عايز برشام نيتروجليسرين عشان احطه تحت لساني

**misoalex** · 30-04-2012 02:12 AM

المشاركة الأصلية كتبت بواسطة screenplays

ابعد عن حرق الدم ؟ طول ما انا عايش هنا بيتحرق دمي ... الناس بقوا اغبيه فحت و الاخبار بقت تجيب استبحس ... حاجه تقرف ... و بعدين الواحد بيحوش عشان العربيه تقولي سافر غير جو ؟ هههههههههه منين يا عم ؟ عموما انا مبسوط اني شوفتك هنا

خلاص متتكلمش مع حد هههههههههههههههههههههه

بص قولهم انك خالع ضرسك هههههههههههههههههه

عموما اللى انت فيه كلنا فيه والله العظيم احمد ربنا انك مش متجوز ومسؤل

**Screenplays** · 30-04-2012 03:44 PM

هههههههههههههه ماشي و الله بحمد ربنا علي نعمه العزوبيه ليل نهار

**hany63** · 30-04-2012 07:04 PM

ياباشا حالا تقطع الشك باليقين و تكشف و تعمل رسم قلب و انشاء الله خير بس ما تسكتش و تسيب نفسك
بالمناسبه اخبار القولون ايه عشان بيعمل نفس الاعراض بالمللي
وكمان عايز اقول لك بمجرد ما انت شكيت ان قلبك تعبان المخ بيبعت اشارات لجسمك و يوهمك بس ضروري تكشف

**Screenplays** · 30-04-2012 07:40 PM

طول ما انا مبتكلمش مع حد ببقي كويس و لكن انزل الشارع و اشوف الناس و طريقه كلامهم و تفكيرهم قلبي بيتعبني

**Medicalist** · 30-04-2012 07:51 PM

يا جدعان انت هتقلقوا الراجل ليه
دول ممكن يكونوا شويه برد ويروحوا لحالهم

**Screenplays** · 30-04-2012 11:33 PM

انا مش قلقان لاني ببقي كويس طول ما انا مبتكلمش مع حد

**AboELsoud** · 01-05-2012 02:32 AM

المشاركة الأصلية كتبت بواسطة hany63

ياباشا حالا تقطع الشك باليقين و تكشف و تعمل رسم قلب و إن شاء الله خير بس ما تسكتش و تسيب نفسك
بالمناسبه اخبار القولون ايه عشان بيعمل نفس الاعراض بالمللي
وكمان عايز اقول لك بمجرد ما انت شكيت ان قلبك تعبان المخ بيبعت اشارات لجسمك و يوهمك بس ضروري تكشف

بالظبط كده القولون بيعمل نفس الاعراض و اكتر كمان
انا كنت ساعات بحس بوجع في صدري و ضيق تنفس و ابقى مش قادر خااااااالص و بحس اني بموت
طلع في الاخر القولون مع التوتر و انك توهم نفسك
الدكتور قاللي ساعتها انت معندكش اي حاجه بس لما بتتوتر و بتوهم نفسك انك عندك حاجه ممكن يجيللك نفس اعراض الحاجه دي من غير ما تكون عندك اصلا
على فكره انا 22 سنه :)

**3ateef** · 01-05-2012 05:57 PM

النيتروجلسرين بيوسع الاوعية الدموية للمرضى اللى بيعانوا من الذبحة (او الامراض اللى كمية الدم اللى واصلة للقلب مش بتكون كفاية) وألم الذبحة بيكون زى سكاكين بتدب فى مكان القلب...

مؤقتا,,خد قرص اسبيرين للأطفال (بيزود سيولة الدم وبيستخدم كاجراء وقائى للازمات القلبية) قبل ما تنزل وشوف هتحس بأيه..
واعمل رسم قلب وشوف ايه النتيجة,,,,وبأذن الله خير...