رقم العضوية : 26525
تاريخ التسجيل : 30Nov2008
المشاركات : 436
النوع : ذكر
الاقامة : القاهرة
السيارة: Beetles
السيارة[2]: Excel
دراجة بخارية: كان زمان
الحالة :
اسلم عليكم... ولا اكمل الاغنية ..... وقف يا عم ..... عاملين ايه يا افندية ......و يا افنديات ...
بالامس ... اللى هو امبارح يعنى ... داخل بالعربية من شارع عندنا فى الحته الهاى كلاس اللى انا ساكن فيها ... الاقى عربية واقفه بالعرض سده الشارع ..
قولت يمكن حمار .؟؟ .. مش عارف يركن .... اديله نور رعاش ... مفيش ... كلاكسااااااات مفيش ... قربت شوية ... لاقيت العربية فاضية ...
نزلت من العربية اشوف فى اية لاقيت واحد اعرفة من زمان تقريبا اخو واحد صاحبى بيقولى : معلش يا باشا لف من الشارع التانى علشان فرح اخويا انهارده و عقبال اولادك ..... طبعا انا باركتله و لفيت من الشارع التانى و ركنت العربية و قولت اروح اباركله .. عيب ميصحش الراجل كان معايا فى المدرسة و ياما اخد علق بسببى ... زميلى ده بقى ... مشمر دماغه على الاخر و ابيض محمر ... و لسه داخل على الكوشه علشان اسلم علية لاقيت بتاع الدى جى قام مشغل اغنية ... يا بلح زغول ....يا سيد العرسان... بصيتله كده ... و تخيلت شكل البلح الزغلول ... وهو بيلمع كده زى دماغ صاحبنا ده .. و محمر كده ... قمت واقع على سلم الكوشه من الضحك ... الواد فعلا شبه البلحه الزغلولة ..... طبعا الناس قومتنى و عملت نفسى انى اتكعبلت فى سلك السماعات .. المهم سلمت عليه .. و كرسى يا ولا للاستاذ حسام ..
قعدت بعيد عن السماعت ... علشان بتروش من الصوت العالى .... و قام بتاع الدى جى رزعنا اغنية العنب ... قولت حلو ... الراجل ده شكله كان فكهانى .. بلح و عنب ... حلو ..... يسكت بتاع الدى جى شوية ... يطلع صوت من البكونه بتاعت العروسه .. شويه ستات بيغنوا ايه بقى ... ادحرج و ااجرى يا رمان .... يعنى بدات ببلح ... مرورا بالعنب .. و ختمت بالرمان .... حلو .. يا عم حد طايل ... ده كيلو الفاكهه دلوقتى بالشيىء الفلانى ... اهو ببلاش و على كل نوع..
طب انا عاوز اروح ... مش كفاية بقى ... عملت الواجب و خلاص و عقبال البكارى ... و دول قافشين فيا زى ما يكون مساكين واحد حرامي ..... ايه الوقعه السوده ده ... يا رتنى ماكنت رجعت من الشارع ده ..
شوية كده واخلع .... لاقيت ام العريس .. تعرفنى من زمان ... بتقولى ازيك حسام ... انت يابنى عزلت من هنا ولا ايه ... ؟؟
انا : لا يا امى .. انا موجود ... بس بقى الشغل ... .. الحياة تلاهى ياحجه ... وعقبال اللفندى الصغير ...
هى : بصوت عالى علشان الديجى جى ... اديكوا اهو كبرتوا و بقيتوا رجاله .. عرسان ما شاء الله ....فاكر يا ولا لما كنت بتجى بالسلطانيه علشان تشترى بليله من عم احمد اللى تحت البيت .... انتى هتسيحلى يا حجه ولا ايه ؟؟؟ ...فى عقل بالى متسكت امك شوية يا عم الزغلول انت ... لا يا حجه مش فاكر ... الف مبروك لزغلول .... قصدى للواد ابنك و عقبال البكارى ....
الست ده انا عارفها من من زمان ... لسانها متبرى منها ...فى مرة كنا بناخد درس فى اعدادى عندها ... و كان مدرس الرياضه ... جسمه صغير كده و شكله صغير ... و دخلنا الاوضه عندها ... و دخلت هى علينا و بتقولنا ... امال فين المدرس ؟؟؟ ... فالرااااااجل قالها انا يا حجه ... قالتله .. بقى انت المدرس دنا افتكرتك ساقط السنه و جاى تاخد درس معاهم .... و مسكته تريقه بقى .. وطلع هو غله فينا احنا ...
