ازيكم يا شباب...كالعادة حابب اشرككم واخذ رايكم في الموضوع دة
بقالي فترة بلاقي المارشدير بيعلق وصوتة عالي نسبياً, قلتلهم في السبع ورشولي مادة اسمها wd-40 علي الفتيس وفعلا حسيت بتحسن طفيف
المهم.. اداء الفتيس برضوا معجبنيش فقلت اروح موبيل اشيك علي زيت الفتيس وكانت المفاجئه لما الفني فك طبة الزيت وقالي (الزيت ناقص خالص يا بشمهندس..ازودهولك؟؟)
الصراحة انا رفضت وقلت استني لما اروح التوكيل, دة العربية ماشية 35000 كم بس

انا متوقع ان العربية دية يكون لها زيت فتيس خاص بها... حد يعرفة؟ ويجاب منين خارج التوكيل؟ وبكام؟

يا شباب.. ضروري ترجعوا وتتاكدوا من زيت الفتيس (بالذات لاصحاب الاوتوماتك)
انا بشارك معكم هذه التجربة عشان نعرف ازاي نتصرف صح وبسرعة في هذا الموقف لو التوكيل غير متاح.
ارجوا المشاركة
ربنا يكفيكم شر الطريق