لو تكرمتم محتاج معلومات عن الكابريس صابونة موديل 91-96 فى كل حاجة من الصيانة وقطع الغيار وتوافرها واستهلاك البنزين
عرض للطباعة
لو تكرمتم محتاج معلومات عن الكابريس صابونة موديل 91-96 فى كل حاجة من الصيانة وقطع الغيار وتوافرها واستهلاك البنزين
بص ياباشا انا هقولك من واقع لخبرتي للكابريييييس الصابووونة ولكن في السعودية مش في مصر مصر مقدرش افتييييييك فيها الصراحة
91 و 92 و93 نفس الشكل والعداااااد انالووووووج والفئات LS LTZ
94 و 95 LS LTZ عداااااااااد دجيتال ومشاكلهم كتييييييييير (الكومبيوووتر مشاكلة كتيرة )
نيجي بقى للوحش الغزااااااااالة
caprice SS 96 الاسبوووووووووور بس دي انا مشوفتهاش في مصر الحقيييييقة شوفت كم كابريس كدة وسالتهم على قطع الغيار قالوللي متوفرة بس قالبيييهنها غاااز عشان بيتهم ميتخربش من البنزيييييين
بالنسبة للاستهلاك بلااااااااااااااااااااااا ااااعة بنزييييييييييين بس معلش كلمة ليك وكلمة عليييييييييك على اد الشرب بتاع البنزييين على اد مالمطوووور جبااااااار 5700 سي سي وبتولد 285 حصااان تقرييييبا مش متذكر يعني
بس انا رأي العربية د متنفعش في مصر ك بنزيين اقلبها غاز وعاوزلها طرق محتترمة عشان تعرف تجري بيها وربنا معاك
ماانت على قد ماعايز فخامه وماتور جبار هاتديك بس لازم تاخد منك مقابل
ولو هاتركب امريكاني بالذات كابريس في مصر اركب الموديل اللي قبل الصابونه اواخر ال80 لغايه 90
مابحبش واحد يركب امريكاني ويقلبها جاز(سولار) بالمناسبه وهاتقابل كتير
بس الغاز فكره مناسبه للمكن الكبير
بس عايز امريكاني لازم تفهم فيه اكتر بس لعلمك اسهل وابسط من غيره عشان ماتزعلكش كتير
مشكلتنا اننا مابنحبش غطرستهم بس ليهم حق عربياتهم جباره
ولو عايز صابونه اركب الغزاله ss
مالهاش حل
بس اشتري عربيه على حالتها هاتدمنها وترتاح اخر راحه (والله هاتنسيك النسوان او مراتك لو انت متجوز)
يا باشا متشكر جدا لردك لكن مش فاهم حضرتك تقصد اية بان مشاكل 94/95 كثيرة هل بالنسبة للعداد الدجيتال ولا للعربية كمجمل علشان انا الى فاهمة انة من 91-96 موديل واحد مع بعض الاختلاف فى الشكل الخارجى من 94-96 وحتة والغاز معتقدش انها هتكون مناسبة لى علشان انا شبة مقيم بشرم الشيخ وهناك لا توجد محطات غاز ولو كنت مقيم اصلا بالقاهرة مكنتش فكرت من الاساس فى هذا النوع من السيارات وطبعا دة علشان حجم العربية اللى مش عارف لما انزل القاهرة الاسبوع الاجازة كل شهرين ولا حتجة هعمل اية وعلى فكرة انا حابب الشكل من بعد 94 علشان الرفرف الخلفى اللى مغطى نصف الكوتيش مش عجبنى
ولو عايز صابونه اركب الغزاله ss
مالهاش حل
بس اشتري عربيه على حالتها هاتدمنها وترتاح اخر راحه (والله هاتنسيك النسوان او مراتك لو انت متجوز)[/QUOTE]
طب بالنسبة للعيال ولادى هيكون وضعهم اية
ياباشا مساء الفل قولى لية بتفضل الموديل اللى قبل الصابونة و علشان قطع اغيار والصيانة ولا علشان اية بالتحديد
السيارات الأمريكية مظلومة في مصر
طب بالنسبة للعيال ولادى هيكون وضعهم اية
ياباشا مساء الفل قولى لية بتفضل الموديل اللى قبل الصابونة و علشان قطع اغيار والصيانة ولا علشان اية بالتحديد[/quote]
شكلها شارب اكتر من الصايونه
التكنولوجيا بتاعتها اقدم من الصابونه او اقل منها = هايسهل او يقلل مصاريف صيانتها
قطع الغيار اظنها متوفره اكتر في مصر
ومافيهاش مواويل شغل الحساسات والالكترونيات زي الصابونه
السلام عليكم و رحمة الله و بركاته
طااااااااااااااااااب, و ايه رأيك فى الميركورى جراند ماركيييييييييييز, موديلات من 1998 - 2002, أفخم بكتير من الكابريس الصابونة و عربية ما شاء الله, ممتازة و موتورها 4600 مش 5700 زى الكابريس, بس كالعادة, هتاكل بنزين أد وزنها.
