عرض للطباعة
الحمد لله اشتريت الى كنت بحلم بيها سيفيك 2008
المهم انا لما كنت بدور لقيت كل او اغلب العربيات ال 2008 فيها علبه دريكسيون وقررت اشترى وحده بلعيب ده واصلحه بنفسى . انا عايز اعرف لو حد صلح العيب ده بره التوكيل ولا لا وكلف كام وفين . ياريت ياجماعه حد يساعدنى انا ساكن فى الغردقه وماليش حد يعرف حاجه عن السيفيك غير القسم هنا
شكرا
كان فيه مشاركه سابقه لزملينا هيثم كمال كان عملها في الحرفيين عند واحد و كلفته 450 جنيه هادور عليها و احطها و الف مبروك
الف مبروك و اختيار جميل و ربنا يباركلك فيها و يكفيك شرها
اولا الف مبروك على العربيه و على عضويه الهوندا و ربنا يديك خيرها و يكفيك شرهااقتباس:
المشاركة الأصلية كتبت بواسطة diver
اللى هيفيدك فى الكلام ده سامح منسق القسم
لان انا مش متمكن اوى فى تصليح علبه الدركسيون للجيل التامن
^_^
يا جددددددددع ده بيقولك فى الغردقه يا عم هانىاقتباس:
المشاركة الأصلية كتبت بواسطة hany63
عايز تلبس الراجل فى الحيطه :d:d:d
حبيبى يا كبير
^_^
والله عارف انه من الغردقهاقتباس:
المشاركة الأصلية كتبت بواسطة ahmedeihab
افرض انه بيعمل مصالح بالقاهره اهو يصلحها بالمره و هو كان حد في قسم هوندا من الغردقه
و على العموم ادي الرابطhttp://www.nilemotors.net/Nile/283439-2007.html
ايه يا عم هانى ده انا بهزر معاك يا كبيراقتباس:
المشاركة الأصلية كتبت بواسطة hany63
^_^
الله يبارك فيكم يا جماعه انا صحيح من الغردقه بس هنزل القاهره عادى خالص واساسا اشتريت العربيه من القاهره
حبيب قلبي يابو حميد مانا عارفاقتباس:
المشاركة الأصلية كتبت بواسطة ahmedeihab
معلش يا جماعه حاجه كمان زيت الفتيس بتغير كل اد ايه ولا مبيتغيرش .
30 الف كيلواقتباس:
المشاركة الأصلية كتبت بواسطة diver
و يستحسن تحط زيت فتيس ممن النضيف انصحك شل
عن تجربه شخصيه
^_^
الموضوع ده بالذات لازم تحط من اللي بيحطه التوكيل بس مش عارف نوعه ايه ممكن تسألهم على اساس انك خارج القاهره وتتأكد كمان لو فيه فلتر بيتغير ولا لأاقتباس:
المشاركة الأصلية كتبت بواسطة diver
الف مبروك
يا باشا
اولا الف مبروك
بالنسبة لعلبة الدريكسيون لبها 3 حلول :
1- تغيير جديد بـ 7000 جنيه
2- استيراد 2500 بس مش معمرة لان معظمها بيكون خلع عشان العربيات اللى بتيجى من بره بتكون عليها المواتير ال 1800 ودى بتنزل بعلب باور زيت مش كهرباء زى اللى عندنا
3- التصليح ، وده الحل الوسط وبيكلف من 450 الى 500 جنية وفيه ناس كتير بتعمله ، لو قررت تعمله كلمنى لما تكون نازل القاهرة ان شاء الله واتفقلك مع الميكانيكى بتاعى .
بالنسبة لزيت الفتيس ، اول مرة يتم التغيير على 60 الف كيلو ، وبعد كده على 40 الف كيلو
الزيت المفضل هو atf-z1 ، وده موجود عند مجدى الدسوقى و توشكى والتوكيل طبعا ، بس مش فاكر سعره كان كام .
بجد شكرا كتير هيثم على المعلومات اامهمه ديه .ممكن تدينى رقم تليفونك عشان اكلمك ونتعرف لو مش بغلس
تمام يا باشا وهو صناعة سنغافورى واللتر بيعمل 90 جنيةاقتباس:
المشاركة الأصلية كتبت بواسطة haythamkmal
الف مبروك يا باشا على العربيه وعلى الانضمام لوحوش الهوندا ...
وكمان طلعنا بلديات :) هنا الرجاله مش هتسيبك وقبل متعمل اى حاجه اسأل هنا وان شاء كل حاجه تتظبط فى العربيه
الف مبروك يا باشا و ربنا يباركلك فيها ان شاء الله و زى ما وائل بيقول قبل ما تعمل اى حاجه فيها اسأل استشير و الرجاله هنا هتقوم بالواجب :-)
هو ده عيب فى الموديل ده وايه اسبابه واعراضه
ياباشا انا يحصلى الشرف ، تليفونى 01009000131اقتباس:
المشاركة الأصلية كتبت بواسطة diver
منتظر ردكماقتباس:
المشاركة الأصلية كتبت بواسطة ahm128
ده فعلا عيب صناعة فى موديلات 2007 و 2008 و قل بنسبة كبيرة جدا من اول موديلات 2009ة.اقتباس:
المشاركة الأصلية كتبت بواسطة ahm128
طرقنا الجميلة هى السبب فى هذا العيب خصوصا ان علبة الباور كهرباء .
اعراضة انك بتسمع صوت خبط ونقر فى الطرق الغير ممهده .
العيب ده موجود في عربيات كتير بس بتكون باور كهربه
عندي في الدايهاتسو السيريون نفس العيب وعملتها عند عفشجي عادي جدا ومتكلفتش حاجه خالص
الاعراض كانت تخبيط في العفشه في المكسر واحيانا صوت خبط حديد في الدركسيون
العفشجي فك الاسكاترا وشحمها واخد البوش بتاعها وربطها كويس وركبها واختفى الصوت والحمد لله الدركسيون تقل حاجه بسيطه بس نعم جدا
جزاك الله خيرا
العفو ياباشا
مع العلم ان التوكيل بتاع العربيه كان بيغير الاسكاترا او العلبه زي ما بيقولوا في الضمان وكانو بيقولوا انها علبه معدله وبرده شويه ويرجع الصوت يظهر تاني
شكرا يا استاذ على الرد
1000 مبروك يا فندم
عندى نفس الصوت فى ال 2007 وكنت فاكرها جلب مقصات! كده شبه اتاكدت انها علبة دريكسيون والاقرب انى هصلحها ان شاء الله بس يا ريت لو حد من الرجاله يقول لى على ميكانيكى كويس ويكون فاهم فيها والف شكر
الف شكر يا جماعه ومش عارف من غيركم كنت همل ايه
انا كنت كل يوم هنا فو المنتدى بتعلم ازى اختار عربيه كويسه من غير ما يضحك عليا وفعلن انا وبتفرج البايع يتفاجء ان انا فاهم كل كبيره وصغيره فى العربيه ودا بفضلكم