موضوع مهم علشان ما يتنصبش عليك-توكيل اوبل

**Amrgamal1** · 30-04-2012 04:52 AM

الاسترا الشكل القديم السيدان برازيلي
ومتهيقلي معروف ان الاسترا بالزات مش بتبقي تقفيل الماني زي الفيكترا
......
بص حضرتك ماتحطش في دماغك والله العظيم العربيه تحــــفه ومن العربيات اللي ناوي اجيبها بعدين ان شاء الله
عربيه محترمه جدا وشكلها تحفه فنيه ( بالزات لو لونها سيلفر ) وموتورها حلو وسريعه
اهم حاجه انك تهتم بالصيانه الدوريه بتاعتها عشان العربيات المحترمه دي بتبقي محتاجه اهتمام عشان تريحك
وأي مشكله تلاقبلك لا قدر الله تعالي قسم اوبل و هنفيدك
..
وبردو كمل في موضوعك مع التوكيل عشان تديهم علي عنيهم شويه
ومنه لله منصور اللي ضيع سمعه اوبل في مصر
وعلي فكرة لو مش عايز تتعامل مع التوكيل.. في مراكز صيانه أوبل محترمه جداا ممكن تتعامل معاهم

**حماده المصري** · 30-04-2012 06:01 AM

المشاركة الأصلية كتبت بواسطة melagouze

________________________________________________
شكرا يا حماده علي كلامك.......اهوه الي مضايقني انهم لو كانوا قالوا انها تقفيل بولندي ....كنت هسيبهم و همشي بردو....

العربيه و الله جميله و مريحه جداااا...هوه طبعا شايل منها حاجات زي البلوتوث و حساسات الركن و usb في الفئه الاولي ....بس بجد العربيه ما شاء الله جميله..السحب بتاعها مش هقولك جامد بس هوه معقول لحد 60 كيلو و بيتحسن مع الوقت ( العربيه لسه بتلين و معملتش 1000 كم) بس لو قرصت العربيه responsive

..انا و الله عملت كده علشان يبطلوا يخدعوا ناس غيري انا عارف ان ممكن دمهم يتحرق لو قروا موضوعي ده

صدقني متوجعش دماغك خالص خالص خالص العربييه ممتازه

وهو ده دلوقتي مبدا التصنيع ف العربيات لان خلاص صعب تلاقي عربيه كل مكوناتها الماني او ياباني مثلا هوه ده اتجاه الصناعه حاليا العماله في المانيه غاليه جدا والسياره تكلفتها هتغلى وبرضو مفيش ضامن لعدم وجود عيوب صناعه اكيد هيبقى فيه مع انها العماله رقم واحد في العالم

ف ده اتجاه تصنيع العربيات كلها دلوقتي كل الشركات عندها مصانعها في الدول الناميه وبتصنع فيها العربيات بدون مشاكل خالص اوفر ليهم ولينا

**melagouze** · 30-04-2012 09:27 AM

المشاركة الأصلية كتبت بواسطة حماده المصري

صدقني متوجعش دماغك خالص خالص خالص العربييه ممتازه

وهو ده دلوقتي مبدا التصنيع ف العربيات لان خلاص صعب تلاقي عربيه كل مكوناتها الماني او ياباني مثلا هوه ده اتجاه الصناعه حاليا العماله في المانيه غاليه جدا والسياره تكلفتها هتغلى وبرضو مفيش ضامن لعدم وجود عيوب صناعه اكيد هيبقى فيه مع انها العماله رقم واحد في العالم

ف ده اتجاه تصنيع العربيات كلها دلوقتي كل الشركات عندها مصانعها في الدول الناميه وبتصنع فيها العربيات بدون مشاكل خالص اوفر ليهم ولينا

انا فاهم كلام حضرتك كويس.....و انا راجل عايش في البيزنس و فاهم استراتيجيات الشركات دلوقت ....و كلام سيادتك ده مظبوط......100 % .....

**haitham2011** · 30-04-2012 11:14 AM

بص يا بن حتتي
اولا ربنا يديك خيرها و يكفيك شرها و يبعد عنك العين
ثانيا خليك وراهم و لو عرفت تاخد حقك متسيبوش بس فنفس الوقت حاول تتمتع بالعربيه لأن لو كرهتها فاولها مش هترتاحلها بعد كده
و ربنا يباركلك فيها

**melagouze** · 30-04-2012 11:30 AM

المشاركة الأصلية كتبت بواسطة haitham2011

بص يا بن حتتي
اولا ربنا يديك خيرها و يكفيك شرها و يبعد عنك العين
ثانيا خليك وراهم و لو عرفت تاخد حقك متسيبوش بس فنفس الوقت حاول تتمتع بالعربيه لأن لو كرهتها فاولها مش هترتاحلها بعد كده
و ربنا يباركلك فيها

شكرا يا هيثم لذوقك و نصيحتك

**ahmedkhairy** · 30-04-2012 01:47 PM

برافو عليك اللى عملته معاهم
وياريت ما تسيبش حقك وتفضحهم على النصب

**N.a.j.d** · 30-04-2012 02:30 PM

حاجه محزنه فعلا توكيل زي دا يعمل بالعربيه زي اوبل كدا

**Mohamed.Ramah** · 30-04-2012 03:13 PM

واضح اتباعهم نفس الثقافة والسياسة حتى فى بيع قطع الغيار والفيصل النهائى حيكون مدى معرفتك بالسيارة ومعلوماتك عنها كمجمل كانك حتمتحن للاسف التوكيلات غير جديرة بالسيارات البتنزل مصر ولا فى اى رقابة من اى جهة

**Anxs111** · 30-04-2012 04:15 PM

جزاك الله كل خير وأن شاء الله يرجعلك حقك لأن من الأخر دي عالم حرامية ....لو واحد بيشتري حاجة بألف جنيه والبياع قاللو دي ألماني وبعدين طلعت مش ألماني بيرجع ينفخ البياع ويتخانك معاه ...
ما بالك بعربية ....
خليك وراهم وأن شاء الله ينصرك لأن هما واضح أنهم مقلقين وإلا ما كانوش رجعولك تاني وبيقلك هيعودوك ...
دة غير الثواب بتاع أنك نبهت الناس ....