الموضوع: الشكل الجديد للصني هتنزل بمصر في....

المشاركة الأصلية كتبت بواسطة rafeee2

على فكرة لو رجعت لعنوان الموضوع هتلاقى اننا بنتكلم عن الشكل الجديد اللى منزلش مصر رسمى، محدش جاب سيرة المنتجة محلياً

و متشكر على كلمتك الجميلة (الفتى)

حضرتك قلت ان العربية مصممة ومصنعة فى الصين، فى حين ان الشكل الموجود فى الخليج حاليا حتى لو كان هو اللى انت تقصده ، ما هو إلا face lift للشكل الحالى المصمم فى اليابان بدون اى تغيير آخر فى السيارة ، يعنى العربية هى هى بنفس التصميم اليابانى، إلا اذا كنت بتعتبر ال face lift تصميم ، والface lift ده يا إما اتعمل فى نيسان وهو الاحتمال الأغلب ، يا إما اتعمل فى سامسونج تحت اشراف نيسان، يبقى فين الصين فى التصميم، السيارة تحمل شاسية وجسم وابواب وسقف وكل شى ماعدا شوية البلاستيك اللى فى وش وضهر العربية يخص الN16 المصممة فى اليابان، ,لو دورت على صور لنيسانN16 هتلاقيها بأربعة اشكال على الأقل تباع فى اجزاء مختلفة من العالم بأسماء مختلفة لكن كلها تشترك فى شكل السيارة الأساسى ماعدا الفوانيس الامامسة والخلفية والاكصدامات والشبكة ، هتلاقى الصنى المصرى والشكل الخلجيى وهتلاقيها باسم سنترا بشكل تالت وباسم ألميرا بشكل رابع لكن البروفيل الجانبى اللى هو اساس السيارة كله واحد،اما بالنسبة للمحرك فكل الN16 ايا ما كان اسمها او شكلها تحمل محرك QG**DE (** تعبر عن السعة اللترية وهى 13 او 16 او 18) والموجودة فى مصر QG16DE ، وبرضه المحرك ده مصمم فى اليابان ، يبقى فين الصين من تصميم السيارة، حتى الموجودة فى الخليج، وفين كوريا من تصميم السيارة، حتى الموجودة فى الخليج، يعنى بأقصى الفروض ممكن تكون سامسونج هى اللى صممت الفوانيس الجديدة تحت اشارف نيسان، يبقى كدة خلاص بقت تصميم صينى؟

تحيا مصر يا عم :)