انا اشتريت سياره اوبل فكترا 2008 ايزي ترونيك و العربيه طالعه على الاوتوماتيك بحس انها مش عايزه تتحرك واللي انا واخدها منو قالي شوف البوجيهات و قالي انت بس علشان رجلك مش واخده عليها ولو غيرت البوجيهات في منصور او مقار تتكلف كام؟ افيدوني افادكم الله
عرض للطباعة
انا اشتريت سياره اوبل فكترا 2008 ايزي ترونيك و العربيه طالعه على الاوتوماتيك بحس انها مش عايزه تتحرك واللي انا واخدها منو قالي شوف البوجيهات و قالي انت بس علشان رجلك مش واخده عليها ولو غيرت البوجيهات في منصور او مقار تتكلف كام؟ افيدوني افادكم الله
ده مش عيب بوجيهات ده عيب اسطوانه وديسك هى العربيه عامله كام الف كيلو؟؟؟؟ والبوجيهات ب140 جنيه 2 شمعه الاصلى جى ام بس مش هم المشكله
عامله 68000
بس مجربتهاش مانيوال اجربها ؟
هى اصلاً مانيوال مبتفرقش غير فى وقت النقله بس 90% دى اسطوانه وديسك غالباً الشخص ده كان استخدابه وحش انا عندى لمي اجيب a او حتى مانيوال بتمشى لوحدها ولو لمست البنزين تسرع طبيعى جدا طيب لمى بتجيب مرشدير بتحس انها بتنتش؟؟ لو كده يبقى اسطوانه وديسك ويفضل ما دام لسه شاريها تغير سيور وفلاتر لأنو اكيد معملش صيانة ال60 وبالمره اسطوانه وديسك ولو هو عارف يبقى حسبي الله ونعم الوكيل فى ومتشغلش نفسك بحاجه تانيه وكان المفروض تكشف فى التوكيل عليها الاول
واخدها من واحد اعرفه و قالي عامل سيرفس 55000 و بتنتش لما اجيب مارش برده طيب معلش الديسك و الاسطوانه بكام و اروح مقار ولا منصور ولا اروح فين
يستحسن انك تعملهم ف التوكيل عشان دي حاجة اساسية وليها ضمان وع مااعتقد تكلفتها 6000 ج
استحاله اسطوانه العربيه لسه جديده ياجماعه
انا كنت مع صاحبها انهارده وهو ساقها كانت ماشيه زي الفل و قالي رجلك هتتعود
و معلش الزرار اللي تحت الفتيس اللي علامه شبه النجمه ده بتاع ايه؟
لو انت كنت بتركب اوتو عادي و خصوصا كوري او ياباني هتحس انها تقيله...روح لحد يعملك adapting للدبرياج هتتحسن معاك...في خبط في النقلات ؟؟ الزرار الي تحت الفتيس بيخلي العربيه تتطلع علي التاني عشان لو غارزه في طين او تلج متتزحلقش
طيب سؤال ازى العربيه تعمل كيك دون او اوفر دريف علشان لو عاوز اطلع من عربيه مثلا على الطريق
جرب شغل الزرار ع الاوتو و اقلبها مانيوال هتلاقيها ع التاني:)
انا جزبت كل حاجه و علي فكره مش هتبطل لو ع التاني و غارزه عشان صوتها بيعلي لوي عشان متبطلش...
متفكرنيش بالمروحه بقي:(
علي فكره ممكن ت كيك داون ع المانيوال من غير ما تلمس الفتيس..بس لازم تجيب اخخر تكه في الدواسه.
هههههههه كمان كنترول.. الله يطمنك
ياجماعة انا عملت صيانة 120 الف ودلوقتى ومشيت بيها 5 الاف كيلو حاليا انا دلوقتي ف صيانة اعملها ولا مفيش ولو في ايه هي مواعيد الصيانة عشان احافظ ع العربية ؟
وعندي استفسار اخر انا عندى المروحة اللى عند الماتور مش شغالة ودرجة الحرارة عندى عادى 90 وشرطة انا عايز اعرف ايه فايدة المروحة بقى لو مش بتشتغل امال محطوطة ليه ولا هى بايظة عندى ولا ايه ؟؟؟
الصيانه كل عشر الاف و المراوح كده مظبوته
مظبوطة انها مش تشتغل ازاى ياخالد امال فايدتها ايه ؟؟؟
بتشتغل اول ما الحراره تبدا تعلي و تفصل علي طول...
اهااااااااا انا فهمت كده ربنا يكرمك يعني تعتبر وسيلة احتياطية عند علو الحرارة
هو العادي ان الحراره فوق ال 90 ؟
92 بالظبط ..يعنى 90 و سيكه صغيره
شكرا يا استاذ خالد
الطبيعى الحراره 92 وحاجه بسيطه وبرضو لو نزلت عن ال90 يبقى فى مشكله يعنى درجة حرارة العربيه ثابته صيف شتا
شكرا يا استاذ احمد
و معلش سؤال كمان هو النور الواطي بتاع اللينس مش بيبقى حلو اصل انا عندي زينون و النور مش عاجبني هل ده علشان الزينون ولا اللينس النور بتاعه كده؟
وعندى استفسار كمان انا لما اشغل التكييف الاقي درجة الحرارة نزلت من 92 بحس ان الماتور بيبرد معرفش ليه ؟ هو لما اشغل التكييف درجة الحرارة الماتور توطى
عايز زينون فابريكه بتاع الاوبل اجيبو منين؟
الزينون الفابريكه بيكون عباره عن فانوس كااامل
الى هو لونه اسود من جوا
سعر الفانوس الواحد فى التوكيل 6400
مينفعش اركب الزينون على الفانوس العادي؟
ينفع عادى مفيش مشكله
6400 ربنا يخليلنا منصوررررررررررر ومش يحرموا من خزوقتنا ع طولللللل
ياجماعة انا معروض عالية فانوس كامل للتبديل مع واحد صاحبي هيبيع نفس العربية فقالى خد الفانوس بتاعى وحطه بدل اللى عندك وبدل قبل مابيع العربية هو فانوسه نضيف عشان مقفول من جوة انا عندى التراب بيدخل للفانوس عشان العدسات الغطاء البلاستك بتاعها مش موجود فهل لو بدلت الفانوس ممكن يأثر ع كهربة العربية او يكون ليهم كود معين او اسلاك معينة يعني من الاخر مش هيأثر ع العربية لو بدلت الفانوس مع العلم انها نفس فئتي ونفس الموديل مع تغيير الجنوط هى جنط وانا جنط تانى فارجو من اهل الخبرة ان يساعدونى هل ابدل الفانوس بفانوسي ولا اعمل ايه
ينفع اركب زينون الفابريكه؟
ينفع اكيد تركب زينون فابريكة
بكام حد يعرف؟