الموضوع: عايز تحسب استهلاك عربيتك ... تفضل هنا

اخوانى الاعزاء

السلام عليكم ورحمة الله وبركاته

اسمحوا لى ان اسرد كيفيه

حساب استهلاك البنزين




انا كنت مسافر من يومين

والعربيه عامله معايا فى الصفيحه ( 20) لتر 207 ك مشاء الله عملت 363 ك وحطيت 35 لتر
من اول ماتحركت فى القاهره مروراً بالدائرى اللى كان واقف لغايه بعد مسطرد

طبعا ممكن واحد من الافاضل يقول دا استهلاك عالى بس نلاحظ الاتى

السواقه كانت على سرعه 120 الى 140 وكان فى حرق وكيك دوان فى الاماكن المفتوحه فى الدائرى وعلى الطريق الزراعى وطريق دفره

وطبعاً دا جواه استهلاك داخلى وخارجى

( داخل القاهره ووصله من الطريق المتفرع من الزراعى تقدر بـ 36 كم طريق فردى وسرعه متفاوته وبطيئه فى بعض الاحيان مع الاستمرار فى تشغيل التكييف رايح جاى)


ياجماعه اللى بيقول ان العربيه دى بتاكل بنزين يبقا بيظلمها


هناك عوامل كثيره تساعد على استهلاك البنزين وزيادته

وهى على سبيل المثال لا الحصر

* مقابله الهواء لك فى الطريق.

*السرعه العاليه وارتفاع الـ ار بى ام عن 3

* الحرق والكيك داون

* تشغيل التكييف

* الزحمه

* التسارع المفاجى



عايز حضرتك تحسب استهلاك البنزين صح

اعمل الاتى :



ودى وصفه مجربه لآستهلاك البنزين


سواءا كانت العربيه اوتو او عادى فيتم حساب استهلاك البنزين طبقا للموضح بعد


اولا:

فول عربيتك لحد الزور ( يعنى اما عينك تشوف البنزين) مش اول ماالمسدس يفصل الواد بتاع المحطه يقولك كدا فولت ( لان العربيه بتاخد تقريباً 3 او 4 لتر ) بعد فصل المسدس. وطبعاً حضرتك تكون مصفر عداد الرحلات


ثانياً:

تمشى فى طريق سريع بسرعه ثابته وهى (90) كم او (100) ويكون الـ ار بى ام على 2.5 او 3 ومايزدش عن كدا

وبدون تكيف لمسافه 100 كم او 150 او200 حسب طول المسافه.


ثالثاً:

تدخل اقرب محطه بنزين وتفول زى اول مره لغايه الزور وتشوف العربيه خدت كام لتر تقسموا على المسافه يطلع استهلاك السياره بالضبط
-


*اضرب الناتج الى طلع ×20 ( اى الصفحيه) يطلع العربيه بتعمل كام كيلو متر فى الـ 20 لتر

( اى الصفيحه)


مثال على ذلك


لو انت مشيت 200 كيلو متر وحطيت بنزين 15 لتر يكون 15/200 =13.33 كم


اى ان اللتر الواحد عمل 13.33 كم تقريباً


نضرب الـ 13.33× 20 لتر بنزين ( الصفيحه) =

266.67 كم تقريباً


اى ان الـ 20 لتر ( الصفيحه ) تعمل 266 كيلو متر تقريباً


( مثااال طبعاُ من مش حقيقه )


اما داخل البلد فانه لايمكن باى حال من الاحوال حساب ذلك بدقه

لان الاماكن التى تسير فيها مختلفه من ناحيه السرعه والزحام الموجود فيها ولكن احنا بنحسبها بالتقريب

وكمان داخل فيها تشغيل التكيف او لا بالاضافه الى انه قد يحتاج منك الطريق

كيك داون ان فتح الاوفر درايف



ارجو ان اكون افدت حضراتكم



ولكم كل الشكر والتحيه والاحترام لكم جميعاً