-
طبة الكارتيرة بتجيب زيت
ياجماعة الطبة عندى بتنقط زيت
اية الحلول المتاحة عشان الزيت نقص من غير ما اخد بالى وزودة
هل صامولة ووردة الطبة بتتغير وخلاص على كدة لو كدة هعملها النهاردة الصبح
ولا بيفك الكارتيرة ويعمل سن جديد فى المخرطة دى بقى محتاجة يوم وروفة لانى اكيد هسيبلة العربية وابقى ارجع اخدها
وهل لو جبت سيليكون حرارى وقفلت حوالين الطبة والصامولة كويس جدا هيمنع التنقيط كحل مؤقت ولا فاشل
ارجو سرعة الرد
عشان مقلق ومعرفش المقدار اللى بفقدة والعربية ماشىة وطبعا الزيت لما بيسخن بيخف وينقط اكتر
-
متقلقش انت ممكن تفك الصموله وتجيب وحده مكانها وتريح دماغك من عند اى حد بتاع مسمار ولما تغير الزيت اكد عليها كل فتره لان الطرق مش كويسه وتفك اى صموله فى احسن عربيه
-
الصامولة والوردة بيتغيروا ......... وموضوع خرط السن الجديد مش هاينفع لأن مكان القلاووظ الأصل مهرى ومتاكل ولو خرط يبقى هيخرط على سن قلاووظ أقل يبقى لازم برده تغير الصامولة والوردة لمقاس القلاووظ الجديد ....... السيليكون هيمشى الدنيا وهايمنع التسريب بس ده حل مؤقت وإحنا داخلين على الصيف ........ ولمعلوماتك الإيبوكسى أفضل بس إبقى قابلنى لو عرفت تفك الطبة بعد كده
تحياتى وإحترامـــــــاتى
أخوك هيثم الألمانى
-
رايي المتواضع انك تبدا تجرب الاسهل وهو تغيير مسمار الطبه باخر نفس المقاس علي احتمال ان يكون قلاوظ المسمار هي اللي بايظه ,تمام
لو جابت زيت تاني يبقي ده شغل الخراط هيكبر سمك القلاوظ يعني لو المسمار الاصلي مقاس 15 ملي هيقلوظ بسن دكر مقاس 17 ملي وتشتري مسمار طبه جديد مقاس 17 ملي وبس ربنا يوفقك
-
متشكر جدا ياجماعة على المساعدة
انا بالزات اليومين دول مشغووووووول
فاهجرب اجيب سيليكون حرارى النهاردة واقفل حوالين الطبة واشوف هتمنع التنقيط ولا لأ
واول ما افضى هروح للميكانيكى يغير صامولة الطبة
بس يارب موضوع السيليكون دة يجيب نتيجة \
على العموم هجرب ومش خصران حاجة
-
روحت النهاردة للميكانيكى
غيرنا صامولة الطبة بالوردة
بس جاب الخراط الاول عمل الطبة بسن دكر
وركب الصامولة الجديدة بالوردة والحمد لله
كنت عملت موضوع السيليكون دة كامسكن زى ما قولت
بس بس هقدر اقول فاشل ومش هقدر اقول جاب نتيجة
هو قلل عملية التنقيط فقط يعنى بدال ما كانت بتنقط 10 نقط
بعد السيليكون نقطتين
وشكرا كل اللى تابع معايا المشكلة
Content Relevant URLs by
vBSEO 3.6.0 PL2