الموضوع: ولادى عايزين بلاى استيشن ساعدونى ياشباب

المشاركة الأصلية كتبت بواسطة ahmedfd

أنا جايب عندي xbox slim 250gb للأولاد (و أنا طبعاً :) )و فعلاً إختراع جامد جداً بس علشان نكون منصفين كألعاب و جرافيكس هوا و الـ playstation 3 تقريباً واحد بس بالتأكيد نظام الـ kinnect في xbox متطور كتير جداً عن نظام move في playstation.
و ده لذيذ جداً للأطفال و بيشجع على الحركة و الإحساس باللعبة أكتر.
الألعاب تقريباً واحد يعني في ألعاب مشتركة بنفس الإسم و ألعاب لكل جهاز بإسم مختلف يعني في الكورة fifa هي هي و نفس الشركة بتنزل لده و لده، لكن في سباق السيارات مثلاً في xbox في لعبة forza و في playstation في لعبة granturizmo و الإتنين برضه شبه بعض بالظبط.
بس في فرق لصالح playstation3 إنه منتشر أكتر في مصر و بالتالي ألعابه أكتر.
الألعاب طبعاً غالية جداً يعني آخر لعبة جايبها كانت من game valley بـ 570 جنيه بس لو ليك سكة بره في أوروبا هناك بيبيعوا و يبدلوا الألعاب المستعملة و أتخن لعبة أنا جبتها بالطريقة دي مش بتزيد عن 10 إسترليني.
على كل حال اليوتيوب مليان مقارنات للصبح و حروب بين محبي كل جهاز ضد محبى الجهاز التاني زي عندنا كده في نايل موتورز بين ملاك الموديلات المختلفة من العربيات :).
الخلاصة خدلك لفة في ايوتيوب و شوف المقارنات و إستخير ربنا و توكل على الله.

و ايه يا باشا اللي يخليك تجيب اسطوانات اوريجينال ما المنسوخة زي الفل و ب 15 جنيه

المشاركة الأصلية كتبت بواسطة dode2002

بص يا باشا لو ولاد حضرتك لسه صغار يعني لم يتجاوزوا 8 سنوات هات بلايستيشن عادي موجود في العتبه ب 200 جنيه والاسطوانه ب 2 جنيه
لانهم هيزهقوا منه والسن ده ليه اهتمامات اخري
اما لو السن اكبر من كده والامكانيات الماديه متوفره هات الاكس بوكس

انا اولادي 4 سنين و سنتين و بيلعبوا بالاكس بوكس , الاجيال بتتطور يا باشا

طب طالما الموضوع دة اتفتح انا برضة بقارن و ميال اكتر للاكس بوكس علشان الكنكت بس سمعت ان موديلات الاكس بوكس اللي بعد انتاج 8/ 2011 لسة ملهاش تعديل الكلام دة صح و لا غلط لاني هجيبه من امريكا و طبعا مش هجيب كل لعبه ب 500 جنيه
فياريت حد يفيدنا في الموضوع دة و يقولنا الخلاصه

المشاركة الأصلية كتبت بواسطة mohammedabdallh

يا غلبان
صحيح الى مركبشى مرسيدس بيقول على االادا ناعمه اوى

يا باشا انا عندي بلاي استيشن 2 و ولاد خالتي عندهم 3 و بيجوا عندي عشان يلعبوا ال 2 لان ال 3 فعلا مش ممتع و صعب هو اه تجسيمه احلي بس اللعب عليه صعب اوي و يا سيدي ربنا يرزقني باللادا دي هو انا لاقي ؟

المشاركة الأصلية كتبت بواسطة m.mosaad

طب طالما الموضوع دة اتفتح انا برضة بقارن و ميال اكتر للاكس بوكس علشان الكنكت بس سمعت ان موديلات الاكس بوكس اللي بعد انتاج 8/ 2011 لسة ملهاش تعديل الكلام دة صح و لا غلط لاني هجيبه من امريكا و طبعا مش هجيب كل لعبه ب 500 جنيه
فياريت حد يفيدنا في الموضوع دة و يقولنا الخلاصه

كله بيتعمله كراك يا باشا و حيكلفك 300 جنيه

بس انا رأي تخلي حد يروح السراج يسأل هناك لو جيبت جهاز من امريكا ممكن تعملوله كراك عادي ؟

بس انا راي تريح دماغك و تجيبه من هنا و اهو يبقى عالتجربة انا مش عارف من امريكا حيبقى ارخص قد ايه بس حتلاقي فرق السعر في الاخر مايستاهلش المجازفة

[QUOTE=sanhory;3874271183]و ايه يا باشا اللي يخليك تجيب اسطوانات اوريجينال ما المنسوخة زي الفل و ب 15 جنيه


و الله يا باشا سعره لسه مبردش و أخاف أديه لحد يلعب في السوفتوير بتاعوا... قلبي ميطاوعنيش :)
بس بيني و بينك هي خطوة لابد منها إن شاء الله.

ربنا يكرمكم كدا الواحد خد فكرة وارجع اتناقش معاهم والله دا احنا كنا غلابة واحنا صغيرين كان جهاز اتارى كده بدراعين وكنا طايرين بيه