مشكلة ! ! ؟ الياريس مش بتعدي ال 160 ! ! ؟
السلام عليكم ورحمة الله وبركاته
للاسف اكتشفت مؤخرا مشكلة جابتلي احباط نفسي ومعنوي شديد للغاية :hitwall3:
من فترة كنت عملت صيانة ال 40.000 غيرت البوجيهات وفلتر البنزين وحطيت منظف Injection ليكوي مولي !
بعدها بفترة كنت رايح اكتوبر يوم جمعة وطبعا معروف الطريق يوم الجمعة بيبقى فاضي فقلت فرصة لو سمح الطريق اني اصور فيديو للعربية من 100/160
الطريق فعلا كان فاضي تمام رحت دايس العربية زي الفل والتجميع كويس لحد سرعة 160 !
بس جت عند ال 160 وStop :error404:
دايس جايب اخر الدواسة وال Rpm على 4.5 تقريبا وحالفة مش عايزة تزود عن كدة ! ياسيتدي يهديكي يرضيكي
مافيش فايدة ! :angry26:
طبعا هنا اكتشفت ان فيه مشكلة في العربية ! لاني جبت بيها قبل كدة 180 على الصحراوي وكنت محمل 4 افراد بالشنط بتاعتهم وفي عز الصيف ! في شهر 7 والساعة 1 الضهر ! والعربية كانت زي الفل ماشاء الله يعني اعتقد لو لوحدي وبليل كان ممكن تعدي ال 180 !
ولاني غالبا الطرق اللى بمشي عليها بشكل يومي ماتسمحش اني ازود عن ال 160 فمكنتش واخد بالي ان العربية فيها مشكلة
افتكرت الشدة اللى شديتها مع زميلي اللى معاه الانسر ال CVT ! اني فضلت طالع بفرق نص عربية لحد ال 160 وبعدها طلع وفرق عني بعربيتين تقريبا ! قلت افتح الفيديو ده اشوف تسارع العربية كان عمال ازاي عند ال 160
فتحت الفيديو العربية زي الفل لحد ال 160 بعد كدة بدا زميلي يطلع مني وعند اخر الفيديو بعد ماكان بعد عني ! الكاميرا جت على العداد لقيته 165 ! ! يعني تخيل لما تبقى جايب اخر الدواسة لمدة 15/20 ثانية ! والعربية زي ماهي مش عايزة تزيد عن كدة !
هنا اكتشفت ان المشكلة كانت من زمااااااااان وانا مش واخد بالي ! او بمعنى اخر لما كنت بشد مع عربية وافضل طالع منها لحد 160 وبعدها تعديني كنت بقول معلش مانا 1.3 وطبيعي على السرعات العالية التسارع يبقى في الكفتة !
بس للاسف لما ركزت مع العربية وبدات افتكر الاحداث والشدات اللى انا عملتها ! لقيت ان مافيش ولا شدة فيهم مهما كان الطريق بيبقى مفتوح قدامي اني وصلت ل 170 !
يمكن المرة الوحيدة اللى جبت فيها 170 اعتقد كنت ممون 95 سعتها !
عشان ماتهوكوش معايا انا من ساعت ماجبت بالعربية 180 على الصحراوي مامشتش فيها على طرق تسمح بسرعات اعلى من 160 فمش عارف المشكلة بدات من امتى ! ! ؟
وبرضوا فيه حاجة تانية مش عارف اثرت ولا لاء ؟ لما جبت بالعربية 180 على الصحراوي في اليوم ده الكنترول بتاع العربية فصل ؟
بمعنى اني بعد ماجبت 180 وفضلت مثبت على السرعة دي حبة حلوين هديت ونزلت لسرعة 120
بعدها حرقت تاني لحد ال 160 العربية على التالت المفروض هنا تنقل الرابع !
لا العربية في اليوم ده مانقلش الرابع وال Rpm كان بينزل من 6 لحد 4.5 ويقوم رافع تاني في سعتها ل 6 ! وينزل ل 4.5 والعربية حالفة مش عايزة تدي الرابع !
