و ممكن السربنتينه بتاعت التكييف نفسه عاوزه تتنضف .
عرض للطباعة
و ممكن السربنتينه بتاعت التكييف نفسه عاوزه تتنضف .
بردوا نفس القصة معايا
روح البنزينة وخليه يضربلك صاروخين مية جامدين قوي في السربانتينا اللي قدام الرادياتر وجرب
إن شاء الله هتتحل عشان أنا كان عندي نفس المشكلة دي
الله عليك يا مايلو :-)
اوعى
الموضوع ده طبيعى جدا ومفيش اى مشاكل فى التكييف والسبب ان الكباس بتاع التكييف كل ما لف اسرع كل ما برد اكتر والطبيعى انك فى الزحمه على السلانسيه بيبقى ال rpm على 800 لكن وانت ماشى بيبقى اعلى من كده فهيبقى كفائته اعلى
اسمحوا لي بهذا التدخل المتواضع
اولا
المشكلة ضعف التكييف داخل الزحمة وعمله بكفائة علي الطرق السريعة
ثانياً
التشخيص
1 - ضعف ضغط فريون
2 - ضعف كفائة تبريد الفريون المحمص من الكباس داخل سربنتينة التبريد (( المكثف ))
ثالتاً الاسباب
1 - لو ضعف ضغط فريون
ا -انخفاض شحنة الفريون
ب - تلف صمام امان الضغط العالي
ج - ضعف الكباس
2 - ضعف كفائة تبريد الفريون ناتج عن
ا - انسداد السربنتينة الامامية
ب - عدم عمل المراوح بالسرعة العالية
ج - ضعف مواتير المراوح او عيب بريشها
ارجوا ان اكون وفقت في التشخيص ولخيص جميع المشاركات في الموضوع
تمام يا طارق .... شرح ممتاز ..... طب ازاي يتقاس ضغط الفريون ؟؟؟؟..... و الفريون لو قل ..مش ده معناه ان فيه تسريب؟؟؟
و انت تقصد بالسربنتينه الاماميه طبعا اللي هيه خلف الاكصدام مباشره ...صح؟
و ازاي نعرف ان المراوح تعمل بالسرعه العاليه أم لا ؟؟؟ و ضعف مواتيرها ؟؟
هل فعلا الفريون بيضعف او بتتغير خواصه مع مرور الوقت؟
يعنى حتى لو مفيش تسريب كفائه التبريد بتضعف من مرور وقت على الفريون فى التكييف