الموضوع: بفكر اسافر دبى كمان شهر

حاجات كتير هاتفرق

حضرتك رايح فسحه مع نفسك
و لا كورس تبع شركة و لا ايه بالضبط

هاتكون لوحدك و لا هتاخد معك الاسره

ناوى على ميزانيه قد ايه

انت هتيجى فى بدايات الحر......هتتسلق هنا و خصوصاً لو مش هتأجر عربية.

مبدأياً أنت مختار وقت صعب فى تذاكر الطيران.........يعنى لو بتفكر يبقى أحجز من دلوقتى

و هتلاقى تذكرة الرجوع غالية..........لأن الموسم ده موسم أجازات و كله نازل أجازات.

تقعد فى الشارقة ولا دبى دى تعتمد على كذا حاجة
1- الميزانية
2- عاوز تعمل أيه بالظبط ؟ يعنى شوبنج و لا أنتخة ؟ الشوبنج معروف أنه فى دبى.....الشارقة مفيهاش غير 3 أو 4 مولات بالعدد و مفيهمش كل الماركات لو أنت بتدور على ماركات معينة.
3- هتأجر عربية ولا لأ ؟

لو مش هتأجر عربية يبقى أحسنلك تقعد فى دبى......لأن مفيش مواصلات بين دبى و الشارقة غير التاكسى و ده أقل مشوار هيبقى 50 درهم فى الناحية الواحدة .
و فيه الباص بس ده معرفش عنه حاجة بصراحة.