المهم ... شاولت لزغلول كده من بعيد علشان اخلع ... و ده يقولى عيب .. خليك شوي .. البيبسى جاى ... خلاص بقى .. انا .. كفاية بقى البلح و العنب و الرمان ... اتعشت الحمد لله ....
و خلعت بأعجوبه ... بس فعلا الموقف ده لسه اثارة معلقه معايا من امبارح .......
كل شوية .. اقول " يا بلح زغلول يا سيد العرسان ... اه يا سيد العرسان ......."
اه يا بلح .. اه يا بلح ... اه يا بلح ... يا حلو يا بلح ...
[gdwl]لا يستطيع رفع صور للتوقيع[/gdwl]
رقم العضوية : 4703
تاريخ التسجيل : 21Jan2008
المشاركات : 17,465
النوع : ذكر
الاقامة : alex
السيارة: none
السيارة[2]: lada samara 1990
دراجة بخارية: none
الحالة :
لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
رقم العضوية : 105302
تاريخ التسجيل : 25Jun2011
المشاركات : 3,817
النوع : ذكر
الاقامة : Port Said \ Cairo
السيارة: Toyota Corolla 2008
السيارة[2]: Hyundai Verna 2009
دراجة بخارية: Kia Cerato 2010
الحالة :
البلد بقي كلها سرس يا عم الحاج هههههههههه يوم الخميس في كنت في فرح المفروض هاي كلاس و العروسه من دمشق باين و برضه مشغلين ام الاغاني السرس دي "سمكه علي بلطيه" "اديك تقول مخدتش" "بحبك يا حمار " هههههههه حسبي الله و نعم الوكيل في ده شعب
رقم العضوية : 75054
تاريخ التسجيل : 11Jul2010
المشاركات : 229
النوع : ذكر
الاقامة : القاهرة
السيارة: الحمد لله
السيارة[2]: نوبيرا
دراجة بخارية: لالالالالالالالالالالالالالا
الحالة :
هههههههههههههههههههه
جامد جدا ووالله يا باشا
وحلوة عملت نفسك اتكعبلت ف السلك دى
matador سابقا
رقم العضوية : 119457
تاريخ التسجيل : 22Jan2012
المشاركات : 4,218
النوع : ذكر
الاقامة : الهرم
السيارة: ربنا يكرم ب s2000
السيارة[2]: honda prelude tuned
دراجة بخارية: لاء بقع بيهم على طول
الحالة :
ههههههههههههههههههههههههه ههههههههههههههههههههههههه هههههههههههههههه
كعادتك مواضيعك بتموت الواحد من الضحك
تسلم على شويه الضحك دول يا حسام ربنا يجعله فى ميزان حسناتك و تضحكنا كمان و كمان
^_^
ahmed eihab
Honda The Power Of Dream
^_^
رقم العضوية : 32825
تاريخ التسجيل : 13Feb2009
المشاركات : 3,559
النوع : ذكر
الاقامة : alex
السيارة: Lanos 2016
السيارة[2]: Logan 2010..Elantra 2014
دراجة بخارية: ..............
الحالة :
ههههههههههههههههههههه حرام عليك موتنى من الضحك ومبروك لزغلول
رقم العضوية : 26525
تاريخ التسجيل : 30Nov2008
المشاركات : 436
النوع : ذكر
الاقامة : القاهرة
السيارة: Beetles
السيارة[2]: Excel
دراجة بخارية: كان زمان
الحالة :
فلا يا شنورى الراجل غير مكان الدرس علشان متتريقش عليه .... و الله لسه بشوفوا لغاية انهارده ... و اسمه استاذ عقل ... حته كته تمناية ...
يا باشا هو ده الفولكلور الشعبى .. ده بقى جزء من ثقافتنا ... هو ده الاوبرا الشعبى ..... بس سيبك انت ... فى ايه فى حياتنا بقى ليه طعم اصلا....
طب اعمل ايه ... واحد دماغه بتلمع زى البلحه ....شكله كان مسخرة بجد ...
الله يبارك فيك ... و عقبال الزغاليل التانيه ... انا سمعت انه رايح يقضى شهر العسل فى السودان ... حدش عاوز حاجه من الخرطوووووووووووم ...
[gdwl]لا يستطيع رفع صور للتوقيع[/gdwl]
المفضلات