الموضوع: تجربة شد مع لانسر كريستالة و النتيجة !!!!

المشاركة الأصلية كتبت بواسطة funnymickey

يعني انتا معاك بي ام وبتشد مع كريستاله:)
وعاوز تشوفه وراك كمان
العربيه 1300
ده اكيد واد من عندنا في القسم
:) :)

انا مليش في الشد والجري والكلام ده
بس اللي اعرفه ان الياباني بيطلع من اي عربيه في الاول بس
يعني الطلعه بتاعته اسرع من الالماني
الالماني تحس انه ليه هيبه كده عالطريق وميطلعش يجري مره واحده
بس التجميع بعد كده الله اكبر
معرفش ليه

كان معايا بردو هوندا ااكورد وقديمه بس كانت 2000 سي سي
وطلعت بيها من مرسيدس واوبل
وفرقت جامد عنهم
بس عالطريق جابوني بسهوله

والله يا باشا هى كانت مجرد تجربة للعربية انا بطلت جرى و شد والكلام ده من اللى بشوفه من حوادث و قرف اى نعم ساعات بشد اه بس يكون الطريق فاضى او على طريق سريع
على فكرة الكرستالة معتقدش انها 1300 لان صوت الماتور اللى كان فيها ميقولش انها 1300 اللى اعرفة ان الكورى اسرع فى الطلعة حتى من اليابانى مثال عندك الفيرنا مثلا
و شكرا يا باشا على مرورك......

نفس اللى حصل معايا بالضبط

شديت مع واحد صاحبى معاه كريستاله 1300 طلع منى فى الاول و الثانى بس بعد كدا جبتو بسرعة اوى

بعد كدا شديت معاه تانى العربية كانت سخنت شوية طلعت منو فى الاول و الثانى بس بفرق مش كبير

الموضوع ده خلى الموتور ال1600 ينزل فى نظرى اوى و قولت ماينفعش بى ام بالموتور ده

بس مادام الموضوع كد عادى فى الالمانى يبقى ماشى علشان فعلا بعد الثانى العربية بتجمع حلو

ال 316i فعلا مش بتاعت شد :)

عاوز تشد يبقى 325+++ :D

دة مرة العربية كسفتنى جامد واحد صاحبى ب فيات باليو 1200 سى سى طلع منى لغاية 100 :)
بس بعد ال 100 جبتة طبعا :)

حصلت معايا مع لانسر 1500 الاول خليته ورايا انا كنت علي 200 وثبت رجلي وهو كان اخره 180 وبعدين من الثبات كان هو اسرع في الطلعه

يا جماعة البى ام في المواتير الصغيرة مش اوى بس اللى بيفرق في الطلعات ان الامامي بيبقى في الاستجابة اسرع خصوصاً ان احجام المواتير متقاربة بس نرجع ونقول البي ام افضل في كلا الاحوال وربنا يكفيهم شرهم جميعاً ان شاء الله ..