هل قمت بضبط ضغط الكاوتش أول ما إستلمت؟؟؟؟
ممكن كمان تحط نيتروجين بدلا من الهواء وتضبطة على ٣٠ كل الفرد أو زي ستيكر ضغط العجل مبيقول, زي ماتحب. بس أهم حاجة أضبط الضغط سواء هواء أو بيتروجين عند حد نظيف ومضمون عشان تضمن يكون نقياس الضغط عنده قرايتة سليمه, ممكن بريدجستون مثلا.
عموما هو مش معنى إن العفشة ناعمة, إنك تزل فى بلاعة مفتوحه أو واطيه عن الأرض ١٥ سم مثلا ومتحسش بحاجة خالص!! بس النعومة فإنك مش هتحس برجة جامده أو رزعة, بس هتلاقي العربية أخدت النقرة أو الحفرة بنعومة وراحة, وصوت هادئ أو حتى من غير صوت. يعنى أنا مرة أكلت بلاعة غاطسة حوالى ١٥ سم وكنت متوقع رزعة جامدة وقولت فيه حاجة هتتكسر فالعربية, بس لاقيتني خدتها كأنها نقرة ٥ سم ولا حاجة ما شاء الله.
الخلاصة .. العفشة الكويسة الناعمة هي إللى تخفف إحساسك بظروف الطريق السيئة إلى أقصى حد قد يصل إلى ٩٩٪ حسب حالة الطريق, لاكن ده مش طول الوقت يعنى فيه نسبة من الإحساس هتوصلك لو حالة الطريق سيئه جدا.
أتمنى أكون أفدتك
المفضلات