يا جماعة ارجو الافادة للاهمية. هل الفتيس بتاع الاوبل فيكترا 2008 ايزى ترونك هيبوز هيبوز لا محالة؟ ولا انا و حظى ولا ايه؟ عشان قدامى عربية ماشية 70 الف و مش عارف اجبها ولا ايه.
حد يفيدنى قبل ما العربية تطير،،،،،،
عرض للطباعة
يا جماعة ارجو الافادة للاهمية. هل الفتيس بتاع الاوبل فيكترا 2008 ايزى ترونك هيبوز هيبوز لا محالة؟ ولا انا و حظى ولا ايه؟ عشان قدامى عربية ماشية 70 الف و مش عارف اجبها ولا ايه.
حد يفيدنى قبل ما العربية تطير،،،،،،
خالد أيمن مغير الاسطوانه و الديسك على 100 الف و شويه و كان بيقول ان ده رقم كبير بالنسبه للفتيس الايزي ترونيك.
استخير و اكشف فى التوكيل و توكل على الله.
شكرا لاهتمامك يا استاذ كريم و لكن انا لا اقصد طقم الدبرياج انا اقصد الفتيس نفسه لان معروف ان فيه مشكلة فى الموديل ده بالذات
لا ياباشا تقريبا مقيش مشاكل بس هو بتغير اسطوانة و دسك من 100 الف الى 130 حسب الاستخدام
بيقولوا العربية فيها مشكلة فى الفتيس و سحبوا العربية من السوق للموديل ده بالذات و الموضوع ده معروق جدا فى التوكيل بس انا مش عارف اعمل ايه
وسعر الاسطوانة والديسك كام
برة التوكيل 1600 و فى التوكيل ب 3000 تقريبا
بص اكشف عليها عند حد متخصص او فى التوكيل وشوف العربية عايزة اية وبكام بس وانت اللى حدد من حالتها لو كويسة يبقى توكل على الله لو تعبانة ابعد عنها
متشكر جدا و ربنا يسهل
استنى خالد أيمن هييجى يقول لك على المفيد ان شاء الله.
شكرا يا استاذ كريم. انا مستني
مين اللي قال الفكترا اتسحبت من السوق او فيها مشاكل في الفتيس
الفكترا لو اتسحبت يبقى عشان اتباعت
و فقط بيتغير الديسك و الاسطوانة زي اي عربية مانيوال حسب الاستخدام
لكن مجملا العربية هايلة
انا كل ما افكر ابيع ارجع في كلامي عشان مي هلاقي حاجة اركبها في نفس المستوى في الامكانيات و السعر او حتى لو اعلى شوية
مفيش فيكترا اتسحبت جبت المعلومه دى منين؟؟؟ والفتيس ده اصلاً مانيوال يعنى مستحيل يبوظ وللأسف جهل الكتير تسبب فى الاشاعات دى لا تقلق وتوكل على الله والعربيه معايا ومع خالد وناس تانيه هنا استفيد بجهل الناس اللى قلل من سعر العربيه واشتريها قبل ما الحالات النضيفه تخلص
ايه الأى كلام ده أنا أول مره اسمع ان الفتيس الايزى ترونيك باظ مع أى حد
ده فتيس مانيوال عادى جدا
خالد أيمن عامل بالفتيس ده 130 ألف
و انا عامل 100 ألف و عادى جدا و فيه واحد أعرفه عدى ال 160 ألف بيه
المهم انك تجرب سوقته و شوف هتعجبك ولا لا
بس لو عجبتك يبقى توكل على الله ان شاء الله مفيهوش مشاكل
لاااااااااااااااااااا
بلاش خالد أيمن و الفتيس الأيزى ترونيك
+1111111
نصحتي ليك لو مسوقتش العربيه قبل كده سوق العربيه في الزحمه علشان تقدر تحكم عليه ولازم حضرتك تعرف انه سواقته مش زي auto
مسمعتش عن سحب الفكترا الفكرة بس فى 2008 وقفوا إنتاجها عشان بدأوا إنتاج الإنسيجنيا
يا جماعة انا مش عارف اقولكوا ايه ربنا يطمنكوا،،،،،،، متشكر جدا جدا جدا جدا جدا. اصل 100 الف جنيه كتير بالنسبالى فا كنت مقلق.
بالمناسبة و استاذ خالد ايمن فين؟
انا كنت بقول كده برده و الله فعلا انا كل ما ابيع افكر في حاجة و انزل اشوفها ما تعجبنيش سواء من مستوى او خامات او امكانيات او سعر او مشاكل
مشاكل الفكترا لا تذكر و مشاكل عادية و صغيرة مش فتيس بيضرب و لا كمبروسور بيتحرق و لا Check Gear Box بتتطلع و لا سخونية و تكييفها هايل بجد
الف شكر يا جماعة ربنا يسهل هحاول بكرة ارفعها و ربنا يسهل
كل ده؟ معايا انتينال ينفع؟ :)
مفيش حاجه اسمها ترفعها دى مش 504 مش هتفهم حاجه من تحتها ولا هتستفاد غير يقولك الشاسيه سليم المهم تروح التوكيل تكشف وتعرف محتاجه ايه واتعمل فيها ايه وحساساتك سليمه ومصاريفك وكنترولاتك وايرباجاتها والله المستعان ومتسمعش اى معلومه من صاحب العربيه خد معلوماتك من تقرير منصور او مقار هم فى الكشف بيفهمو
السادة الافاضل بعد الكشف على السيارة عند المهندس احمد عبد الراضى بالمعادى (الله يكرمه) تبين الاتى:
الموتور 85%
الفتيس كالجديد
العفشة جيدة و يوجد مقص محتاج جلبة
و حطها على الجهاز و لقاها كويسة
و لكن فى اخر 10 دقايق و قبل ما امشى على طول ، المهندس اكتشف حاجة بسيطة جدا فى العربية
اكتشف انها متغيرلها ربع!!!!!!!!!!!!!!
اول ما سمت كدا تنحت، و اتضايقت و انبسط فى نفس الوقت
الحمد لله فلوسى حلال :)
خلاص مفيش ضمير
بالعكس ما تزعلش خالص و احمد ربنا عادي بقى و ان شاء الله ربنا يوفقك في حاجة تانية :b4_048:
اسف جدا علي التاخير اصل الحمام زحمه هههههه
معلش كان عندي مشكله في الكمبيوتر و دلوقتي فاتح من الموبيل و طبعا مفيش كلام يتقال بعد حوار تغيير الربع
بالمناسبه انا في منصور دلوقتي:(
ترجع بالسلامة :)
بالنسبة للعربية الحمد الله طبعا و ربنا يبعت حاجة احسن
انت تنحت امال انا اعمل ايه؟
انا بس كنت بعيشكوا معايا القصة بتفاصيلها
ناس معندهاش ضمير ليه مفيش صراحه؟؟؟ عمتاً الحمد للهانو منصبش عليك وعلى فكره العربيات اللى متغيرلها ربع منص لو سليمه وكل حاجه تمام بتتباع برضو بس مش بسعر السليم بس فى ناس تقبل الحرام عادى ودى مشكلتنا بجد المهم انشاء الله تتعوض
ربنا يسهل انا مش مستعجل