و دى تبع فورد, يعنى على الأقل ليها توكيل فى مصر, أما تحتاج حاجة ممكن يجيبهالك بالطلب.
أنا معايا كابريس 77 اوتوماتيك بحالة رائعة وكنت عارضها ب 26 وفضلت انزل بالسعر لغاية 20 الوقتي ولسة مبعتهاش .. كل حد يقولي 5000 سي سي كتير .. على اد ما كنت متحمس لما جبتها على اد منا دايخ علشان ابيعها ومش عارف .. ومع ان موتورها والجير بوكس بحالة اكتر من روعة .. وصوتها انعم من اي عربية جديدة .. ومن جوة مراتب جلد مريحة اكتر من الانتريه اللي في البيت .. وحاطط ليها ساوند سيستم بايونيير .. عربيات اسعارها لا تقارن ابدا بامكانياتها .. اللي يقولي بتشرب بنزين كتير مع انها كربريتير وبتستخدم بنزين 80 وصوتها ناعم فيه جدا .. واللي يقولي قطع غيارها غالية مع انها متوفرة استيراد عند كل بتوع استيراد الامريكاني .. وجديد عند أحمد حمودة في شارع شامبليون .. وجنبه راجل عجوز اسمه سمير .. الاتنين متخصصين حاجة الكابريس جديدة وهما قدام القضاء العالي .. واللي يقولي الضريبة عالية 1100 جنيه .. طيب هوه علشان ال128 ولا اللادا بسعرها يبقى تقارن الضريبتين ببعض .. مع احترامي لأصحاب العربيات دي .. بس اللي يركب كابريس .. العربيات دي بالنسباله زي التوكتوك .. لا فخامة ولا موتور ولا امكانيات .. عربية باور اخف من اي عربية جديدة واتوماتيك وزجاج كهرباء ومثبت سرعة .. ايه يعني لما تدفع 1100 ضريبة انت اصلا لو حسبتها علشان تركب اي عربية تانية قريبة من المواصفات دي وعمر ما في عربية هتبقى زيها بتبقى بضعف السعر عالاقل .. نصيحتي اذا العربية عاجباك توكل على الله .. مفيش مشاكل فيها انا ميكانيكي تحت بيتي اللي بيظبطهالي العربية ميكانيكا ابسط من اي عربية وشاسيه حديد ولا قضيب القطر .. يعني عيبها الوحيد استهلاك بنزين زيادة شوية .. بس مقابل الراحة والفخامة هتحس ان التكاليف الزيادة دي تستحقها واكتر .. نسيت اقولك امثلة للقطع الاستهلاكية .. فلتر هواء ب 35 جنيه .. فلتر زيت 40 جنيه .. مارش جديد 700 جنيه واستيراد 250 .. المكنة استيراد كاملة مبتكملش 4000 جنيه .. الموتور والقطع معمرة جدااااااااااا فوق ما تتصور .. اهم حاجة متنويش انك تبيع لانك هتتعامل مع ناس مش بتديها حقها .. على فكرة انا بتحرك بيها في اسكندرية وفي القاهرة وفي اكتر مناطق زحمة .. العربية باور ناعم جدا .. وثبات عالي وانت بتلف باي سرعة .. بس هاتها تستخدمها لو عملت زيي عايز تجرب الامريكاني فترة بعدين تبيع .. هتخسر جامد ومش هتلاقي حد بسهولة يشتريها .. الا اذا كان بيهوى العربيات دي زي حالاتنا .. اذا ناوي توكل على الله .. بجد عربية روعة بالنسبة لسعرها .. وربنا يوفقك