

المشاركة الأصلية كتبت بواسطة hondawy_2008

طيب أنا هقولك على حاجة مرة كنت ماشي و جبت ال n و فضلت اهدي و دايس فرامل خفيف كنت عايز اقف فجأة غصب عني و أنا على سرعة 30 الفتيس نتر مني على ال r و لقيت صوت " كخخخخخخخخخخخخخخخخخخخخ" أنا طبعا قولت الجير بوكس طار أتاري الفتيس فصل و بطلت العربية و دورت و الدنيا بيس عايز أقولك السوفت وير في الأوتوماتيك بيمنع أي حاجة غلط تحصل و بيفصل الجير أتوماتيك " متخافش و جمد قلبك "

مفيش فتيس بينظر على ال ار لوحده فيه لوك لازن تبقى دايس الزرار وده نوع من السيفتي

يعني لو الفتيس الاتو العادي الي مفيهوش زج زاج مستحيل تجيب ار الا لما تدوس الزرار وده معناه انك عارف انت مقبل على ايه

بالنسبه للفتيس الزج زاج ف في منه مفيهوش لوك ومعتمد ان الزجزاج هو الي بيوقف الفتيس ويمنعه من النطر وفيه برضو منه فيه لوك لازم تبقى دايس فرامل بدل الزرار مثلا

**wisambasha** · 30-04-2012 06:22 PM

المشاركة الأصلية كتبت بواسطة حماده المصري

ينفع تجيب من r to n بس مينفعش العكس وينفع تجيب من d to n والعربيه ماشيه عادي وينفع العكس كمان

وينفع تنقل بين الاول والتاني وال دي بس بشرط تناسب السرعه متكونش العربيه ماشيه على 120 وتنزل ل 2

ينفع تجيب من ال r لل n بس لازم العربية تقف الاول يعني تكون دايس فرامل (انا كدة بتكلم صح؟؟؟)

**montaser2005** · 02-05-2012 12:35 PM

صباح الفل على الجميع
بصراحة معنديش خبرة كبيرة فالموضوع بس أنا عن نفسي لما بجيب الجير على ال n وانا ماشي بحس إن العربية أتكتفت وسرعتها بتقل بسرعة وبالنسبة لموضوع النقل مابين ال 2 وال 3 والعكس فسألت عليها كتير وقالوا عادي جداً لكن المسألة لازم تكون بالعقل يعني أجيب الجير على التاني وأنقل على التاالت عادي بس أرجع الجير من التالت للتاني يبقى لازم أكون ماشي بسرعة الغيار التاني عشان أبقى فالسليم زي المانيوال بالظبط جرب تنزل من الرابع للتالت وانت بسرعة الرابع هتحس أن في شيء مش مظبوط // ممكن تسمع صوت نعرة فالمكنة وممكن تلاحظ حاجة تانية على حسب كل عربية.

بالنسبة لموضوع أني أجيب الجير على التاني ده كان عشان الدريفتات والتخميس فقط....حبيت أشاركم تجربتي.