تنظيف بوبة الثروتل بالفيديو
السلام عليكم ورحمه الله,
بصراحة يا شباب موضوع تنظيف البوابه انا كنت فاكر انه ملوش لازمه اوى الفترة اللى فاتت لكن بعد اللى حصل معايا اتأكدت امه مهم , الفترة اللى فاتت العربيه بقت تقيله فى الدوارة و لما تكون بارده كنت بسمع صوت تكتكه عالى لمده اول دقيقة و يختفى ,و لما أكون مثلا فى مشوار و العربية سخنه وانزل اشترى حاجه و أرجع أدور تانى الاقى الRPM بينزل تحت ال500 و احس ان العربية هتبطل و تظبط بعد 10ثوانى كده المهم لما بصيت على البوابه لقيتها مكربنه و زى الزفت فأشتريت منظف مخصوص للبوابه من انتاج GUNK موجود فى شارع دمشق عند محل اسمه المدينة ب35 جنية العلبه لونها أسود و الغطاء رمادى مكتوب عليه AIR INTAKE CLEANER ,أهم حاجة وانت بتنظف ان العربيه تكون بارده جدا و متحاولش تفتح البوابه بأيدك زى اللى فى الفيديو عشان البوابة اللى فى السيراتو على أكتواتور يعنى بتتفتح الكترونيا وترش شوية وتحط فوطه قطن تحت البوابة عشان تمتص اللى هينزل من البوابه وترش و تستنى لحد ما يتبخر و ترجع ترش تانى لحد ما السائل يرجع ينزل نظيف تانى كده يبقى الوساخه كلها نزلت تسيب العربية شوية لحد ما البوابه تنشف من السائل وده عشان لما تيجى تدور السائل ما يدخلش على البوجيهات تكربنها و العربية تدور بسهولة و بعد كده دور على RPM عالى لمده 3 دقايق و بطل ودور تانى , انا عملت الموضوع ده و بصراحة الدنيا و صوت العربية أختلف تماما , فى بعض الميكانيكية بيرش و العربيه دايرة و بيكبس بنزين جامد الموضوع ده لازم بعدية تغير بوجيهات عشان بتهبب , فى طريقة مختلفة تماما انك بتفك البوابة و تنظفها بره و تنشفها و ترجعها تانى لكن انا لما قريت ده بيكون بعد عدد من الكيلومتر الكبير عشان اللى انا شرحته ده اسمه نص تنظيف مش بينظف كل حاجه لكن ليه تأثير كويس
الفيديو : Quick Tip-Throttle Cleaning - YouTube
