الموضوع: أسئلة بخصوص بعض الحركات في الفتيس الاوتوماتيك !!!

ال n ميجيش إلا وإنت واقف بس .. يعني سرعتك صفر .... لو حاولت وإنت ماشي .. الجيربوكس هيبقى باي باي ... ممنوع منعا باتا إنك تجيبه والعربية مش واقفة ...

لو إنت قصدك اول وتاني و d .. يبقي العربية فيها ستبترينك .. ده عادي.. أنا في المطالع, بجيب العربية العربيه عالاول أو مابخلهاش عال d عشان يبقى السحب أحسن ومتقلش عالماتور...

لو قصدك d1 و d2 ..فـملهاش لازمة ... بس مش هاتضر لأن ده بكل بساطه بيحدد النقله لو بتسحب عربيه أو طالع مطلع جامد ...

المشاركة الأصلية كتبت بواسطة Ahmazong

شوية أسئلة كده على الماشي لو سمحتم ؟

1 . هل ينفع أجيب n و أنا ماشي عادي و على أي سرعة ؟؟

2 . هل ينفع و أنا جايب n على مثلا سرعة 70 اروح جايب d على نفس السرعة ولا لأ .. ولا لازم اقف ؟؟

3 . هل ينفع النقل بين الاول و التاني و d باستمرار ؟؟

تقبلوا تحياتي ..

بالنسبه للسوال الاول يعني هو ينفع في كل العربيات تقريبا بس السوال الاهم ليه عايز تعمل كده ؟

السوال التاني النقل من D ل الاول والتاني لو العربيه فيها اول وتاني عادي بس النقل من D to 1 or 2
والعربيه ماشيه علي سرعه اعلي من الجير هيعمل مشاكل كتيره اوي

اما بالنسبه للستيب فالنقل من d to + - عادي علي اي سرعه وده لان العربيه بتختار الجير المناسب لسرعتك اوتوماتيك. يعني لو عربيتك 5 نقلات هتجيب الخامس لو هي ماشيه عليه حاليا وهكذا.


ال 1 و 2 في الفتيس الاوتوماتيك بيستخدموا عشان لو انت بتقطر حاجه او العربيه غرزت ومش عايزها تغرز اكتر فبتجيبها علي 2 وتطلع بيها فالعربيه متحفرش في الارض اكتر وتغرز زياده.

و 1 عشان لو انت طالع مطلع جامد يبقي الموتور عزمه شديد ومينقلش عشان تاخد عزم الموتور كله او لو انت نازل منزل جامد عشان تقدر تستفيد من فرمله الموتور.

يعم ينفع و سيبك من الكلام الي محسساني انهم بيسوقوا طيارة ! بص حتى في الكاتلوج مكتوب عادي

انتا و انتا سايق مانيول و مورت و انتا على اي سرعة ده يبوظ الفيتس ؟ اشمعنى يعني لا في المانيول و اه في الاوتوا !

هيا نفس الفكرة بس الدبرياج في الاوتوا بيبقى بيفكر بكمبوتر يعني اول ما تجيب n حتلاقي الاربي ام نزل و مورت عادي ولا انتا حاسس باي حاجة و بالعكس الفرامل بتشد عشان لو انتا بتقف فجأة بتزيد قوتها غير ما انتا ماشي بيبقى الفرامل للتهدية...

و العكس صح لو انتا ماشي 80 و مورت و بعدين جبت d تاني حتلاقي العربية عشقت على الغير الصح و بكل سلاسة :)

الفكرة بقى متبقاش واقف و دايس حارق بنزين الاربي ام 9 ريد زون و تقوم مديها D عشان تفرك ... ده الي حيتم انوا الكبموتر حينزل الاربي ام ل 1 و بعدين يعشق و بعدين يرفعه تاني ل 9 و بكدة عشان العربية وزنها كله عشان تمشي على الاربي ام ده طبعا الفتيس حيفرقع عشان ده مش فتيس لامبورجيني lanuch control كرونه يعني :) ده سير كاتنية رخيص و ترسين ارخص و كوبلنين ملهموش اي لزمة طالع بوزهم من كتر لف الطارة :)

فاهمني يعني :) ياريت اكون عرفت اول الفكرة و بالكلام البلدي ! :) و ده عن تجربة شخصية في كل انواع العربيات :) لا تقلق :)

و الكلام مش موجه شخصيا لحد :)

لأ ... لأ لأ ... أنا مرة كنت باركن على جنب ودايس وبهدي ومكنتش العربية وقفت خالص .. على سرعة قليله ... وأنا دايما بجيب N وبعدين باشد الهاندبريك ... والله العظيم . العربيه امت وقفت وفجأه اتحركت تاني وسمعت صوت خربته من تحت ... الاوتوماتيك في Torque Converter و مينفعش تفصل منه وإنت ماشي على طول كده عكس المانيوال ...

لكن بالنسبة للتغير بين الاول والتاني والD ده عادي ومفهوش مشكلة خالص ...

المشاركة الأصلية كتبت بواسطة mohamed_nafie

لأ ... لأ لأ ... أنا مرة كنت باركن على جنب ودايس وبهدي ومكنتش العربية وقفت خالص .. على سرعة قليله ... وأنا دايما بجيب n وبعدين باشد الهاندبريك ... والله العظيم . العربيه امت وقفت وفجأه اتحركت تاني وسمعت صوت خربته من تحت ... الاوتوماتيك في torque converter و مينفعش تفصل منه وإنت ماشي على طول كده عكس المانيوال ...

لكن بالنسبة للتغير بين الاول والتاني والd ده عادي ومفهوش مشكلة خالص ...

معلش يعني انتا راكب عربية غير الي احنا بنركبه ؟ اصلوا ممكن يكون في حاجة عند حضرتك بايظة او طوبة او طلعت رصيف او اي حاجة !

لاكن انا بتكلم عن تجربة شخصية في عربيات كتير منها الماني عالي و العربيات الكوري كمان الي هيا فيها فتيس بدائي 4 نقلات ! فيعني الموضوع ده اتعمل مليون مرة و مبيعملش حاجة و العربيات فيها فتيس بقالة 30 سنة متعرفش صاحبها كان مطلع بوزوا ازاي و شغال !

حركة بتبوظ انك تيجي تمشي ورا و بعدين تنقل قدام ده بيكسر الترس او الكوبيلين لو كان ضيعف عشان بتعكس حركة البلي بسرعة و ووزن العربية مش 10 كيلوا يعني عشان الموتور يبقى اشد من ردة فعلها !

بعدين اصلا لوك الفتيس الي مع الفرامل بينمنع الحركة ديه و مش بينمنع من دي لان و ان ل دي :) فيعني عادي ! و شد فرامل اليد و العربية ماشية لو شديته بسرعة او بتالدرجي فعلا تسمع خبط و رزع و خشونة ده عشان الفرامل على سلوك زي العجلة بتاعت العيال :) مش خراطيم زيت :) فطبيعي عجلة بتمشي و السلك مرخي و حضرتك شديت فيحصل اصوات :)

و تقبل كلامي و مش قصدي اي حاجة :) انتا راجل زي الفل بس انا فعلا حابب افيد عن وافع خربتي المتواضعة الي هيا ولا حاجة :)