ركنت على جمب وسبت العربية شوية تهدى ومشيت تاني براحة ! بتنقل اول تاني تالت وبس على كدة مافيش رابع ! ؟
لحد ماوصلت مارينا ركنت العربية فترة وبعدها رجعت تنقل الرابع تاني ! مش عارف بقى التعليقة اللى حصلت في الكومبيوتر بتاع الفتيس ده اثرت ولا لاء ؟ بس لمبة الحرارة ماظهرتش وماكنش فيه سخونة ولا اي لمبة نورة في التبلوه نورت نهائي !
دلوقتي عشان مابقاش طولت عليكم
من ساعت ماجبت 180 لحد الشدة مع الانسر ! (اللى هي العربية وقفت فيها عند ال 160 )
معملتش الا تعديلين في العربية
1- غيرت الكاوتش ! من مقاس 185/60/15 الى 195/50/16
2- ركبت فلتر هوا K&N مخروطي
3- مشيت بالعربية يمكن حوالي 10/13 الاف كيلو زيادة وطبعا غيرت زيت الماتور
فانا دلوقتي شاكك في كذا حاجة ! بما ان المشكلة كانت من قبل ماعمل الصيانة وكمان ماتحلتش بعد ماعملت الصيانة اللى هي غيرت فيها التالي "فلتر بنزين - بوجيهات - سير مجموعة - وحطيت منظف Injection "
1- تكون المشكلة من زيت الفتيس ! المفروض انه بيتغير عند 40 الف كيلو او 48 شهر على حسب كلام الكتلوج ! مش عارف زيت الفتيس بيأثر على السحب ولا لاء ! بس هو الحاجة الوحيدة اللى كانت مكتوبة في كتلوج الصيانة وانا معملتهاش
2- يكون فلتر الهوا ال K&N كاتم العربية ! خصوصا ان ياسر قالي انه لما كان بيركب الفلتر في عربيته السيراتو كان بيكتم العربية جامد على السرعات العالية وبيخلي ال Top Speed بتاعتها 190 ! في حين انه بالفلتر الاصلي بتاع العربية بيوصل 210
(موضوع ان الفلتر متوسخ ولامم تراب مستبعد لان لما شديت مع الانسر والعربية معدتش في الشدة دي ال 160 كان الفلتر لسه جديد وشاريه من فترة قريبة )
3- خايف تكون المشكلة طرمبة بنزين ! خاصا اني كنت بستنى لحد مالعربية البنزين ينور حتى امونها ! فخايف الطرمبة تكون اتاثرت او حصل فيها مشكلة
حاليا العربية فيها مشكلة بسيطة :
نادرا ! ودي حاجة بتحصل مرة مثلا كل شهرين تلاتة او بمعنى اصح ماحصلتش الا مرة واحدة من بعد الصيانة ومرتين قبل الصيانة
ان العربية لما بدي Kick على الغيار الاول احس انها تيجي عن Rpm 4/5 تقطع كدة ماتفهمش ايه اللى بيحصل
سعات بحس بسخونة طالعة من نحية الدواسات حتى بعد الصيانة برضوا لسه سعات بحسها
فانا مش عايز اقعد اغير واتعب واصرف وفي الاخر يطلع الموضوع من حاجة تانية !
بفكر ارجع اركبلها الفلتر الاصلي بتاعها واشوف بس هو حالته تعبانة ودي صورته
http://img839.imageshack.us/img839/7954/26042012636.jpg
فهو اصلا حالته تصعب على الكافر ! وبرضوا مش عايز اشتري فلتر هوا جديد ويطلع العيب من حاجة تانية ! ؟
وزيت الفتيس انا مش عارف ليه مش عايز اغيره حاسس انه المفروض مايتغيرش :hitwall3:
تفتكرو المشكلة ممكن تكون من ايه ؟