من احلى شباب بالمنتدى
عاوز أسامى محلات فى وسط البلد للبس كاجوال متنوع أولادى وشبابى بأسعار كويسة (تى شيرت -جينز - بنتاكور )
وكمان عاوز اعرف محل احذية كويس (حذاء خاص بمريض سكر)
لو أمكن
مع جزيل الشكر
عرض للطباعة
من احلى شباب بالمنتدى
عاوز أسامى محلات فى وسط البلد للبس كاجوال متنوع أولادى وشبابى بأسعار كويسة (تى شيرت -جينز - بنتاكور )
وكمان عاوز اعرف محل احذية كويس (حذاء خاص بمريض سكر)
لو أمكن
مع جزيل الشكر
يا باشا انزل انت وسط البلد كلها محلات شبابى
و فى عيال بتقف على الرصيف كده و الله بيبعوا حاجات نضيفه جدااااااااا و محترمه اسأل عندهم مش هنخسر حاجه
اما بلنسبه للكوتشى انا معنديش علم للاسف
تحياتى و تقبل مرورى
^_^
LC Waikiki موجود فى Sun City
أسعاره حلوة جدا ........وحاجته جميلة جدا
قصاد كارفور علطول
نزلت أول إمبارح وسط البلد وياريتنى ما نزلت ... زحمممممممممممممة وكله بيخبط فى بعضه (كنت بدون العربية) وإبنى قاللى كويس يا بابا إنك مانزلتش بالعربية ... فضحكت وقلت بينى وبين نفسى (اللى ينزل بعربيته فى وسط البلد يستاهل كل اللى يجرى له)
بس أنا كان نفسى فى كام قميص كده خلاصة ومش مهم السعر فأروح فين بقى ؟
قميص كجول ولا كلاسيك
لو كلاسيك عندك ونان في طلعت حرب اسعاره حلوة أو tie house
لو كاجوال شوف في المول أو انزل جنينة مول أو جراند مول فيهم حاجات حلوة
محلات سترس و wave و or و seventy
الشوز بقى أنا معرفش ده بيبقى اسمه كده وفيه منه مخصوص ولا إيه
بس لو على المريح هات باسكت أو رنينج دول أكتر حاجة مريحة
بس متجبهمش مضروبين هات أوريجينال عشان المضروب بعد كام لابسة الفرش بتاعه بيتبطط وكأنك ماشي على فلات
محلات جنينه مول حلوة فيها كل الي انت بتدور عليها احذيه و قمصان و تيشرتات و اسعارهم معقوله بدل ما تنزل وسط البلد ده لو عرفت تنزل في الايام ديه
انا كمان نفسي اجيب بناطيل جينز تايلاندي او تركي اصلي
وتشيرتات حلوه كدة .. عايز اجيب لبس احس اني مش ندمان اني جبته
وسط البلد كلها بقت حجات تقليد ونصب .. ومهما جبت منها مش بيعجبني
عايز البس لبس شيك نضيف .. ومش عارف اجيبه منين
بعد اذن صاحب الموضوع
بالنسبة للمايوهات ولبس البحر
منين ؟؟؟؟؟؟
كويس ان حد فتح الموضوع ده,,أنا دايخ علي قميص كلاسيك للبدلة,,بس كم لونج...ومش لاقيه في أي حتة.
أنا روحت :
guy la roche
tid lamond
naga homme
tid lapidus
leader
tie house
andora
concrete
sarar
3arafa
Mexx
Daily Dress
ألصالون الأخضر
wannan
six M
حد يعرف ممكن الاقي فين ؟
شكرا
Btm
أيوه....والصراحة برده أنا رحت btm وقيست مقاس اصغر..والراجل قالي هاجيبلك ميقاسك وهيكون كويس
بس يوم الأحد علشان مش فاكر بيجيبه من العبور (مش فاكر ده محل ولا المصنع)
بس كان باكتر من 300.....فاستغليته قوي ..خصوصا اني مش بالبس علطول البدل او كده
في لوسمحت فرع قريب من المهندسين أو وسط البلد ؟؟
اللي اعرفه في سيتي ستارز و جنينه مول
c & c ليه فروع اكيد في اي منطقه انت عيزها
Cuff and collar
ليهم فى سيتى ستارز وش الهرم
بس اتاكد من حاجتين عندهم
المقاسات لانه مختلفة عن باقى الشركات
التقفيل والتشطيب والخياطات
لانى مرة لقيت ديفوة فى جاكت
وجاكت تانى اشتريته خياطة الجيب من جوة فكت ورجعته
اتخيط وفك تانى
عايز اجيب تي شيرتات بيضة سادة حد يعرف منين .. بس مش هي الداخلية .. تي شيرت عادي خروج ابيض بس سادة
انا جبت لبس شتوي من جنينه موول بصراح كان حلو جدا ولأسعار غير ماتوقعت خالص وكانت حلوه جدا وخصوصا موباكو والحاجات القطن كانت حلوه قوي واكتيف برده كان حلو جدا
عايز انزل اجيب كام جاجه برده للصيف
عايز بقي اعرف اجيب منين بدله حلوه وايه الأسعار ؟