السلام عليكم ورحمه الله وبركاته
انا مصرى بس مقيم فى السعودية ولكن لسه فى بدايته حياتى
فكرت انى اشترى عربيه زيرو بس تكون مرتفعه عن الارض 4*4 بس يكون السعر حنين متكنش فوق اوى فا واحد من اصحابى دلنى على لادا نيفا 2012 قالى انها فى منها مكيف وباور وفتيس غرز وشكرى فيها جدا
بس انا للاسف معرفش اى حاجه عنها سعرها وكليها قطع الغيار هل روسى ولا مصرى
فرجاء شديد من اهل الخبره الكبيره فى المنتدى العظيم دا افادتى هل اشترى العربية دى ولا لاء؟
وشكرا لكل الاعضاء
العربية كويسة ومعمرة وكل حاجة بس رأيي المتواضع انها ممكن ما تناسبش حضرتك أنا كنت عايش فالسعودية نصف عمري وعارف نوعية العربيات فالسعودية ومدى الرفاهية وحاسس ان حضرتك بتدور على 4*4 عشان الحجم والرفاهية ... فهي مش هتنفعك لانها مش في فئة الــ 4*4 القوية الرفاهية .. أما بقى لو حضرتك مهندس مثلا و محتاج عربية حمالة قسية لمشاويرك في مواقع العمل و تكون مصاريفها على قدها أكيد النيفا 10/10 وتستاهل فلوسها :) أتمنى أكون أفدتك ولو حضرتك ناوي تشتريها كعربية عملية مش رفاهية وعندك استفسارات تانية احنا كلنا فالخدمة :)
تسلم ياباشا على الرد الجميل دا
انا عارف ان السيارات هنا فى السعودية تانيه خالص
بس الموضوع انو انا عندى مزرعه فى البحيره وبظطر انى امشى على اراضى تراب كتيره وحدود الفلوس اللى معايا دلوقتى 75000 جنيه فلو جبت فيرنا ولا لانوس ومشيت بيها على التراب كتير اظن انها مش هتستحمل معايا فعلشان كده انا فكرت فى النيفا
بس انا عندى شويت اساله
اولا السياره واسعه من جوه ولا ضيقه اوى
ثانيا المكيف بتاعها عامل ايه
ثالثا قطع الغيار متوفره ولا لاء
ولو عندى اى اضافه ممكن توضحهالى يبقى جزاك الله كل خير
والف شكر على الرد
مادام عندك مزرعة
هات نيسان او تويوتا ربع نقل باور و تكييف و سنتر
افضل و اسرع و اريح و اكثر عملانية من النيفا
نص نقل؟؟؟؟متنفعش معايا انا بتكام على الادا نيفا رجاء الله عنده معلومات يساعد وجزاه الله خير
طيب تمام توكل على الله :) هتفيدك ان شاء الله كويس ان حضرتك عندك خلفية بقى عن فرق الرفاهية :d
فيرنا و لانوس كلام فاضي بالنسبة لاحتياجاتك :) ..
قطع الغيار حضرتك تسأل الناس الي فالبحيرة على قطع الغيار ومدى توفرها وأعتقد متوفرة ان شاء الله
المكيف مش قد كده ... هوه شغاال بس مش بكفائة عشان العربية مش معزولة حراريا خالص ..
العربية متوسطة فالاتساع لان العربية بابين و عامة التجربة خير دليل بس هيه تاخد أسرة صغيرة عادي جدا جدا تشيل 4 أفراد مافيش مشاكل
حاول جديا تشوف أسعار العربيات الدابل كابينة فالبحيرة ايه أسعارها كخيار قدامك برضه و الله المستعان ولو في استفاسارت تانية اتفضل ..
متابع لاني بفكر في العربيه دي برضه عشان تعرف تسوق بحريتك في الطرق المصريه
لو مفيش عندك
عقده الصيني
التيجو اختيار مناسب
يا اخى الكريم الحمد لله انا من ملاك النيفا ونصحتى ليك كالاتى .
النيفا حلوة وكويسة وقطع غيارها رخيصة بس متستاهلش ل65 الف جنيه حرام ادفع فيها كل ده فى نفس الشكل اللى متغيرش من طفيف جدا من الثمانينات وتفتقر للراحة والرفاهية بردوا وبعدين سعر اعادة البيع بتاعها واقع جدا حضرتك لو دورت على مواقع بيع السيارات هتلاقى موديلات 2009 ب35 الف جنيه فرق كبير جدا بتخسرهم العربية انت اولى بالفرق ده وكمان العربية 2 باب مش 4 وديه مش هتحس بتعبها الا اللى بيركبوا معاك والعربية مش واسعة من الكنبة الخلفية هما 4 افراد وصحتهم حلوة علشان يستحملو التنطيط جواها لانها ناشفة. ومتحولش تقارن بينها وبين اى عربية دفع رباعى زى الاندكروزر والجيمس والحاجات الوحشة ديه ^_^. انا لو مكانك اجيب شيروكى موديل 95 او 96 اسمها جيب وكل الكماليات ومش هتحس بفرق كبير عن مكنت راكب فى السعودية.
