تعقيبا علي مايحدث - رساله لاداره نايل موتورز

**Nile_Storm** · 11-06-2008 09:28 PM

السلام عليكم

طبعا كلنا شفنا الايام اللي فاتت المحاولات الفاشله التي يقوم بها اعداء النجاح لزعزعه منتدانا و هم واهمون
احب اقول لاداره المنتدي

لا تلتفتو لمثل هذه المهاترات فانتم اكبر منها
و الكل هنا يعرف مجهودكم الذي لولاه لما وصل نايل موتورز لهذا المستوي
و الشئ الناجح هوا من تحاصره الشائعات و اعداء النجاح
وهذا الفتره علمتنا الفرق بين اداره محترمه و اداره غير مسئوله

اعلموا
ان نايل موتورز ده شئ مهم في حياتنا

لولاه مكنتش اتعرفت علي كل الشخصيات المميزه دي
لولاه مكنتش حتي عرفت اشتري عربيه
لولاه مكنتش بقيت نايل ستورم :)
لولاه مكنتش استفدت ولا افدت حد

باختصار ده بيتنا التاني و كلنا بنخاف عليه
الي الامام يانايل موتورز

و اخيرا
سيروا كما كنتوا و لا تلتفوا لشئ
فالقائد الماهر يركز في طريقه و لا يركز في من يعوي في جنبات الطريق

رساله من شخص لاهو من الاداره و لا من الجمعيه العموميه " اول مره اعرفها :) " و الله يعلم مابقلبه من حب لهذا المكان
و ما ادين له من حب و تقدير و فضل
هذه ليست دعوه للنفاق او الرياء اعاذنا الله منها
و من يعرفني عن قرب سيعرف مدي حبي لهذا الكيان

و الله اعلم بما بالنفوس

و السلام عليكم و رحمه الله و بركاته

**tutankhamoun** · 11-06-2008 09:30 PM

هو فيه أيه ؟؟؟

**OlaOsman** · 11-06-2008 09:31 PM

لسه و الله كنت باقول ان لولا الإدارة المحترمة للمكان ده لكان له شأن آخر.

جزاكم الله عنا كل خير و أعانكم.

مش عارفة ليه حاسة ان الموضوع ده ممكن يتحذف!!

**Nile_Storm** · 11-06-2008 09:36 PM

عامه مش هزعل لو انحذف بس علي الاقل هتكون وجهه نظر وصلت

**Chicco** · 11-06-2008 09:38 PM

نايل ستورم باشا ...بارك الله فيك..... قلت كل ما أريد قوله و باسلوب أفضل ...أضم صوتي ليك يا أخي الفاضل
توت باشا ...باختصار في رسايل كتير بتتبعت في أوقات متأخرة (بتوقيت مصر ) بتحتوي على إتهامات لادارة نايل موتورز و شتائم و ساعات بتدعي انها من أدارة نايل موتورز نفسها و بتبقى مكتوبة باللون الأحمر و تدعو الناس إلى استخدامه......مما دفع أدارة المنتدى إلى حذف الرسايل ديه طبعا و نشر كذا اعلان عن شخصيات أعضاء الأشراف و كيفية بداية المنتدى ......
ربنا يهدي الجميع

**hamedo0** · 11-06-2008 09:47 PM

انا مش فاهم حاجه ايعني ايه ناس بتدعي انها الاداره

**tutankhamoun** · 11-06-2008 09:49 PM

حبيب قلبي شيكو باشا ............... ألف شكر على التوضيح يا جميل
بس ليه الناس نفوسها بقيت وحشة كدا
أيه اللي بيحصل في المصريين عموما ؟؟؟؟؟؟؟؟؟؟؟؟
بنأكل في بعض ليه ؟؟؟؟؟؟؟؟؟؟

حسبي الله و نعم الوكيل
و تحيا ج .ع. ع ........... هاي هئ

**OlaOsman** · 11-06-2008 09:50 PM

المشاركة الأصلية كتبت بواسطة Chicco

نايل ستورم باشا ...بارك الله فيك..... قلت كل ما أريد قوله و باسلوب أفضل ...أضم صوتي ليك يا أخي الفاضل
توت باشا ...باختصار في رسايل كتير بتتبعت في أوقات متأخرة (بتوقيت مصر ) بتحتوي على إتهامات لادارة نايل موتورز و شتائم و ساعات بتدعي انها من أدارة نايل موتورز نفسها و بتبقى مكتوبة باللون الأحمر و تدعو الناس إلى استخدامه......مما دفع أدارة المنتدى إلى حذف الرسايل ديه طبعا و نشر كذا اعلان عن شخصيات أعضاء الأشراف و كيفية بداية المنتدى ......
ربنا يهدي الجميع

و للأسف انا كمان نالني من البهدلة جانب

**aif** · 11-06-2008 09:56 PM

وفيه كمان رسايل بتتبعت للاعضاء علي الخاص للتشكيك في ادارة المنتدي ومحاولة الصاق تهم باطلة بهم
وانا فعلا حاسس بحملة مسعورة تهدف الي هدم النجاح الذي وصل اليه المنتدي ...
بإختصار ... لولا نجاح المنتدي ونجاح الادارة في ادارته ... لما فعل هؤلاء المغرضون ما يفعلونه ....الشجر المثمر هو الذي يقذف بالحجارة .......
الي الأمام دائما..... ان شاء الله ...