شوية حاجات ظبطها في الاكسنت

**egy_3assy** · 06-05-2012 10:37 AM

المشاركة الأصلية كتبت بواسطة momo100010

انا فيمت اللى قدام سوبر
واللى ورا الترا
والشراعات عملتها مط
لو وقفت العربية تحت الشمس ساعة وفتحتها كانى كنت راكنها ف البيت
فعلا موضوع الفاميه دا ممتاز
وخصوصا انى بمشي كتير على طريق السويس وبيبقى معايا المدام
وما ادراكم ما تطفل الشعب المصري ( حاجة تقرف )
وافضل كملن من الشماسات والكلام الفكسان دا

كفاءة ... هو دة اللي انا بتكلم فية .. انا اصلا عامل الموضوع عشان اللي عايز يعرف اسعار او اي حاجة انا في الخدمة

**momo100010** · 06-05-2012 08:23 PM

بصراحة انا بحب اعمل كل حاجة ف العربية بنفسي
يعني انا اللى فيمت اللى قدام واللى ورا
وانا اللى عملت الشراعات مط
وانا اللى عملت الشماسة اللى قدام مط كمان :)
اصل مهما يكون الراجل الللى هيعمل لك الشغل صنايعيي
مش هيبقى مهتم انه يطلع الشغل ممتاز اد ثاحب الحاجة نفسها
وانا كمان جبت كاربون فايبر
ولزقته عالكبوت وعالقوايم
واهو منها اشغال وقت الفراغ
ان شاء الله هصور العربية واوريها لحضراتكم

**momo100010** · 06-05-2012 08:25 PM

ااااه سوري
نسيت اكمل
ومن النهارده مفيش حكومة
اناااااا الحكومة
ااااااااااانااااااااااااا الحكومة
وكده يعني :d

**egy_3assy** · 07-05-2012 10:41 AM

والله برنس يا momo100010 انا من كام يوم بك السلانسية مكانش مظبوط .. وغلبت اوديها للميكانيكي و برضو يأما عالية زيادة ياما واطية زيادة .. جيت يوم الجمعة بعد الصلاه وقلت على جثتي هظبطها يعني هظبطها ,. وفضلت وراها من هنا لهنا لغاية ما اتظبطط الحمد لله .. وبقت زي الفل بتسحب و متكركرش و ديل الشكمان انا اللي مركبة والمساحات و سموكي الفوانيس زي اللي عندك .. وانا اللي بنضف حتى العربية يوم الاجازة .. بعد ما راحت كذا مرة البنزينة و كل مرة يبوظو حاجة فقولت لا بقا انا انضف من غير ما ابوظ بدل شغل البهايم دة .. والحمد لله الموضوع لطيف جدا بعيدا عن ان كل اللي في الشارع و صحابي لما يعدو عليا بيتريقو و كدة بس مش مهم ...