انما لو حضرتك غاوى نيفا فانت ممكن تجبها مستعملة موديل 2009 ولا حاجة بنص السعر الجديدة وتبئا وفرت مبلغ ينفعك . ولو عايز توفر اكتر هاتلك نيفا قديمة شوية وجربها معاك وشوف هتريحك ولا لا هتجبها باقل من 20 الف ولو حبيت تبعها مش هتخسر كتير الفين 3 او تبعها بسعرها احسن متخسر ب20 الف جنيه فى مرة واحده على فكرة ماتورها جديد زيرومن التوكيل ب8000 جنيه وقطع غيارها رخيصة وهيتخاف منك على الطريق وهيتعملك الف حساب وخصوصا فى القاهرة وبعدين مش هيهمك لا ميه ولا رصيف بئا ولا عربيات ولا ناس ولا اى حاجة انت عايش فى ملك تانى بس المهم تستحملها وتتعايش معاها .
وانا من رأى جرب تسوق نيفا الاول قبل متشترى وامشى بيها شوية وبعدين قرر وديه نصيحة لوجه الله.
طب هو في Test Drive في التوكيل العقيم بتاعها ؟ و بعدين هل قطع غيار النيفا القديمه تنفع علي الجديده ؟ عشان بس الواحد لا يرتبط بالتوكيل
انا بصيت بصه علي النيفات اليوزد علي كونتاكت ... كلهم موديلات تمانينات
السلام عليكم
والله يا جماعه انا مش عارف اقولكم ايه انا سعيد جديا بالردود الاكثر من ممتازة وبشكر كل الاخوان اللى ردو على الموضوع
انا حابب اننا ندردش مع بض شوية
الاول انا والدى فى الجيش وهوا اللى قالى ان العربية دا حمالت اسية
ثانيا بالنسبة للعربيات الصينى انا عندى منها عقدددددده كبيره ابن عمى انا جايب عربية شيرى a11 long موديل 2009 زيرو ودلوقتى العربية خرررررده فاموضوع انى اجيب عربية ابوشن بس متستحملش اضن انها فاشلة ولا انتو مخلتفين معايا.
ثالثا موضوع ان الواحد يجيب مستعمل بينى وبينكم انا تعبت من المستعمل الجديد جديد انا ولا ايه
انا عارف ان العربية مفيهاش ابوشن بس انا بقول لو العربية تعابنه زى ما الناس بتقول مظنش انها هتستمر لحد دلوقتى وبعدين كلنا عارفين ان الطرق المصرية زى الفل
ياريت يا جماعه نتحاور لحد ما نتوصل لحد وسط انا عارف انى بتعبكم معايا
وشكرا جزيلا لكل الاعضاء
التيجو الصينى افضل من النيفا بكتير http://img600.imageshack.us/img600/2226/resizeke.jpg
السعر الى معاك كويس ممكن تشترى اسبرانزا تيجو واسعة وكبيرة وفى كماليات جميلة بمعنى اصح فرق كبير جدا بين النيفا و الاسبرنزا تيجو التيجو الاتوماتيك هاى لاين تقريبا بتعمل 95 ممكن تجيب واحده وتقسط الباقى او تجيب واحده 2009 مثلا او 2010 وعلى فكرة النيفا الحديث فشلت لغلاء سعرها مع امكانيتهااقتباس:
المشاركة الأصلية كتبت بواسطة mr_who247
موضوع انها بقيت خردة ده فرق استعمال يا باشا انا شوفت عربية سيات موديل 80 فابريكة برة وجوة بس اية حكاية بويتها عملة زى المرايا وعلى فكرة الشيرى a11 من العربيات المحترمة وصاجها تقيل وهى اصلا تقليد السيات توليدو 1995 و الاسبرانزا تيجو برضة عربية حلوة وتستحمل الماشقة مش ورق يعنى وربنا يوفقكاقتباس:
المشاركة الأصلية كتبت بواسطة mr_who247
متوصلناش لحاجه برضه
يا جماعه والله انا احترت اخدها ولا لاء
حد يدلنا
وبارك الله فيكم
انزل حضرتك سوق الجمعة واتفرج عليها هناك وهتلاقى باسعار كويسة وشوف واركبها وجربها وشوف ارتياحك النفسى عنها ايه. تعب يوم بس هيفرق معاك كتير. وشوف بردوا السوزوكى فيتارا عربية محترمة .:b4_048:
[QUOTE=MOSHAKS;3874290924]انزل حضرتك سوق الجمعة واتفرج عليها هناك وهتلاقى باسعار كويسة وشوف واركبها وجربها وشوف ارتياحك النفسى عنها ايه. تعب يوم بس هيفرق معاك كتير. وشوف بردوا السوزوكى فيتارا عربية محترمة .:b4_048:[/QUO
فكره حلت موضوع TEST DRAIVE
بس احنا كنا عاوزين نسال مجرب بردو اكيد لو واحد عنده نيفا هيقدر يفيدنا
شكلها مده خلص الحوار
توكلنا على الله لادا نيفااا
وعلى البركة