سؤال لأصحاب الفليشيا
أنا عايز أشترى علبه دركسيون واربع مساعدين وسوست
أجيب استيراد ولا جديد
فى ناس نصحونى بالاستيراد نظرا لعدم جوده قطع الغيار الجديده والتكلفه ايضا
أرجو الافاده و النصيحه من تجارب أصحاب الفليشيا
وشكرا لكم
عرض للطباعة
سؤال لأصحاب الفليشيا
أنا عايز أشترى علبه دركسيون واربع مساعدين وسوست
أجيب استيراد ولا جديد
فى ناس نصحونى بالاستيراد نظرا لعدم جوده قطع الغيار الجديده والتكلفه ايضا
أرجو الافاده و النصيحه من تجارب أصحاب الفليشيا
وشكرا لكم
اخى الفاضل
السلام عليك
مبدأيا اكشف على علبة الدركسيون ربما تكون محتاجة تشحيم محترم (امريكي) و طقم حشو بدل التكلف
اما لو فعلا مقتولة فهاتها استيراد ويكون معاك عفشجي مش ميكانيكي
بالنسبة للمساعدين ده اكيد اكيد اكيد جديد لانك استحالة هاتعرف عمرهم ولو حصل وحد اشتراهم استيراد وطلعوا كويسين ففى اكتر من حد اشتراهم وبعد شهر باظوا او على الاقل واحد منهم
السوست استيراد لان التفاوت بين سعرهم جديد واستيراد كبير وبرضه معاك عفشجي مش ميكانيكي
واحنا فى الخدمة
تجربتي من اسبوعين في موضوع العفشة
اشتريت علبة دركسيون لأن العلبة عندي كانت بتاعتها من97 واتعملها حشو كذا مرة وتعبت خلاص، العلبة اللي اشتريتها صيني ماركة vika افضل الصيني (المستورد أحمد عمر، ومنها مغشوش) ثمنها 350ج.م ولاقيت الماني يبدأ من 650 وحتى 900، والأصلي 1550ج.م. وبصراحة كنت هشتري الألماني بس اتأكدت إنها مش أصلي وغالبا مش ألماني، فقلت كدا كدا مش نمرة واحد يبقى أجيب أحسن حاجة في الصيني، ومش هتلاقي تركي.
طبعا كان الوقت بالنسبالي حيوي، إنما نصيحة الميكانيكي وصديق آخر إني اشتري علبة استيراد واللي يجيبها الميكانيكي أو العفشجي وبرضه هتعمل حوالي 300ج.م وتشتريلها كاوتشات وطقم حشو وشحم وتبقى سوبر، بس كنت مسافر بيها تاني يوم والوقت ضيق. واشتريت جلب وبيض مقصات لأن المقصات سليمة بس سألت عليها ولقيت نوعين 175 و150 ج.م الغالي محمل شوية وأنظف. وطبعا كاوتشات كبالن وشحم وفبرة دركسيون ودياولو وخلصت الساعة 12 ليلا، وظبطت الزوايا والحمد لله شغالة كويس، بس أنصحك لو الصنايعي أمين وخبير يشتريلك علبة دركسيون استيراد بيقولو أمتن وتعيش أكثر.
أما المساعدين كنت مشتري جوز خلفي استيراد من سنة والحمد لله تمام بس اللي جابهم الميكانيكي بنفسه وكلفوني 220ج.م وكان الجديد ساعتها 450ج.م
علبة الدريكسيون هاتها تركى افضل من الاستيراد من وجهة نظرى لانها هتاخد وقتها وهتغيرها والاستيراد انت وحظك فيه اما بالنسبة للمساعدين هات جديد برده انا جربت استيراد ومكملش شهر اما السوست فالعفشجى يجيبهم لك استيراد افضل من الجديد لانهم بيبقو محملين شوية واما تخلص ان شاء الله ياريت تفيدنا بالاسعار وتعمل تقرير باللى انت عملته عشان نستفيد وبالتوفيق
انا جبت من اسبوعين
علبة دركسيون صينى موصفات اتحاد اوربى اسمها فيكا ب300 جنية
وجبت جوز مساعدين اللمانى اصلى مساعدين خلفى ب500 جنية
من السيد صلاح من وسط البلد
على فكره انا قريت اسم المستورد لقيت اسمه كونتكت ايجيبت فهل دى المغشوشة؟ مع العلم انها فيكا